ಶ್ರೀ ಗುರುಭ್ಯೋ ನಮಃ ಹರಿ: ಓಂ
ಆಧಾರಭೂತೇ ಚ ಅಧೇಯೇ ಧೃತಿರೂಪೇ ಧುರನ್ಧರೇ ।
ಧ್ರುವೇ ಧ್ರುವಪದೇ ಧೀರೇ ಜಗದ್ಧಾತ್ರಿ ನಮೋಸ್ತುತೇ ॥೧॥
ಶವಾಕಾರೇ ಶಕ್ತಿರೂಪೇ ಶಕ್ತಿಸ್ಥೇ ಶಕ್ತಿವಿಗ್ರಹೇ । ಶಕ್ತಾಚಾರಪ್ರಿಯೇ ದೇವಿ ಜಗದ್ಧಾತ್ರಿ ನಮಸ್ತು ತೇ ॥೨॥
ಜಯದೇ ಜಗದಾನನ್ದೇ ಜಗದೇಕಪ್ರಪೂಜಿತೇ । ಜಯ ಸರ್ವಗತೇ ದುರ್ಗೇ ಜಗದ್ಧಾತ್ರಿ ನಮೋಸ್ತು ತೇ ॥೩॥
ಸೂಕ್ಷ್ಮಾತಿಸೂಕ್ಷ್ಮರೂಪೇ ಚ ಪ್ರಾಣಾಪಾನಾದಿರೂಪಿಣಿ । ಭಾವಾಭಾವಸ್ವರೂಪೇ ಚ ಜಗದ್ಧಾತ್ರಿ ನಮೋ ಸ್ತುತೇ ॥೪॥
ಕಾಲಾದಿರೂಪೇ ಕಾಲೇಶೇ ಕಾಲಕಾಲ ವಿಭಾಗಿನಿ । ಸರ್ವಸ್ವರೂಪೇ ಸರ್ವಜ್ಞೇ ಜಗದ್ಧಾತ್ರಿ ನಮೋಸ್ತುತೇ ॥೫॥
ಮಹಾವಿಘ್ನೇ ಮಹೋತ್ಸಾಹೇ ಮಹಾಮಾಯೇ ವರಪ್ರದೇ । ಪ್ರಪಂಚ ಸಾರೇ ಸಾಧ್ವೀಶೇ ಜಗದ್ಧಾತ್ರಿ ನಮೋಸ್ತುತೇ ॥೬॥
ಆಗಮ್ಯೇ ಜಗತಾಮಾದ್ಯೆ ಮಹೇಶ್ವರಿ ವರಾಂಗನೇ । ಅಶೇಷರೂಪೇ ರೂಪಸ್ಥೇ ಜಗದ್ಧಾತ್ರಿ ನಮೋಸ್ತುತೇ ॥೭॥
ದ್ವಿಸಪ್ತಕೋಟಿಮನ್ತ್ರಾಣಾಂ ಶಕ್ತಿರೂಪೇ ಸನಾತನಿ । ಸರ್ವಶಕ್ತಿಸ್ವರೂಪೇ ಚ ಜಗದ್ಧಾತ್ರಿ ನಮೋಸ್ತುತೇ ॥೮॥
ತೀರ್ಥಯಜ್ಞತಪೋದಾನಯೋಗಸಾರೇ ಜಗನ್ಮಯಿ । ತ್ವಮೇವ ಸರ್ವಂ ಸರ್ವಸ್ಥೇ ಜಗದ್ಧಾತ್ರಿ ನಮೋಸ್ತುತೇ ॥೯ ॥
ದಯಾರೂಪೇ ದಯಾದೃಷ್ಟೇ ದಯಾರ್ದ್ರೇ ದುಃಖಮೋಚನಿ । ಸರ್ವಪತ್ತಾರಿಕೆ ದುರ್ಗೇ ಜಗದ್ಧಾತ್ರಿ ನಮೋಸ್ತುತೇ ॥೧೦॥
ಅಗಮ್ಯಧಾಮಧಾಮಸ್ಥೇ ಮಹಾಯೋಗಿಶಹೃತ್ಪುರೇ । ಅಮೇಯಭಾವಕೂಟಸ್ಥೇ ಜಗದ್ಧಾತ್ರಿ ನಮೋಸ್ತುತೇ ॥೧೧॥
ಇತಿ ಶ್ರೀಜಗದ್ಧಾತ್ರಿ ಸ್ತೋತ್ರಮ್ ಸಂಪೂರ್ಣಂ
ಶ್ರೀ ಕೃಷ್ಣಾರ್ಪಣಮಸ್ತು
No comments:
Post a Comment