श्रीगणेशाय नमः ।
ॐ चन्द्रार्धप्रविभासिमस्तकतटौ तन्द्राविहीनौ सदा
भक्तौधप्रतिपालने निजतनुछायाजितार्कायुतौ ।
शृङ्गाद्रिस्थविवाहमण्डपगतौ कारुण्यवारान्निधी
कल्याणं तनुतां समस्तजगतां गौरीगिरीशौ मुदा ॥ १॥
ॐ अन्योन्यार्च्चनतत्परौ मधुरवाक्सन्तोषितान्योन्यकौ
चन्द्रार्धाञ्चितशेखरौ प्रणमतामिष्टार्थदौ सत्वरम् ।
शृङ्गाद्रिस्थविवाहमण्डपगतौ शृङ्गारजन्मावनी
कल्याणं तनुतां समस्तजगतां गौरीगिरीशौ मुदा ॥ २॥
ॐ सौदर्येण परस्परं प्रमुदितावन्योन्यचित्तस्थितौ
राकाचन्द्रसमानवक्त्रकमलौ पादाब्जकालङ्कृतौ ।
शृङ्गाद्रिस्थविवाहमण्डपगतौ गङ्गातटावासिनौ
कल्याणं तनुतां समस्तजगतां गौरीगिरीशौ मुदा ॥ ३॥
ॐ सिंहोक्षाग्र्यगती महोन्नतपदं सम्प्रापयन्तौ नता-
नंहोराशिनिवारणैकनिपुणौ ब्रह्मोग्रविष्ण्वर्चितौ ।
शृङ्गाद्रिस्थविवाहमण्डपगतौ गाङ्गेयभूषोज्ज्वलौ
कल्याणं तनुतां समस्तजगतां गौरीगिरीशौ मुदा ॥ ४॥
ॐ कस्तूरीघनसारचर्चिततनू प्रत्यूयमानौ सुरै-
रस्तूक्त्या प्रणतेष्टपूरणकरौ वस्तूपलब्धिप्रदौ ।
शृङ्गाद्रिस्थविवामण्डपगतावङ्गावधूतेन्दुभौ
कल्याणं तनुतां समस्तजगतां गौरीगिरीशौ मुदा ॥ ५॥
ॐ वाणीनिर्जितहंसकोकिलरवौ पाणीकृताम्भोरुहौ
वेणीकेशविनिर्जिताहिचपलौ क्षोणीसमानक्षमौ ।
शृङ्गाद्रिस्थविवाहमण्डपगतौ तुङ्गेष्टजालप्रदौ
कल्याणं तनुतां समस्तजगतां गैरीगिरीशौ मुदा ॥ ६॥
ॐ कामापत्तिविभूतिकारणदशौ सोमार्धभूषोज्ज्वलौ
सामाम्नायसुगीयमानचरितौ रामार्चिताङ्घ्रिद्वयौ ।
शृङ्गाद्रिस्थविवामण्डपगतौ माणिक्यभूषान्वितौ
कल्याणं तनुतां समस्तजगतां गौरीगिरीशौ मुदा ॥ ७॥
ॐ दम्भाहङ्कृतिदोषशून्यपुरुषैः सम्भावनीयौ सदा
जम्भारातिमुखामरेन्द्रविनुतौ कुभात्मजाद्यर्चितौ ।
शृङ्गाद्रिस्थविवाहमण्डपगतौ वाग्दानदीक्षाधरौ
कल्याणं तनुतां समस्तजगतां गौरीगिरीशौ मुदा ॥ ८॥
ॐ शापानुग्रहशक्तिदाननिपुणौ तापापनोदक्षमौ
सोपानक्रमतोऽधिकारिभिरनुप्राप्यौ क्षमासागरौ ।
शृङ्गाद्रिस्थविवाहमण्डपगतौ लावण्यपाथोनिधी
कल्याणं तनुतां समस्तजगतां गौरीगिरीशौ मुदा ॥ ९॥
ॐ शोणाम्भोरुहतुल्यपादयुगुलौ बाणार्चनातोषितौ
वीणाधृङ्मुनिगीयमानविभवौ बालारुणाभाम्बरौ ।
शृङ्गाद्रिस्थविवामण्डपगतौ तुल्याधिकैर्वर्जितौ
कल्याणं तनुतां समस्तजगतां गौरीगिरीशौ मुदा ॥ १०॥
ॐ चन्द्रार्धप्रविभासिमस्तकतटौ तन्द्राविहीनौ सदा
भक्तौधप्रतिपालने निजतनुछायाजितार्कायुतौ ।
शृङ्गाद्रिस्थविवाहमण्डपगतौ कारुण्यवारान्निधी
कल्याणं तनुतां समस्तजगतां गौरीगिरीशौ मुदा ॥ १॥
ॐ अन्योन्यार्च्चनतत्परौ मधुरवाक्सन्तोषितान्योन्यकौ
चन्द्रार्धाञ्चितशेखरौ प्रणमतामिष्टार्थदौ सत्वरम् ।
शृङ्गाद्रिस्थविवाहमण्डपगतौ शृङ्गारजन्मावनी
कल्याणं तनुतां समस्तजगतां गौरीगिरीशौ मुदा ॥ २॥
ॐ सौदर्येण परस्परं प्रमुदितावन्योन्यचित्तस्थितौ
राकाचन्द्रसमानवक्त्रकमलौ पादाब्जकालङ्कृतौ ।
शृङ्गाद्रिस्थविवाहमण्डपगतौ गङ्गातटावासिनौ
कल्याणं तनुतां समस्तजगतां गौरीगिरीशौ मुदा ॥ ३॥
ॐ सिंहोक्षाग्र्यगती महोन्नतपदं सम्प्रापयन्तौ नता-
नंहोराशिनिवारणैकनिपुणौ ब्रह्मोग्रविष्ण्वर्चितौ ।
शृङ्गाद्रिस्थविवाहमण्डपगतौ गाङ्गेयभूषोज्ज्वलौ
कल्याणं तनुतां समस्तजगतां गौरीगिरीशौ मुदा ॥ ४॥
ॐ कस्तूरीघनसारचर्चिततनू प्रत्यूयमानौ सुरै-
रस्तूक्त्या प्रणतेष्टपूरणकरौ वस्तूपलब्धिप्रदौ ।
शृङ्गाद्रिस्थविवामण्डपगतावङ्गावधूतेन्दुभौ
कल्याणं तनुतां समस्तजगतां गौरीगिरीशौ मुदा ॥ ५॥
ॐ वाणीनिर्जितहंसकोकिलरवौ पाणीकृताम्भोरुहौ
वेणीकेशविनिर्जिताहिचपलौ क्षोणीसमानक्षमौ ।
शृङ्गाद्रिस्थविवाहमण्डपगतौ तुङ्गेष्टजालप्रदौ
कल्याणं तनुतां समस्तजगतां गैरीगिरीशौ मुदा ॥ ६॥
ॐ कामापत्तिविभूतिकारणदशौ सोमार्धभूषोज्ज्वलौ
सामाम्नायसुगीयमानचरितौ रामार्चिताङ्घ्रिद्वयौ ।
शृङ्गाद्रिस्थविवामण्डपगतौ माणिक्यभूषान्वितौ
कल्याणं तनुतां समस्तजगतां गौरीगिरीशौ मुदा ॥ ७॥
ॐ दम्भाहङ्कृतिदोषशून्यपुरुषैः सम्भावनीयौ सदा
जम्भारातिमुखामरेन्द्रविनुतौ कुभात्मजाद्यर्चितौ ।
शृङ्गाद्रिस्थविवाहमण्डपगतौ वाग्दानदीक्षाधरौ
कल्याणं तनुतां समस्तजगतां गौरीगिरीशौ मुदा ॥ ८॥
ॐ शापानुग्रहशक्तिदाननिपुणौ तापापनोदक्षमौ
सोपानक्रमतोऽधिकारिभिरनुप्राप्यौ क्षमासागरौ ।
शृङ्गाद्रिस्थविवाहमण्डपगतौ लावण्यपाथोनिधी
कल्याणं तनुतां समस्तजगतां गौरीगिरीशौ मुदा ॥ ९॥
ॐ शोणाम्भोरुहतुल्यपादयुगुलौ बाणार्चनातोषितौ
वीणाधृङ्मुनिगीयमानविभवौ बालारुणाभाम्बरौ ।
शृङ्गाद्रिस्थविवामण्डपगतौ तुल्याधिकैर्वर्जितौ
कल्याणं तनुतां समस्तजगतां गौरीगिरीशौ मुदा ॥ १०॥
इति गौरीगिरीशस्तोत्रं सम्पूर्णम् श्री कृष्णार्पणमस्तु
No comments:
Post a Comment