श्री गिरीशस्तोत्रम् ಗಿರೀಶ ಸ್ತೋತ್ರಂ
श्रीगणेशाय नमः ।
शिरोगाङ्गवासं जटाजूटभासं
मनोजादिनाशं सदादिग्विकासम् ।
हरं चाम्बिकेशं शिवेशं महेशं
शिवं चन्द्रभालं गिरीशं प्रणौमि ॥ १॥
सदाविघ्नदारं गले नागहारं
मनोजप्रहारं तनौभस्मभारम् ।
महापापहारं प्रभुं कान्तिधारं
शिवं चन्द्रभालं गिरीशं प्रणौमि ॥ २॥
शिवं विश्वनाथं प्रभुं भूतनाथं
सुरेशादिनाथं जगन्नाथनाथम् ।
रतीनाथनाशङ्करन्देवनाथं
शिवं चन्द्रभालं गिरीशं प्रणौमि ॥ ३॥
धनेशादितोषं सदाशत्रुकोषं
महामोहशोषं जनान्नित्यपोषम् ।
महालोभरोषं शिवानित्यजोषं
शिवं चन्द्रभालं गिरीशं प्रणौमि ॥ ४॥
ललाटे च भालं शिवं दुष्टकालं
सदाभक्तपालं दधानङ्कपालम् ।
महाकालकालस्वरूपं करालं
शिवं चन्द्रभालं गिरीशं प्रणौमि ॥ ५॥
परब्रह्मरूपं विचित्रस्वरूपं
सुराणां सुभूपं महाशान्तरूपम् ।
गिरीन्द्रात्मजा सङ्गृहीतार्धरूपं
शिवं चन्द्रभालं गिरीशं प्रणौमि ॥ ६॥
सदागङ्गपानं सुमोक्षादिदानं
स्वभक्तादिमानं प्रभुं सर्वज्ञानम् ।
डमरुं त्रिशूलं कराभ्यां दधानं
शिवं चन्द्रभालं गिरीशं प्रणौमि ॥ ७॥
अजिनादि गोहं रतीनाथमोहं
सदाशत्रुद्रोहं शिवं निर्विमोहम् ।
विभुं सर्वकालेश्वरं कामद्रोहं
शिवं चन्द्रभालं गिरीशं प्रणौमि ॥ ८॥
द्विजन्मानुसेवं प्रभुं देवदेवं
सदाभूतसेवं गणेशादिदेवम् ।
पतङ्गादिदेवं हिरण्यादिदेवं
शिवं चन्द्रभालं गिरीशं प्रणौमि ॥ ९॥
अदेवप्रमारं शिवं सर्वसारं
नराणां विभारं गणेशादिपारम् ।
महारोषहारं ह्यलङ्कारधारं
शिवं चन्द्रभालं गिरीशं प्रणौमि ॥ १०॥
नरोयस्त्रिकाले पठेद्भक्तियुक्तः
शिवं प्राप्य सद्यस्त्रिलोके प्रसिद्धम् ।
धनं धान्यपुत्रं कुटुम्बादियुक्तं
समासाद्यमित्रं सुमुक्तिं व्रजेत्सः ॥ ११॥
इति श्री मिश्रकुञ्जविहारिणाकृतं गिरीशस्तोत्रं सम्पूर्णम् ।
शुभं भूयात् ।
ಶ್ರೀಗಣೇಶಾಯ ನಮಃ .
ಶಿರೋಗಾಂಗವಾಸಂ ಜಟಾಜೂಟಭಾಸಂ
ಮನೋಜಾದಿನಾಶಂ ಸದಾದಿಗ್ವಿಕಾಸಂ .
ಹರಂ ಚಾಂಬಿಕೇಶಂ ಶಿವೇಶಂ ಮಹೇಶಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೧..
ಸದಾವಿಘ್ನದಾರಂ ಗಲೇ ನಾಗಹಾರಂ
ಮನೋಜಪ್ರಹಾರಂ ತನೌಭಸ್ಮಭಾರಂ .
ಮಹಾಪಾಪಹಾರಂ ಪ್ರಭುಂ ಕಾಂತಿಧಾರಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೨..
ಶಿವಂ ವಿಶ್ವನಾಥಂ ಪ್ರಭುಂ ಭೂತನಾಥಂ
ಸುರೇಶಾದಿನಾಥಂ ಜಗನ್ನಾಥನಾಥಂ .
ರತೀನಾಥನಾಶಂಕರಂದೇವನಾಥಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೩..
ಧನೇಶಾದಿತೋಷಂ ಸದಾಶತ್ರುಕೋಷಂ
ಮಹಾಮೋಹಶೋಷಂ ಜನಾನ್ನಿತ್ಯಪೋಷಂ .
ಮಹಾಲೋಭರೋಷಂ ಶಿವಾನಿತ್ಯಜೋಷಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೪..
ಲಲಾಟೇ ಚ ಭಾಲಂ ಶಿವಂ ದುಷ್ಟಕಾಲಂ
ಸದಾಭಕ್ತಪಾಲಂ ದಧಾನಂಕಪಾಲಂ .
ಮಹಾಕಾಲಕಾಲಸ್ವರೂಪಂ ಕರಾಲಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೫..
ಪರಬ್ರಹ್ಮರೂಪಂ ವಿಚಿತ್ರಸ್ವರೂಪಂ
ಸುರಾಣಾಂ ಸುಭೂಪಂ ಮಹಾಶಾಂತರೂಪಂ .
ಗಿರೀಂದ್ರಾತ್ಮಜಾ ಸಂಗೃಹೀತಾರ್ಧರೂಪಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೬..
ಸದಾಗಂಗಪಾನಂ ಸುಮೋಕ್ಷಾದಿದಾನಂ
ಸ್ವಭಕ್ತಾದಿಮಾನಂ ಪ್ರಭುಂ ಸರ್ವಜ್ಞಾನಂ .
ಡಮರುಂ ತ್ರಿಶೂಲಂ ಕರಾಭ್ಯಾಂ ದಧಾನಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೭..
ಅಜಿನಾದಿ ಗೋಹಂ ರತೀನಾಥಮೋಹಂ
ಸದಾಶತ್ರುದ್ರೋಹಂ ಶಿವಂ ನಿರ್ವಿಮೋಹಂ .
ವಿಭುಂ ಸರ್ವಕಾಲೇಶ್ವರಂ ಕಾಮದ್ರೋಹಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೮..
ದ್ವಿಜನ್ಮಾನುಸೇವಂ ಪ್ರಭುಂ ದೇವದೇವಂ
ಸದಾಭೂತಸೇವಂ ಗಣೇಶಾದಿದೇವಂ .
ಪತಂಗಾದಿದೇವಂ ಹಿರಣ್ಯಾದಿದೇವಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೯..
ಅದೇವಪ್ರಮಾರಂ ಶಿವಂ ಸರ್ವಸಾರಂ
ನರಾಣಾಂ ವಿಭಾರಂ ಗಣೇಶಾದಿಪಾರಂ .
ಮಹಾರೋಷಹಾರಂ ಹ್ಯಲಂಕಾರಧಾರಂ
ಶಿವಂ ಚಂದ್ರಭಾಲಂ ಗಿರೀಶಂ ಪ್ರಣೌಮಿ .. ೧೦..
ನರೋಯಸ್ತ್ರಿಕಾಲೇ ಪಠೇದ್ಭಕ್ತಿಯುಕ್ತಃ
ಶಿವಂ ಪ್ರಾಪ್ಯ ಸದ್ಯಸ್ತ್ರಿಲೋಕೇ ಪ್ರಸಿದ್ಧಂ .
ಧನಂ ಧಾನ್ಯಪುತ್ರಂ ಕುಟುಂಬಾದಿಯುಕ್ತಂ
ಸಮಾಸಾದ್ಯಮಿತ್ರಂ ಸುಮುಕ್ತಿಂ ವ್ರಜೇತ್ಸಃ .. ೧೧..
ಇತಿ ಶ್ರೀಮಿಶ್ರಕುಂಜವಿಹಾರಿಣಾಕೃತಂ ಗಿರೀಶಸ್ತೋತ್ರಂ ಸಂಪೂರ್ಣಂ .
ಶುಭಂ ಭೂಯಾತ್ .
No comments:
Post a Comment