VARAHA STUTIH ಶ್ರೀ ವರಾಹ ಸ್ತುತಿಃ (ಶ್ರೀ ವರಾಹಪುರಾಣೇ)

 (ಅಥ ಶ್ರೀ ಪದ್ಮ / ರಾಹಪುರಾಣೇ)

ಶ್ರೀ ವರಾಹ ಸ್ತುತಿಃ 

ಶ್ರೀ ಗುರುಭ್ಯೋ ನಮಃ ಹರಿ ಓಂ 
ಬ್ರಹ್ಮಾದಯ ಊಚುಃ |
ಜಯ ದೇವ ಮಹಾಪೋತ್ರಿನ್ ಜಯ ಭೂಮಿಧರಾಚ್ಯುತ | ಹಿರಣ್ಯಾಕ್ಷ ಮಹಾರಕ್ಷೋ ವಿದಾರಣ ವಿಚಕ್ಷಣ || 1 ||

ತ್ವಮನಾದಿರನಂತಶ್ಚ ತ್ವತ್ತಃ ಪರತರೋ ನ ಹಿ |
ತ್ವಮೇವ ಸೃಷ್ಟಿಕಾಲೇಽಪಿ ವಿಧಿರ್ಭೂತ್ವಾ ಚತುರ್ಮುಖಃ || 2 ||

ಸೃಜಸ್ಯೇತಜ್ಜಗತ್ಸರ್ವಂ ಪಾಸಿ ವಿಷ್ಣುಃ ಸಮಂತತಃ | 
ಕಾಲಾಗ್ನಿರುದ್ರರೂಪೀ ಚ ಕಲ್ಪಾಂತೇ ಸರ್ವಜಂತುಷು || 3 ||

ಅಂತರ್ಯಾಮೀ ಭವಾನ್ ದೇವ ಸರ್ವಕರ್ತಾ ತ್ವಮೇವ ಹಿ | ನಿಷ್ಕೃಷ್ಟಂ ಬ್ರಹ್ಮಣೋ ರೂಪಂ ನ ಜಾನಂತಿ ಸುರಾಸ್ತವ || 4 ||

ಪ್ರಸೀದ ಭಗವನ್ ವಿಷ್ಣೋ ಭೂಮಿಂ ಸ್ಥಾಪಯ ಪೂರ್ವವತ್ |ಸರ್ವಪ್ರಾಣಿ ನಿವಾಸಾರ್ಥಮ್ ಸ್ತುವನ್ ವಿಬುಧವ್ರಜಾಃ || 5 ||

(ಪದ್ಮಪುರಾಣೇ)
ದೇವಾ ಊಚುಃ |ನಮೋ ಯಜ್ಞವರಾಹಾಯ ನಮಸ್ತೇ ಶತಬಾಹವೇ |ನಮಸ್ತೇ ದೇವದೇವಾಯ ನಮಸ್ತೇ ವಿಶ್ವರೂಪಿಣೇ || 1 ||
ನಮಃ ಸ್ಥಿತಿಸ್ವರೂಪಾಯ ಸರ್ವಯಜ್ಞಸ್ವರೂಪಿಣೇ | ಕಲಾಕಾಷ್ಠಾನಿಮೇಷಾಯ ನಮಸ್ತೇ ಕಾಲರೂಪಿಣೇ || 2 ||
ಭೂತಾತ್ಮನೇ ನಮಸ್ತುಭ್ಯಂ ಋಗ್ವೇದವಪುಷೇ ತಥಾ | ಸುರಾತ್ಮನೇ ನಮಸ್ತುಭ್ಯಂ ಸಾಮವೇದಾಯ ತೇ ನಮಃ || 3 ||

ಓಂಕಾರಾಯ ನಮಸ್ತುಭ್ಯಂ ಯಜುರ್ವೇದ ಸ್ವರೂಪಿಣೇ |ಋಚಃಸ್ವರೂಪಿಣೇ ಚೈವ ಚತುರ್ವೇದಮಯಾಯ ಚ || 4 ||
ನಮಸ್ತೇ ವೇದವೇದಾಂಗ ಸಾಂಗೋಪಾಂಗಾಯ ತೇ ನಮಃ | ಗೋವಿಂದಾಯ ನಮಸ್ತುಭ್ಯಮ್ ಅನಾದಿನಿಧನಾಯ ಚ || 5 ||

ನಮಸ್ತೇ ವೇದವಿದುಷೇ ವಿಶಿಷ್ಟೈಕಸ್ವರೂಪಿಣೇ | ಶ್ರೀಭೂಲೀಲಾಧಿಪತಯೇ ಜಗತ್ಪಿತ್ರೇ ನಮೋ ನಮಃ || 6 ||

ಇತಿ ಶ್ರೀಪದ್ಮಪುರಾಣೇ ಉತ್ತರಖಂಡೇ ಸಪ್ತತ್ರಿಂಶದಧಿಕದ್ವಿಶತತಮೋಽಧ್ಯಾಯೇ ದೇವಕೃತ ಶ್ರೀ ವರಾಹ ಸ್ತುತಿಃ ಸಮಾಪ್ತ: | 

ಶ್ರೀ ಕೃಷ್ಣಾರ್ಪಣಮಸ್ತು