Guru Vandana 2 ಶ್ರೀ ಗುರು ವಂದನ ೨

                   ಶ್ರೀ ಗುರು ವಂದನ. ೨

ಶ್ರೀ ಗುರುಭ್ಯೋ ನಮಃ ಹರಿ: ಓಂ 

ಏಕ ಶ್ಲೋಕಿ

ಕಿಂ ಜ್ಯೋತಿಸ್ತವ ಭಾನು ಮಾನಹಾನಿ ಮೇ ರಾತ್ರೌ ಪ್ರದೀಪಾದಿಕಂ | ಸ್ಯಾ ದೇವಂ ರವಿದೀಪ ದರ್ಶನ ವಿಧೌ ಕಿಂ ಜ್ಯೋತಿರಾಖ್ಯಾಹಿ ಮೇ || ಚಕ್ಷುಸ್ತಸ್ಯ ನಿಮೀಲನಾದಿ ಸಮಯೇ ಕಿಂ ಧೀರ್ಧಿಯೋ ದರ್ಶನವೇ | ಕಿಂ ತತ್ರಾಹ ಮತೋ ಭವಾನ್ ಪರಮಕಂ ಜ್ಯೋತಿಸ್ತದಸ್ಮಿ ಪ್ರಭೋ ||

ಶಂಕಾರೂಪೇಣ ಮಚ್ಚಿತ್ತಂ ಪಂಕೀಕೃತಂ ಅಭೂದ್ಯಯಾ | ಕಿಂಕರೀ ಯಸ್ಯ ಸಾ ಮಾಯಾ ಶಂಕರಾಚಾರ್ಯ ಮಾಶ್ರಯೇ || 1

ಪ್ರಹ್ಲಾದವರದೋ ದೇವೋ ಯೋ ನೃಸಿಂಹ ಪರೋ ಹರಿಃ | ನೃಸಿಂಹೋಪಾಸಕಂ ನಿತ್ಯಂ ತಂ ನೃಸಿಂಹ ಗುರುಂ ಭಜೇ || 2

ಶ್ರೀ ಸಚ್ಚಿದಾನಂದ ಶಿವಾಭಿನವ್ಯ ನೃಸಿಂಹ ಭಾರತ್ಯಭಿದಾನ್ ಯತೀಂದ್ರಾನ್ | ವಿದ್ಯಾ ನಿಧೀನ್ ಮಂತ್ರ ನಿಧೀನ್ ಸದಾತ್ಮ ನಿಷ್ಠಾನ್ ಭಜೇ ಮಾನವ ಶಂಭು ರೂಪಾನ್ || 3

ಸದಾತ್ಮ ಧ್ಯಾನ ನಿರತಂ ವಿಷಯೇಭ್ಯ: ಪರಾಙ್ಮುಖಂ | ನೌಮೀ ಶಾಸ್ತ್ರೇಷು ನಿಷ್ಣಾತಂ ಚಂದ್ರಶೇಖರಭಾರತೀಂ ||4

ವಿವೇಕಿನಂ ಮಹಾಪ್ರಜ್ಞಂ ಧೈರ್ಯೌದಾರ್ಯ ಕ್ಷಮಾನಿಧೀಂ |. ಸದಾಭಿನವ ಪೂರ್ವಂ ತಂ ವಿದ್ಯಾ ತೀರ್ಥ ಗುರುಂ ಭಜೇ ||5

ಅಜ್ಞಾನಾಂ ಜಾಹ್ನವೀ ತೀರ್ಥಂ ವಿದ್ಯಾ ತೀರ್ಥಂ ವಿವೇಕಿನಾಂ | ಸರ್ವೇಷಾಂ ಸುಖದಂ ತೀರ್ಥಂ ಭಾರತೀ ತೀರ್ಥಮಾಶ್ರಯೇ ||6

ವಿದ್ಯಾ ವಿನಯ ಸಂಪನ್ನಂ ವೀತರಾಗಂ ವಿವೇಕಿನಂ | ವಂದೇ ವೇದಾಂತ ತ್ತ್ವಜ್ಞಂವಿಧುಶೇಖರ ಭಾರತೀಂ ||7

ಶ್ರೀ ಕೃಷ್ಣಾರ್ಪಣಮ‌ಸ್ತು