Guru Paduka Stotram ಶ್ರೀ ಗುರು ಪಾದುಕಾ ಸ್ತೋತ್ರಂ

 

ಗುರು ಧ್ಯಾನಂ 

ಸದಾಶಿವ ಸಮಾರಂಭಾಂ ಶಂಕರಾಚಾರ್ಯ ಮಧ್ಯಮಾಂ | ಅಸ್ಮದಾಚಾರ್ಯ ಪರ್ಯಂತಾಂ ವಂದೇ ಗುರು ಪರಂಪರಾಮ್ ||

ಗುರವೇ ಸರ್ವ ಲೋಕಾನಾಂ ಭಿಷಜೇ ಭವರೋಗಿಣಾಂ | ನಿಧಯೇ ಸರ್ವವಿದ್ಯಾನಾಮ್ ದಕ್ಷಿಣಾಮೂರ್ತಯೇ ನಮಃ ||

ವಿಶ್ವರೋ ಗುರುರಾತ್ಮೇತಿ ಮೂರ್ತಿ ಭೇದ ವಿಭಾಗಿನೆ | ಯೋಮವದ್ ವ್ಯಾಪ್ತ ದೇಹಾಯ ದಕ್ಷಿಣಾಮೂರ್ತಯೇ ನಮಃ ||

ಅಜ್ಞಾನ ತಿಮಿರಾಂಧಸ್ಯ ಜ್ಞಾನಾಂಜನ ಶಲಾಕಯಾ | ಚಕ್ಷುರುನ್ಮಿಲಿತೋ ಏನ ತಸ್ಮೈ ಶ್ರೀ ಗುರವೇ ನಮಃ. ||

ಶ್ರೀ ಗುರು ಪಾದುಕಾ ಸ್ತೋತ್ರಂ 

ಶ್ರೀ ಆದಿ ಶಂಕರಾಚಾರ್ಯ ವಿರಚಿತಾ

ಶ್ರೀ ಗುರುಭ್ಯೋ ನಮಃ.  ಹರಿ: ಓಂ

ಅನಂತ ಸಂಸಾರ ಸಮುದ್ರ ತಾರ 
ನೌಕಾಯಿತಾಭ್ಯಾಂ ಗುರುಭಕ್ತಿದಾಭ್ಯಾಂl 
ವೈರಾಗ್ಯ ಸಾಮ್ರಾಜ್ಯದ ಪೂಜನಾಭ್ಯಾಂ 
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೧ ll 

ಕವಿತ್ವ ವಾರಾಶಿ ನಿಶಾಕರಾಭ್ಯಾಂ 
ದೌರ್ಭಾಗ್ಯದಾವಾಂಬುದಮಾಲಿಕಾಭ್ಯಾಂl 
ದೂರೀಕೃತಾನಮ್ರ ವಿಪತ್ತಿತಾಭ್ಯಾಂ
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೨ ll 

ನತಾ ಯಯೋಃ ಶ್ರೀಪತಿತಾಂ ಸಮೀಯುಃ 
ಕದಾಚಿದಪ್ಯಾಶು ದರಿದ್ರವರ್ಯಾಃl 
ಮೂಕಾಶ್ಚ ವಾಚಸಪತಿತಾಂ ಹಿ ತಾಭ್ಯಾಂ 
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೩ ll 

ನಾಲೀ ಕನೀ ಕಾಶಪದಾಹೃತಾಭ್ಯಾಂ 
ನಾನಾವಿಮೋಹಾದಿನಿವಾರಿಕಾಭ್ಯಾಂl 
ನಮಜ್ಜನಾಭೀಷ್ಟತತಿಬ್ರದಾಭ್ಯಾಂ 
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೪ ll 

ನೃಪಾಲಿಮೌಲಿ ವ್ರಜ ರತ್ನ ಕಾಂತಿ 
ಸರಿದ್ವಿರಾಜತ್ ಝಷಕನ್ಯಕಾಭ್ಯಾಂl 
ನೃಪತ್ವದಾಭ್ಯಾಂ ನತಲೋಕಪಂಕ್ತೇ: 
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೫ ll 

ಪಾಪಾಂಧಕಾರಾರ್ಕ ಪರಂಪರಾಭ್ಯಾಂ 
ತಾಪತ್ರಯಾಹೀಂದ್ರ ಖಗೇಶ್ವರಾಭ್ಯಾಂl 
ಜಾಡ್ಯಾಬ್ಧಿ ಸಂಶೋಷಣ ವಾಡವಾಭ್ಯಾಂ 
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೬ ll 

ಶಮಾದಿಷಟ್ಕಪ್ರದ ವೈಭವಾಭ್ಯಾಂ 
ಸಮಾಧಿ ದಾನ ವ್ರತ ದೀಕ್ಷಿತಾಭ್ಯಾಂl 
ರಮಾಧವಾಂಘ್ರಿ ಸ್ಥಿರಭಕ್ತಿದಾಭ್ಯಾಂ 
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೭ ll 

ಸ್ವಾರ್ಚಾ ಪರಾಣಾಮಖಿಲೇಷ್ಟದಾಭ್ಯಾಂ 
ಸ್ವಾಹಾಸಹಾಯಾಕ್ಷ ಧುರಂಧರಾಭ್ಯಾಂl 
ಸ್ವಾಂತಾಚ್ಛ ಭಾವಪ್ರದಪೂಜನಾಭ್ಯಾಂ 
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೮ ll 

ಕಾಮಾದಿಸರ್ಪ ವ್ರಜಗಾರುಡಾಭ್ಯಾಂ 
ವಿವೇಕ ವೈರಾಗ್ಯ ನಿಧಿ ಪ್ರದಾಭ್ಯಾಂl 
ಬೋಧ ಪ್ರದಾಭ್ಯಾಂ ದೃತ ಮೋಕ್ಷ ದಾಭ್ಯಾಂ 
ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ ll ೯ ll

ಶ್ರೀ ಆದಿ ಶಂಕರಾಚಾರ್ಯ ವಿರಚಿತಾ ಶ್ರೀ ಗುರು ಪಾದುಕಾ ಸ್ತೋತ್ರಂ ಸಂಪೂರ್ಣಂ. ಶ್ರೀ ಕೃಷ್ಣಾರ್ಪಣಮಸ್ತು