| ಅಷ್ಟಲಕ್ಷ್ಮಿ ಸ್ತೋತ್ರಂ |
|| ಶ್ರೀ ಆದಿಲಕ್ಷ್ಮಿ ||
ಸುಮನಸವಂದಿತ ಸುಂದರಿ ಮಾಧವಿ, ಚಂದ್ರ ಸಹೋದರಿ ಹೇಮಮಯೇ |ಮುನಿಗಣವಂದಿತ ಮೋಕ್ಷಪ್ರದಾಯಿನಿ, ಮಂಜುಳಭಾಷಿಣಿ ವೇದನುತೇ ||ಪಂಕಜವಾಸಿನಿ ದೇವಸುಪೂಜಿತ, ಸದ್ಗುಣವರ್ಷಿಣಿ ಶಾಂತಿಯುತೇ |ಜಯ ಜಯ ಹೇ ಮಧುಸೂದನಕಾಮಿನಿ, ಆದಿಲಕ್ಷ್ಮಿ ಸದ ಪಾಲಯಮಾಮ್ ||೧||
|| ಶ್ರೀ ಧಾನ್ಯಲಕ್ಷ್ಮಿ ||
ಅಯಿ ಕಲಿಕಲ್ಮಷನಾಶಿನಿ ಕಾಮಿನಿ, ವೈದಿಕರೂಪಿಣಿ ವೇದಮಯೇ |ಕ್ಷೀರಸಮುದ್ಭವಮಂಗಲರೂಪಿಣಿ, ಮಂತ್ರನಿವಾಸಿನಿ ಮಂತ್ರನುತೇ ||ಮಂಗಲದಾಯಿನಿ ಅಂಬುಜವಾಸಿನಿ, ದೇವಗಣಾಶ್ರಿತಪಾದಯುತೇ |ಜಯ ಜಯ ಹೇ ಮಧುಸೂದನಕಾಮಿನಿ, ಧಾನ್ಯಲಕ್ಷ್ಮಿ ಸದ ಪಾಲಯಮಾಮ್ ||೨||
|| ಶ್ರೀ ಧೈರ್ಯ ಲಕ್ಷ್ಮಿ ||
ಜಯವರವರ್ಣಿನಿ ವೈಷ್ಣವಿ ಭಾರ್ಗವಿ, ಮಂತ್ರಸ್ವರೂಪಿಣಿ ಮಂತ್ರಮಯೇ |ಸುರಗಣಪೂಜಿತ ಶೀಘ್ರಫಲಪ್ರದ, ಜ್ಞಾನವಿಕಾಸಿನಿ ಶಾಸ್ತ್ರನುತೇ ||ಭವಭಯಹಾರಿಣಿ ಪಾಪವಿಮೋಚನಿ, ಸಾಧುಜನಾಶ್ರಿತ ಪಾದಯುತೇ |ಜಯ ಜಯ ಹೇ ಮಧುಸೂದನಕಾಮಿನಿ, ಧೈರ್ಯಲಕ್ಷ್ಮಿ ಸದ ಪಾಲಯಮಾಮ್ ||೩||
|| ಶ್ರೀ ಗಜಲಕ್ಷ್ಮಿ ||
ಜಯ ಜಯ ದುರ್ಗತಿನಾಶಿನಿ ಕಾಮಿನಿ, ಸರ್ವಫಲಪ್ರದಶಾಸ್ತ್ರಮಯೇ |ರಥಗಜತುರಗಪದಾತಿಸಮಾವೃತ, ಪರಿಜನಮಂಡಿತ ಲೋಕಸುತೇ ||ಹರಿಹರಬ್ರಹ್ಮ ಸುಪೂಜಿತ ಸೇವಿತ, ತಾಪನಿವಾರಿಣಿ ಪಾದಯುತೇ |ಜಯ ಜಯ ಹೇ ಮಧುಸೂದನಕಾಮಿನಿ, ಗಜಲಕ್ಷ್ಮೀ s ಸದ ಪಾಲಯಮಾಮ್ ||೪||
|| ಸಂತಾನಲಕ್ಷ್ಮಿ ||
ಅಯಿ ಶ್ರೀ ಖಗವಾಹಿನಿ ಮೋಹಿನಿ ಚಕ್ರಿಣಿ, ರಾಗವಿವರ್ಧಿನಿ ಜ್ಞಾನಮಯೇ |ಗುಣಗಣ ವಾರಿಧಿ
ಲೋಕಹಿತೈಷಿಣಿ, ಸ್ವರಸಪ್ತಭೂಷಿತ ಗಾನನುತೇ ||ಸಕಲ ಸುರಾಸುರ ದೇವಮುನೀಶ್ವರ,
ಮಾನವವಂದಿತ ಪಾದಯುತೇ |
ಜಯ ಜಯ ಹೇ ಮಧುಸೂದನಕಾಮಿನಿ, ಸಂತಾನಲಕ್ಷ್ಮಿ ತ್ವ ಪಾಲಯಮಾಮ್ ||೫||
|| ಶ್ರೀ ವಿಜಯಲಕ್ಷ್ಮಿ ||
ಜಯ ಕಮಲಾಸಿನಿ ಸದ್ಗತಿದಾಯಿನಿ, ಜ್ಞಾನವಿಕಾಸಿನಿ ಜ್ಞಾನಮಯೇ |ಅನುದಿನಮರ್ಚಿತ
ಕುಂಕುಮಧೂಸರ, ಭೂಷಿತವಾಸಿತ ವಾದ್ಯನುತೇ ||ಕನಕಧರಾಸ್ತುತಿ ವೈಭವವಂದಿತ, ಶಂಕರದೇಶಿಕ ಮಾನ್ಯಪದೇ |
ಜಯ ಜಯ ಹೇ ಮಧುಸೂದನಕಾಮಿನಿ, ವಿಜಯಲಕ್ಷ್ಮಿ ಸದ ಪಾಲಯಮಾಮ್ ||೬||
|| ಶ್ರೀ ವಿದ್ಯಾಲಕ್ಷ್ಮಿ ||
ಪ್ರಣತ ಸುರೇಶ್ವರಿ ಭಾರತಿ ಭಾರ್ಗವಿ, ಶೋಕವಿನಾಶಿನಿ ರತ್ನಮಯೇ |
ಮಣಿಮಯಭೂಷಿತ ಕರ್ಣವಿಭೂಷಣ, ಶಾಂತಿಸಮಾವೃತ ಹಾಸ್ಯಮುಖೇ ||
ನವನಿಧಿದಾಯಿನಿ ಕಲಿಮಲಹಾರಿಣಿ, ಕಾಮಿತಫಲಪ್ರದ ಹಸ್ತಯುತೇ |
ಜಯ ಜಯ ಹೇ ಮಧುಸೂದನಕಾಮಿನಿ, ವಿದ್ಯಾಲಕ್ಷ್ಮಿ ಸದ ಪಾಲಯಮಾಮ್ ||೭||
|| ಶ್ರೀ ಧನಲಕ್ಷ್ಮಿ ||
ಧಿಮಿ ಧಿಮಿ ಧಿಂಧಿಮಿ, ಧಿಂಧಿಮಿ ಧಿಂಧಿಮಿ, ದುಂದುಭಿನಾದ ಸಂಪೂರ್ಣಮಯೇ |ಘಮ ಘಮ ಘಂಘಮ, ಘಂಘಮ ಘಂಘಮ, ಶಂಖನಿನಾದಸುವಾದ್ಯನುತೇ ||ವೇದಪುರಾಣೇತಿಹಾಸಸುಪೂಜಿತ, ವೈದಿಕಮಾರ್ಗ ಪ್ರದರ್ಶಯುತೇ |
ಜಯ ಜಯ ಹೇ ಮಧುಸೂದನಕಾಮಿನಿ, ಧನಲಕ್ಷ್ಮಿ ಸದ ಪಾಲಯಮಾಮ್ ||೮||
ಫಲಶೃತಿ ಶ್ಲೋಕ: ॥
ಅಷ್ಟಲಕ್ಷ್ಮಿ ನಮಸ್ತುಭ್ಯಂ ವರದೇ ಕಾಮರೂಪಿಣಿ ।ವಿಷ್ಣುವಕ್ಷಃ ಸ್ಥಲಾ ರೂಢೇ ಭಕ್ತ ಮೋಕ್ಷ ಪ್ರದಾಯಿನೀ ಶ್ಲೋಕ॥
ಶಂಖ ಚಕ್ರಗದಾಹಸ್ತೇ ವಿಶ್ವರೂಪಿಣಿತೇ ಜಯಃ ।ಜಗನ್ಮಾತ್ರೇ ಚ ಮೋಹಿನ್ಯೈ ಮಂಗಲಂ ಶುಭ ಮಂಗಲಮ್ ॥
||ಇತೀ ಶ್ರೀ ಅಷ್ಟಲಕ್ಷ್ಮೀ ಸ್ತೋತ್ರಂ ಸಂಪೂರ್ಣಮ್‌||
ಶ್ರೀ ಕೃಷ್ಣಾರ್ಪಣಮಸ್ತು
No comments:
Post a Comment