Cradle Song Maruti केसरीनंदन

                                 केसरीनंदन

बाळा जो जो रे कपिभूषणा । केसरीनंदना ।
निज रे क्षण राणा जगमोहना । रामाचा दासगणा ॥धृ॥

पाळणा हालविसि उदरासी । अंजनि मातें वंशी ।
पुत्र जन्मला वनजाशी । निसर्गाचे कुशी ॥१॥

बुद्धी भूत असे तल्लखे । सूर्य रश्मी अलौके ।
ऋषीगण वरsनेक कुलदिपक । त्रिन् लोक नायक ॥२॥

अंजनि केसरी चा उदरी । धरुनी सबळ दोरी ।
पुष्पे बहुपरी सुरवरी । गर्जती भवभयहारी ॥३॥

त्रिभुवन तारया मरुतराया । निद्रा करी बा सखया ।
तुजवर शरणागत होवुनिया । ठेविन आपुली काया ॥४॥

येऊनि  सत्वर  यतिवर । सांगे जन्मांतर । 
विश्व शक्तीचा  साचार । योगी चा अवतार ॥५॥

भक्त रक्षुनिया अवधारा । वधुनी निशाचरा ।
जाईल जलधी परा  वीर वरा । जाळुनि लंकापुरा ॥६॥

वर्णिले दाशरथी सुरुपा । भंगुनि उपवनतापा ।
दशाननाप्रति रूप मित कोप । प्रजा गण प्रलापा ॥७॥

रामसेतू चा माळा नळनीळा । नामे तरतिल शिळा ।
त्यावरी रामाक्षरा दयाळा । नेउनि वानर सकळा ॥८॥

समूळ मर्दन असुरगण । स्थापित राम स्मरण ।
वैदेही सहमचरण  संपूर्ण । आनंदिले पुरजण ॥९॥

आयुर् बळ निकेतन संतान | यश तेज पशुधन |
मेधाशक्ती प्रदान निजज्ञान | देयी तु वरदान  || १० ||

दास रामाचा भुकेला । भक्ताधीन राहिला ।

प्रतिग्रामे शोभला उभा पावला । त्रिलोक तारला ॥११॥