ಶ್ರೀ ಗೋಪಾಲ ಸ್ತವರಾಜಃ
(ಶ್ರೀ ಶಾಂಡಿಲ್ಯ ಸಂಹಿತಾಯಾಂ)
ಶ್ರೀ ಗುರುಭ್ಯೋ ನಮಃ ಹರಿ: ಓಂ
ಸ್ತವರಾಜಂ ಪ್ರವಕ್ಷ್ಯಾಮಿ ಶ್ರೀಗೋಪಾಲಸ್ಯ ಭಾವತಃ .
ಭುಕ್ತಿಮುಕ್ತಿಪ್ರದಂ ದಿವ್ಯಂ ಭಕ್ತಾನಾಮಭಿವರ್ದ್ಧನಂ .. ೧..
ನವೀನನೀರದಶ್ಯಾಮೋ ಗಾಂಭೀರ್ಯಾದೃಷ್ಟ್ಯಗೋಚರಃ .
ಪೀತವಾಸಾನುರಾಗೇಣ ಲಾವಣ್ಯೇಕಪರಾವಧಿಃ .. ೨..
ಸಚ್ಚಿದಾನಂದಮಂತ್ರೈಕೋ ನಿತ್ಯಾಖಂಡಾತ್ಮವಿಗ್ರಹಃ .
ಸದಾ ಸಕಾಮಃ ಸರ್ವಾತ್ಮಾ ನಿಗಮಾಗಮಸಂಸ್ತುತಃ .. ೩..
ದ್ವಿಭುಜೋ ಭುಕ್ತಿಮುಕ್ತಿಭ್ಯಾಂ ವಾಪ್ಯಾ ಪೀಯೂಷ ವರ್ಷಣಃ .ನವಕಂಜದಲಾಕ್ಷಿಭ್ಯಾಂ ಸೃಷ್ಟಿಸ್ಥಿತಿಕರಃ ಪ್ರಭುಃ .. ೪..
ಭಕ್ತಿಭಿರ್ಭೂಷಿತೋ ದೇವ ಆಪಾದತಲಮಸ್ತಕಂ .
ಕ್ರೀಡನ್ನೇವ ಸದಾ ಬಾಲೈರ್ಗೋಪಾಲೋ ಲೋಕಪಾಲಕಃ .. ೫..
ವೇದವೇತ್ರೇಣ ಶಾಸ್ತೇ ಗಾ ಲೋಕಾನುಗ್ರಹಕಾಮ್ಯಯಾ .
ಸ್ವಾನಂದೇ ಗೋಪಿಕಾವೃಂದೇ ವೃಂದಾರಣ್ಯೇ ಪರಾತ್ಮನಿ .. ೬..
ಮಂದಸ್ಮಿತೇನ ಭಕ್ತಾನ್ಸ್ವಾನ್ಹರ್ಷಯನ್ಮೋಹಯನ್ಪರಾನ್ .
ಸದಾತ್ಮರಾಧಸಾ ದಾಸೋ ಭಜತಾಂ ಕಾಮಧುಗ್ಘರಿಃ .. ೭..
ಅಕ್ಲಿಷ್ಟಕರ್ಮಾ ನಿರ್ದೋಷೋ ನಿರ್ಗುಣೋ ನಿರಪಾಶ್ರಯಃ . ಅಪ್ರಾಕೃತಗುಣೋದಾರೋ ನಿತ್ಯಾನಂದಗುಣಾತ್ಮಕಃ .. ೮..
ಗೋಪೀಭಿಃ ಶ್ರುತಿಭಿರ್ಗೀತಃ ಲೀಲಾನುಗ್ರಹವಿಗ್ರಹಃ .
ಲೀಲಯಾ ಯೋಗಮಾಯಾಂ ಯಸ್ತಯಾ ಸರ್ವಂ ಕರೋತಿ ಚ .. ೯..
ತಪಸಃ ಸುಕೃತಸ್ಯಾಪಿ ಯೋಗವಿಜ್ಞಾನಯೋರಪಿ .
ಭಕ್ತೇರನುಗ್ರಹಸ್ಯಾಕ್ಷ್ಣಾ ದರ್ಶನಂ ಹ್ಯಸ್ಯ ಸತ್ಫಲಂ .. ೧೦..
ದೇಹಿ ತದ್ದರ್ಶನಂ ನಾಥ ಲೋಚನೇ ಕುರು ಶೀತಲೇ .
ಸಂಸಾರತಾಪಜನಿತಮಜ್ಞಾನತಿಮಿರಂ ಹರೇ .. ೧೧..
ಸರ್ವತಃ ಸಾಧನೈರ್ಹೀನಂ ಶಿಶ್ನೋದರಪರಾಯಣಂ .
ದಂಭಾರ್ಥಮಖಿಲಾರಂಭಂ ಪಾಹಿ ಮಾಂ ಕರುಣಾನಿಧೇ .. ೧೨..
ಸಾಂಪ್ರತಂ ರಮಸೇ ಹ್ಯಸ್ಮಿನ್ ವ್ರಜೇ ವೃಂದಾವನೇ ವನೇ .
ಅಜ್ಞಾನತಿಮಿರಾಂಧಾನಾಮಸ್ಮಾಕಂ ನಾವಭಾಸಸೇ .. ೧೩..
ದೇಹವಾಕ್ಕಾಯವೃತ್ತೀನಾಮಾಸುರೀಣಾಂ ಸುರೇಶ್ವರ .
ನ ಶಕ್ಯಸೇ ಹ್ಯವಸ್ಥಾನಂ ತ್ವಯಿ ಕಲ್ಪಶತೈರಪಿ .. ೧೪..
ನ ಚೋತ್ಪಾದಯಿತುಂ ಶಕ್ಯಾ ತ್ವಯಿ ಪ್ರೀತಃ ಸುಖಾತ್ಮನಿ .
ಪ್ರಸಾದಂ ಭವತೋ ಹಿತ್ವಾ ತ್ವಾಂ ಪ್ರಾಪ್ತುಂ ಕೋ ಭವೇತ್ಪ್ರಭುಃ .. ೧೫..
ನಿತ್ಯಾಖಂಡಸುಖಸ್ಥಸ್ಯ ಪೂರ್ಣಕಾಮಸ್ಯ ನಿತ್ಯಶಃ .
ಸ್ವಲಾಭಪರಿತುಷ್ಟಸ್ಯ ಕಥಂ ತೋಷೋ ವಿಧೀಯತಾಂ .. ೧೬..
ಸರ್ವತ್ರ ಸಮಭಾವೇನ ಪಶ್ಯತಃ ಪರಮಾತ್ಮನಃ .
ಕಯಾ ಯುಕ್ತ್ಯಾ ಪ್ರಸಾದಃ ಸ್ಯಾತ್ಪ್ರಸನ್ನಸ್ಯೈವ ನಿತ್ಯದಾ .. ೧೭..
ತಥಾಪಿ ತಸ್ಯ ದೇವಸ್ಯ ಲೀಲಾಲೀಲಸ್ಯ ಬಾಲವತ್ .
ಪ್ರಸಾದಾ ನಿಜಭಕ್ತೇಷು ಪ್ರವರ್ತಂತೇ ಸ್ವಯಂ ಪ್ರಭೋಃ .. ೧೮..
ನ ರಾಗೋ ವಾ ವಿರಾಗೋ ವಾ ಕ್ರೀಡಿತುಃ ಕ್ರೀಡನೇ ಶಿಶೋಃ .ಯಥಾ ತಥಾ ಕಲ್ಪತರೋಃ ಪ್ರಸಾದಃ ಸಂಶ್ರಿತೇ ಸ್ವಯಂ .. ೧೯..
ಅಥವಾ ಜಗತಾಮೀಶೇ ಕಿಂ ಕುತರ್ಕೋ ಗಿರಾಂ ಮಿತೇ .
ವಿಶಿಷ್ಟೇಷ್ಟೈರುಪದಿಷ್ಟೇಽಸ್ಮಿನ್ ವರ್ತನಾ ಯುಜ್ಯತೇ ಪಥಿ .. ೨೦..
ಕದಾ ಯಶೋದಾತನಯಃ ಕದಾ ಶ್ರೀನಂದನಂದನಃ .
ಕದಾ ಶ್ರೀರಾಧಿಕಾಕಾಂತೋ ದೀನೇಹಾಂ ಪೂರಯಿಷ್ಯತಿ .. ೨೧..
ಯಥಾ ದ್ರುಪದಜಾ ದೀನಾ ಕುಂತಿಕಾ ಮಹಿಲಾ ಯಥಾ .
ಅನುಗ್ರಹೀತಾ ಭವತಾಂ ಯಥಾ ಮಾಂ ಸ್ವೀಕುರು ಪ್ರಭೋ .. ೨೨..
ಯದಿ ಮಾಂ ಕುಕೃತಿಂ ವೀಕ್ಷ್ಯ ಉದಾಸ್ತೇಽಥ ಭಗವನ್ವಿಭೋ ತದಾ ಧರಣ್ಯಾಂ ರುಷ್ಟಾಯಾಂ ಕ್ವ ಯಾಮಿ ಶರಣಂ ವದ .. ೨೩..
ರಂಗೇಣ ಸಾರ್ವಭೌಮಸ್ಯ ನ ಶಕ್ಯೋಪಕೃತಿಃ ಕ್ವಚಿತ್ .
ತಥಾಪ್ಯಯಂ ಮಲಾಂಕೇನ ತೇನ ಸಂಭಾವ್ಯತೇ ನ ಕಿಂ .. ೨೪..
ಅಸಾರೇಽಸ್ಮಿನ್ನು ಸಂಸಾರೇ ಕಾರಾಗಾರೇ ಸ್ಥಿತಂ ಜನಂ .
ಮಾಮುದ್ಧರ ಮುರಾರೇ ಶ್ರೀಕಂಸಾರೇ ಶರಣಂ ಗತಂ .. ೨೫..
ಶ್ರೀಮಚ್ಚರಣರಾಜೀವರಜೋಲಿಪ್ಸುರ್ಮುಖಂಪಚ .
ಸುರತಂ ಸಮುಪಾಸೀನೋಽಭಗ್ನಶಕ್ತಿಂ ಭವಾಮಿ ಭೋಃ .. ೨೬..
ತಿರ್ಯಕ್ಷು ನಾಥ ಯಾದಸ್ಸು ನಾರಕೇಷು ನರೇಷು ವಾ .
ಜನಿರ್ಮೇ ಭ್ರಮತೋ ನಾಥ ಭವತಾನ್ನಾಸುರೇಷು ಚ .. ೨೭..
ಯತ್ರ ನ ಶ್ರೀಮತಃ ಸೇವಾ ಕಥಾ ನೋ ಭಕ್ತಸಂಗತಿಃ .
ನ ತತ್ರ ಮೇ ಜನಿರ್ಭೂಯಾದಿತಿ ಯಾಚೇ ಪುನಃ ಪುನಃ .. ೨೮..
ಮನಸಾ ವಪುಷಾ ವಾಚಾ ನಾನ್ಯಂ ಯೇನ ಸಮಾಶ್ರಯೇ .
ತಥಾ ಮಾಂ ಕುರು ಕಲ್ಯಾಣ ಶ್ರೀಮನ್ ಶ್ಯಾಮ ಮನೋಹರ .. ೨೯..
ವಿಹಾಯ ಸಕಲಂ ವಿಶ್ವಂ ವಿಶ್ವೇಶಾನಪಿ ಸರ್ವಶಃ .
ತ್ಯಾಮೇವಾಹಂ ಪ್ರಪನ್ನೋಽಸ್ಮಿ ತ್ವಮೇವ ಪರಮಾ ಗತಿಃ .. ೩೦..
ವೃಂದಾರಣ್ಯೇ ತರಣಿತನಯಾತೀರಜೇ ದಿವ್ಯಕುಂಜೇ
ಪೀಠೇ ಚಿಂತಾಮಣಿವರಮಯೇ ವೇಣುಮಾಪೂರ ಯಂತಂ ..೩೧..
ನೀಲಾಂ ಭೋದದ್ಯುತಿ ಮನುಪಮಂ ಪೀತ ವಾಸೋ ವಸಾನಂ ವಂದೇ ಮುಕ್ತಾಭರಣ ಕುಸುಮೈ ರ್ಭೂಷಿತಂ ನಂದನಂದಂ .. ೩೨..
ಸ್ತವರಾಜಮಿಮಂ ಪುಣ್ಯಂ ಶ್ರೀರಾಮಸ್ಯ ಪರಾತ್ಮನಃ .
ಭಗವಾನ್ ಭಜತೋಽಮುಷ್ಯ ವಶ್ಯೋ ಭವತಿ ಭೂತಲೇ .. ೩೩..
ಇತಿ ಶ್ರೀ ಶಾಂಡಿಲ್ಯ. ಸಂಹಿತಾಯಾಂ ಪಂಚಮೇ ಭಕ್ತಿಖಂಡೇ ಸ್ತೋತ್ರ ನಿರೂಪಣಂ ನಾಮ ಷೋಡಶೋಽಧ್ಯಾಯೇ ಶ್ರೀ ಗೋಪಾಲ ಸ್ತವರಾಜಃ ಸಂಪೂರ್ಣಃ .
ಶ್ರೀ ಕೃಷ್ಣಾರ್ಪಣಮಸ್ತು

No comments:
Post a Comment