ಅಥ ಪಂಡಿತ ಪೃಥಿವೀಪತಿ ವಿರಚಿತ
ಶ್ರೀಪಶುಪತ್ಯಷ್ಟಕಮ್
ಶ್ರೀ ಗುರುಭ್ಯೋ ನಮಃ. ಹರಿ: ಓಂ
ಪಶುಪತಿಂದುಪತಿಂ ಧರಣೀಪತಿಂ |
ಭುಜಗಲೋಕಪತಿಂ ಚ ಸತೀಪತಿಮ್ ||
ಪ್ರಣತ ಭಕ್ತಾರ್ತಿಹರಂ ಪರಂ|
ಭಜರೇ ಮನುಜಾ ಗಿರಿಜಾಪತಿಮ್ ||೧||
ನ ಜನಕೋ ಜನನೀ ನ ಚ ಸೋದರೋ |
ನ ತನಯೋ ನ ಚ ಭೂರಿಬಲಮ್ ಕುಲಮ್ ||
ಅವತಿ ಕೋsಪಿ ನ ಕಾಲವಶಮ್ ಗತಮ್ |
ಭಜರೇ ಮನುಜಾ ಗಿರಿಜಾಪತಿಮ್ ||೨||
ಮುರಜಡಿಂಡಿಮ ವಾದ್ಯ ವಿಲಕ್ಷಣಂ |
ಮಧುರ ಪಂಚಮನಾದ ವಿಶಾರದಮ್ ||
ಪ್ರಮಥ ಭೂತ ಗಣೈರಪಿ ಸೇವಿತಂ |
ಭಜರೇ ಮನುಜಾ ಗಿರಿಜಾಪತಿಮ್ ||೩||
ಶರಣದಂ ಸುಖದಂ ಶರಣಾನ್ವಿತಂ |
ಶಿವ ಶಿವೇತಿ ಶಿವೇತಿ ನತಂ ನೃಣಾಮ್ ||
ಅಭಯದಂ ಕರುಣಾವರುಣಾಲಯಂ |
ಭಜರೇ ಮನುಜಾ ಗಿರಿಜಾಪತಿಮ್ ||೪||
ನರಶಿರೋರಚಿತಂ ಮಣಿಕುಂಡಲಂ
ಭುಜಗಹಾರಮುದಂ ವೃಷಭ ಧ್ವಜಮ್ ||
ಚಿತಿರಜೋಧವಲೀಕೃತ ವಿಗ್ರಹಂ |
ಭಜರೇ ಮನುಜಾ ಗಿರಿಜಾಪತಿಮ್ ||೫||
ಮಖವಿನಾಶಕರಂ ಶಶಿಶೇಖರಂ |
ಸತತಮಧ್ವರಭಾಜಿ ಫಲಪ್ರದಮ್ ||
ಪ್ರಲಯದಗ್ದ ಸುರಾಸುರ ಮಾನವಂ |
ಭಜರೇ ಮನುಜಾ ಗಿರಿಜಾಪತಿಮ್ ||೬||
ಮದಮಪಾಸ್ಯ ಚಿರಂ ಹೃದಿ ಸಂಸ್ಥಿತಂ |
ಮರಣಜನ್ಮ ಜರಾಭಯ ಪೀಡಿತಮ್ ||
ಜಗದುದೀಕ್ಷ್ಯ ಸಮೀಪ ಭಯಾಕುಲಮ್ |
ಭಜರೇ ಮನುಜಾ ಗಿರಿಜಾಪತಿಮ್ ||೭||
ಹರಿವಿರಿಂಚಿ ಸುರಾಧಿಪ ಪೂಜಿತಂ|
ಯಮಜನೇಶಧನೇಶ ನಮಸ್ಕೃತಮ್ ||
ತ್ರಿನಯನಂ ಭುವನತ್ರಿತಯಾಧಿಪಂ |
ಭಜರೇ ಮನುಜಾ ಗಿರಿಜಾಪತಿಮ್ ||೮||
ಪಶುಪತೇರಿದಮಷ್ಟಕಮದ್ಭುತಂ |
ವಿರಚಿತಂ ಪೃಥಿವೀಪತಿ ಸೂರಿಣಾ ||
ಪಠತಿ ಸಂಶೃಣುತೇ ಮನುಜ: ಸದಾ |
ಶಿವಪುರೀಂ ವಸತೇ ಲಭತೇ ಮುದಮ್ ||೯||
|| ಇತಿ ಶ್ರೀ ಪಶುಪತ್ಯಷ್ಟಮ್ ಸಂಪೂರ್ಣಂ||
ಶ್ರೀ ಕೃಷ್ಣಾರ್ಪಣಮಸ್ತು
No comments:
Post a Comment