ಶ್ರೀರಾಮ ದಂಡಕಮ್ राम दण्डकं
ಶ್ರೀ ಗುರುಭ್ಯೋ ನಮಃ ಹರಿ ಓಂ
ಶ್ರೀರಾಮಧ್ಯಾನಮ್ ।
ಹತ್ವಾ ಯುದ್ಧೇ ದಶಾಸ್ಯಂ ತ್ರಿಭುವನವಿಷಮಂ ವಾಮ ಹಸ್ತೇನ ಚಾಪಂಭೂಮೌ ವಿಷ್ಟಭ್ಯ ತಿಷ್ಠನ್ನಿತರಕರಧೃತಂ ಭ್ರಾಮಯನ್ಬಾಣಮೇಕಮ್ ।
ಆರಕ್ತೋಪಾನ್ತನೇತ್ರಃ ಶರದಲಿತವಪುಃ ಕೋಟಿಸೂರ್ಯ ಪ್ರಕಾಶೋ ವೀರಶ್ರೀ ಬನ್ಧುರಾಂಗ ಸ್ತ್ರಿದಶಪತಿನುತಃ ಪಾತು ಮಾಂ ವೀರರಾಮಃ ॥
ಅಥ ಶ್ರೀರಾಮದಂಡಕಂ ಸ್ತೋತ್ರಮ್ ।
ಓಂ ಶ್ರೀರಾಮಪರಬ್ರಹ್ಮಾಣೇ ನಮಃ ।
ಶ್ರೀಮದಖಿಲಾಂಡಕೋಟಿಬ್ರಹ್ಮಾಂಡಭಾಂಡದಂಡೋಪದಂಡಕರಂಡಮಲಾಶಾನ್ತೋದ್ದೀಪಿತ-ಸಗುಣ ನಿರ್ಗುಣಾತೀತ ಸಚ್ಚಿದಾನನ್ದ ಪರಾತ್ಪರ ತಾರಕ ಬ್ರಹ್ಮಾಹ್ವಯದಶದಿಕ್ ಪ್ರಕಾಶಂ,ಸಕಲ ಚರಾ ಚರಾಧೀಶಮ್ ॥ 1॥
ಕಮಲಸಮ್ಭವಶಚೀಧವಪ್ರಮುಖನಿಖಿಲವೃನ್ದಾರಕವೃನ್ದವನ್ದ್ಯಮಾನಸನ್ದೀಪ್ತ-ದಿವ್ಯಚರಣಾರವಿನ್ದಂ, ಶ್ರೀಮುಕುನ್ದಮ್ ॥ 2॥
ದುಷ್ಟನಿಗ್ರಹಶಿಷ್ಟಪರಿಪಾಲನೋತ್ಕಟ ಕಪಟನಾಟಕ ಸೂತ್ರಚರಿತ್ರಾ ರಂಜಿತ ಬಹುವಿಧಾವತಾರಂಶ್ರೀ ರಘುವೀರಮ್ ॥ 3॥
ಕೌಸಲ್ಯಾದಾಶರಥ ಮನೋರಥಾ ಮನ್ದಾನನ್ದಕನ್ದಲಿತಾಧಿ ರೂಢಕ್ರೀಡಾ-ವಿಲೋಲನಶೈಶವಂ ಶ್ರೀಕೇಶವಂ ॥ 4॥
ವಿಶ್ವಾಮಿತ್ರಯಜ್ಞವಿಘ್ನಕಾರಣೋತ್ಕಟತಾಟಕಾಸುವಾಹುಬಾಹುಬಲವಿದಲನ-ಬಾಣಪ್ರವೀಣ ಕೋಪ ಪರಾಯಣಂ, ಶ್ರೀಮನ್ನಾರಾಯಣಮ್ ॥ 5॥
ನಿಜಪಾದಜಲಜರಜಃ ಕಣಸ್ಪರ್ಶನೀಯ ಶಿಲಾರೂಪ ಶಾಪವಿಮುಕ್ತ-ಗೌತಮಸತೀ ವಿನುತ ಮಹೀಧವಂ, ಶ್ರೀಮಾಧವಮ್! ॥ 6॥
ಖಂಡೇನ್ದುಧರ ಪ್ರಚಂಡ ಕೋದಂಡ ಖಂಡನೋದ್ದಂಡ ದರ್ದ್ದಂಡ ಕೌಶಿಕ- ಲೋಚನೋತ್ಸವ ಜನಕ ಚಕ್ರೇಶ್ವರ ಸಮರ್ಪಿತ ಸೀತಾ ವಿವಾಹೋತ್ಸವಾನನ್ದಂ ಶ್ರಿಗೋವಿನ್ದಮ್ ॥ 7॥
ಪರಶುರಾಮ ಭೂಜಾಖರ್ವಗರ್ವ ನಿರ್ವಾಪಣ ಪದಾನುಗ ತರಣವಿಜಯವರ್ತಿಷ್ಣುಂ ಶ್ರೀವಿಷ್ಣುಮ್ ॥ 8॥
ಪಿತೃವಾಕ್ಯಪರಿಪಾಲನೋತ್ಕಟಜಟಾವಲ್ಕಲೋದ್ಯತಸೀತಾಲಕ್ಷ್ಮಣಸಹಿತ ಮಹಿತರಾಜ್ಯಾಭಿಮತ ದೃಢವ್ರತಸಂಕಲಿತ ಪ್ರಯಾಣ ರಂಗಗಂಗಾ ವತರಣಸಾಧನಂ ಶ್ರೀ ಮಧುಸೂದನಮ್ ॥ 9॥
ಭರದ್ವಾಜೋಪಚಾರನಿವಾರಿತಶ್ರಮಕ್ರಮನಿರಾಘಾಟಚಿತ್ರಕೂಟಪ್ರವೇಶಕಕ್ರಮಂ ಶ್ರೀತ್ರಿವಿಕ್ರಮಮ್ ॥ 10॥
ಜನಕವಿಯೋಗಶೋಕಾಕುಲಿತಭರತಶತ್ರುಘ್ನಲಾಲನಾನುಕೂಲ-ಭರತಪಾದುಕಾ ಪ್ರದಾನ ಸುಧಾ ನಿರ್ಮಿತಾನ್ತಃಕರಣ ದುಷ್ಟಚೇಷ್ಟಾಯಮಾನ-ಕ್ರೂರ ಕಾಕಾಸುರ ಗರ್ವೋಪಶಮನಂ, ಶ್ರೀವಾಮನಮ್ ॥ 11॥
ದಂಡಕಾಗಮನವಿರೋಧಕ್ರೋಧವಿರಾಧಾನಲಜ್ವಾಲಾಜಲಧರಂ ಶ್ರೀಧರಮ್ ॥ 12॥
ಶರಭಂಗಸುತೀಕ್ಷ್ಣಾತ್ರಿದರ್ಶನಾಶೀರ್ವಾದನಿರ್ವ್ಯಾಜಕುಮ್ಭಸಮ್ಭವ-ಕೃಪಾಲಬ್ಧಮಹಾ ದಿವ್ಯಾಸ್ತ್ರ ಸಮುದಾಯಾರ್ಜಿತ ಪ್ರಕಾಶಂ, ಶ್ರೀಹೃಷೀಕೇಶಮ್ ॥ 13॥
ಪಂಚವಟೀತಟೀಸಂಘಟಿತವಿಶಾಲಪರ್ಣಶಾಲಾಗತಶೂರ್ಪಣಖಾನಾಸಿಕಾಚ್ಛೇದನ- ಮಾನಾವಬೋಧನ ಮಹಾ ಹವಾರಮ್ಭಣ ವಿಜೃಮ್ಭಣ ರಾವಣ ನಿಯೋಗ ಮಾಯಾ ಮೃಗಸಂಹಾರ-ಕಾರ್ಯಾರ್ಥಲಾಭಂ, ಶ್ರೀಪದ್ಮನಾಭಮ್ ॥ 14॥
ರಾತ್ರಿಂಚರವರವಂಚನಾಪಹೃತಸೀತಾನ್ವೇಷಣರತಪಂಕ್ತಿಕನ್ಥರಕ್ಷೋಭ-ಶಿಥಿಲೀಕೃತ ಪಕ್ಷಜಟಾಯು ರ್ಮೋಕ್ಷಬನ್ಧು ಕ್ರಿಯಾವಸಾನ ನಿರ್ಬನ್ಧನಕಬನ್ಧ-ವಕ್ತ್ರೋದರ ಶರೀರ ನಿರಾದರಂ, ಶ್ರೀಮದ್ದಾಮೋದರಮ್ ॥ 15॥
ಶಬರ್ಯೋಪದೇಶಪಮ್ಪಾತಟಹನುಮತ್ಸುಗ್ರೀವಸಮ್ಭಾಷಿತ ಬನ್ಧುರಾದ್ವನ್ದದುನ್ದುಭಿ- ಕಲೇಬರೋತ್ಪತನ ಸಪ್ತಸಾಲ ಚ್ಛೇದನ ಬಾಲಿವಿದಾರಣ ಪ್ರಸನ್ನಯುಗ್ರೀವ- ಸಾಮ್ರಾಜ್ಯಸುಖಮರ್ಷಣಂ, ಶ್ರೀಸಂಕರ್ಷಣಮ್ ॥ 16॥
ಸುಗ್ರೀವಾಂಗದನೀಲಜಾಮ್ಬವತ್ಪನಸಕೇಸರಿಪ್ರಮುಖನಿಖಿಲಕಪಿನಾಯಕಸೇನಾ-ಸಮುದಾಯಾರ್ಚಿತಸೇವಂ, ಶ್ರೀವಾಸುದೇವಂ ॥ 17॥
ನಿಜದತ್ತಮುದ್ರಿಕಾಜಾಗ್ರತ್ಸಮುಗ್ರಾಂಜನೇಯವಿನಯವಚನರಚನಾಮ್ಬುಧಿ-ಲಂಘಿತ ಲಂಕಿಣೀ ಪ್ರಾಣೋಲ್ಲಂಘನ ಜನಕಜಾ ದರ್ಶನಾಕ್ಷಕುಮಾರ ಮಾರಣ ಲಂಕಾಪುರೀ ದಹನ ತತ್ಪ್ರತಿಷ್ಠಿತ-ಸುಖಪ್ರಸಂಗ ಧೃಷ್ಟದ್ಯುಮ್ನಂ, ಶ್ರೀಪ್ರದ್ಯುಮ್ನಮ್ ॥ 18॥
ಅಗ್ರಜೋದಗ್ರಮಹೋಗ್ರನಿಗ್ರಹಪಲಾಯಮಾನಾಪಮಾನನೀಯನಿಜಶರಣ್ಯಾಗಣ್ಯಪುಣ್ಯೋದಯ-ವಿಭೀಷಣಾ ಭಯಪ್ರದಾನಾನಿರುದ್ಧಂ, ಶ್ರೀಮದನಿರುದ್ಧಮ್ ॥ 19॥
ಅಪಾರಲವಣಪಾರಾವಾರಸಮುಜ್ಜೃಮ್ಭಿತೋತ್ಕರಣಗರ್ವನಿರ್ವಾಪಣದೀಕ್ಷಾಸಮರ್ಥ-ಸೇತುನಿರ್ಮಾಣ ಪ್ರವೀಣಾಖಿಲ ನರಸುರೋತ್ತಮಂ, ಶ್ರೀಪುರುಷೋತ್ತಮಮ್ ॥ 20॥
ನಿಸ್ತುಲಪ್ರಹಸ್ತಕುಮ್ಭಕರ್ಣೇನ್ದ್ರಜಿತ್ಕುಮ್ಭನಿಕುಮ್ಭಾಗ್ನಿವರ್ಣಾತಿಕಾಯಮಹೋದರ-ಮಹಾಪಾರ್ಶ್ವಾದಿ ದನುಜತನು ಖಂಡನಾಯಮಾನ ಕೋದಂಡ ಗುಣಶ್ರವಣ ಶೋಷಣ ಹತಶೇಷ-ರಾಕ್ಷಸವ್ರಜಂ, ಶ್ರೀ ಅಧೋಕ್ಷಜಮ್ ॥ 21॥
ಅಕುಂಠಿತರಣೋಪಕಂಠದಶಕಂಠದನುಜಕಂಠೀರವಕಂಠಲುಂಠನಾಯಮಾನಜಯಾರ್ಹಂ,ಶ್ರಿನಾರಸಿಂಹಮ್ ॥ 22॥
ದಶಗ್ರೀವಾನುಜಪಟ್ಟಭದ್ರತ್ವಶಕ್ಯವಿಭವಲಂಕಾಪುರೀಸ್ಫುರಣಸಕಲಸಾಮ್ರಾಜ್ಯ-ಸುಖೋರ್ಜಿತಂ, ಶ್ರೀಮದಚ್ಯುತಮ್ ॥ 23॥
ಸಕಲಸುರಾಸುರಾದ್ಭುತಪ್ರಜ್ವಲಿತಪಾವಕಮುಖಪೂತಾಯಮಾನಸೀತಾಲಕ್ಷ್ಮಣಾನುಗತ-ಮಹನೀಯ ಪುಷ್ಪಕಾ ಧಿರೋಹಣ ನನ್ದಿಗ್ರಾಮಸ್ಥಿತ ಭ್ರಾತೃಭಿರ್ಯುತ ಜಟಾವತ್ಕಲ-ವಿಸರ್ಜನಾಮ್ಬರ ಭೂಷಣಾಲಂಕೃತ ಶ್ರೇಯೋ ವಿವರ್ಧನಂ, ಶ್ರೀಜನಾರ್ದ್ದನಮ್ ॥ 24॥
ಅಯೋಧ್ಯಾನಗರಪಟ್ಟಾಭಿಷೇಕವಿಶೇಷಮಹೋತ್ಸವನಿರನ್ತರದಿಗನ್ತವಿಶ್ರಾನ್ತಹಾರಹೀರ- ಕರ್ಪೂರ ಪಯಃ ಪಾರಾವಾರಾ ಪಾರಾಭವಾಣೀ ಕುನ್ದೇನ್ದು ಮನ್ದಾಕಿನೀ ಚನ್ದನಸುರಧೇನು-ಶರದಮ್ಬುದಾಲೀ ಶರದಮ್ಭೋಲೀ ಶತಧಾರಾ ಧಾವಲ್ಯ ಶುಭಕೀರ್ತ್ತಿಚ್ಛಟಾನ್ತರ-ಪಾಂಡುರೀ ಭೂತ ಸಭಾವಿ ಭ್ರಾಜಮಾನ ನಿಖಿಲ ಭುವನೈಕ ಸಾನ್ದ್ರಯಶಸ್ಸಾನ್ದ್ರಂ ಶ್ರೀ ಉಪೇನ್ದ್ರಮ್ ॥ 25॥
ಭಕ್ತಜನಸಂರಕ್ಷಣದೀಕ್ಷಾಕಟಾಕ್ಷಸುಖೋದಯಸಮುತ್ಸಾರಿಂ, ಶ್ರೀಹರಿಮ್ ಕೇಶವಾದಿ ಚತುರ್ವಿಂಶತಿ ನಾಮ ಗರ್ಭಸನ್ದ ರ್ಭೋಚಿತನಿಜ-ಕಥಾಂಗೀಕೃತ ಮೇಧಾವತಿಷ್ಣಂ, ಶ್ರೀಕೃಷ್ಣಮ್ ॥ 26॥
ಸರ್ವಸುಪರ್ವಪಾರ್ವತೀಹೃದಯಕಮಲತಾರಕಬ್ರಹ್ಮನಾಮಂ, ಶ್ರೀಸಮ್ಪೂರ್ಣಕಾಮಮ್ ॥ 27॥
ಭವತರಣಾನುಯಶಸ್ಸಾನ್ದ್ರಂ ಭವಜನಿತಭಯೋಚ್ಛೇದವಿಚ್ಛಾತ್ರಮಚ್ಛಿದ್ರಂಭಕ್ತಜನಮನೋರಥೋನ್ನಿದ್ರಂ, ಶ್ರೀಭದ್ರಾಚಲರಾಮಭದ್ರಮ್ ॥ 28॥
ಓಂ ಶ್ರೀರಾಮಭದ್ರಾಯನಮಃ ।
ಇತಿ ಶ್ರೀರಾಮದಂಡಕಂ ಸಮಾಪ್ತಮ್ ।
No comments:
Post a Comment