GUBBIYALO. ಗೋವಿಂದ ಭಕ್ತಿ ಗೀತೆ.

 ಗೋವಿಂದ ಭಕ್ತಿ ಗೀತೆ.    
(ಕನ್ನಡ -ತುಳು)

ಗುಬ್ಬಿಯಾಳೋ ಗುಬ್ಬಿಯಾಳೋ

ಗೋವಿಂದ ಗೋವಿಂದ ಗುಬ್ಬಿಯಾಳೋ
                             ||ಗುಬ್ಬಿಯಾಳೋ||  
ಗೋವಿಂದ ಗೋವಿಂದನೆಂದು ನೆನೆಯಿರೊ
ಗುಬ್ಬಿಯಾಳೋ       

||ಗೋವಿಂದ||

ಕೇಶವನ್ನ ನೆನೆದರೆ 

ಕ್ಲೇಶ ಪರಿಹಾರವೊ ಗುಬ್ಬಿಯಾಳೋ       

||ಕೇಶವನ್ನ||

ನಾರಾಯಯಣನ 

ಧ್ಯಾನದಿಂದ 
ನರಕ ಭಯವಿಲ್ಲವೊ ಗುಬ್ಬಿಯಾಳೋ
                               || ನಾರಾಯಣನ್ನ ||          

ಮಾಧವನ್ನ ನೆನೆದರೆ 

ಮನೋಭಿಷ್ಟ 

ಕೊಡುವನೊ ಗುಬ್ಬಿಯಾಳೋ
                               ||ಮಾಧವನ್ನ||
ಗೋವಿಂದನ ದಯದಿಂದ 

ಘೋರ ದುರಿತ ನಾಶನವು ಗುಬ್ಬಿಯಾಳೋ...
                                 ||ಗೋವಿಂದನ್ನ||
ವಿಷ್ಣು ಭಜನೆ ಇಲ್ಲದವಗೆ ವೈಷ್ಣವರ ಜನ್ಮ 

ಉಂಟೆ ಗುಬ್ಬಿಯಾಳೋ
                                  || ವಿಷ್ಣುನ್ನ||
ಮಧುಸೂದನನ ಧ್ಯಾನದಿಂದ 
ಅತಿಶಯವು ಇಹುದೋ ಗುಬ್ಬಿಯಾಳೋ
                            || ಮಧುಸೂದನನ್ನ ||
ತ್ರಿವಿಕ್ರಮನ ನೆನೆದರೆ 
ಸಾವಿತ್ರಿಯಾಗಿಹರೊ ಗುಬ್ಬಿಯಾಳೋ
                                 ||ತ್ರಿವಿಕ್ರಮ||
ವಾಮನ ದೇವರು ನಮಗೆ 
ವರಗಳ ಕೊಡುವೋರು ಗುಬ್ಬಿಯಾಳೋ....
                                ||ವಾಮನ||
ಶ್ರೀಧರನ್ನ ನೆನೆದರೆ ಸಿರಿ ನಮಗೆ 

ಒಲಿವೊಳು ಗುಬ್ಬಿಯಾಳೋ
                              || ಶ್ರೀಧರನ್ನ|| 
ಹ್ರಷಿಕೇಶನ ಧ್ಯಾನದಿಂದ 
ಹ್ರದಯ ಪರಿಶುದ್ಧವೋ ಗುಬ್ಬಿಯಾಳೋ
                              ||  ಹೃಷಿಕೇಶನ್ನ ||
ಪದ್ಮನಾಭ ನಮ್ಮೆಲ್ಲರ 
ಪಾಲಿಸಿ ರಕ್ಷಿಪನೋ ಗುಬ್ಬಿಯಾಳೋ
                              ||ಪದ್ಮನಾಭ||
ದಾಮೋದರನ ನೆನೆದರೆ 
ಪಾಮರತ್ವ ಬಿಡಿಸುವನೋ ಗುಬ್ಬಿಯಾಳೋ...
                               ||ದಾಮೋದರ||
ಸಂಕರ್ಷಣನ ಧ್ಯಾನದಿಂದ 
ಸಂತಾನ ಅಭಿವೃದ್ಧಿಯು ಗುಬ್ಬಿಯಾಳೋ
                                  ||ಸಂಕರ್ಷಣನ||
ವಾಸುದೇವನ ದಯೆಯಿಂದ 
ವಂಶ ಉಧ್ಧಾರವು ಗುಬ್ಬಿಯಾಳೋ
                          ||ವಾಸುದೇವನ್ನ||
ಪ್ರದ್ಯುಮ್ನನ ನೆನೆದರೆ 
ಭೂಪ್ರದಕ್ಷಿಣೆ  ಫಲವು ಗುಬ್ಬಿಯಾಳೋ
                  ‌    ‌‌‌‌‌‌‌‌    ||ಪ್ರದುಮ್ನ||
ಅನಿರುಧ್ಧನ ಸೇವಿಸೆ 
ಪುನೀತರಿಹೆವೊ ಗುಬ್ಬಿಯಾಳೋ..
                                   ||ಅನಿರುಧ್ಧ||
ಪುರುಷೋತ್ತಮನ ಪುರಾಣ 
ಪುರುಷನೆಂದು ತಿಳಿಯಿರೊ ಗುಬ್ಬಿಯಾಳೋ
                                   ||ಪುರುಷೋತ್ತಮನ||
ಅಧೋಕ್ಷಜ ನಮ್ಮೆಲ್ಲರ 
ಆಧಾರವಾಗಿಹನೋ ಗುಬ್ಬಿಯಾಳೋ
                                   ||ಅಧೋಕ್ಷಜ||       
ನರಸಿಂಹ ದೇವರು 
ನಮ್ಮ ಕುಲದೈವವೋ ಗುಬ್ಬಿಯಾಳೋ
                             ||ನರಸಿಂಹ||
ಅಚ್ಯುತ ಲಕ್ಷ್ಮಿಯ ಕೂಡಿ 
ಸಚ್ಚಿದಾನಂದನು ಗುಬ್ಬಿಯಾಳೋ...
       ‌                       ||ಅಚ್ಯುತ||
ಜನಾರ್ಧನ ದೇವರು 
ಜಗಕ್ಕೆಲ್ಲ ಶ್ರೇಷ್ಠರು ಗುಬ್ಬಿಯಾಳೋ
                              ||ಜನಾರ್ಧನ||
ಉಪೇಂದ್ರನು ನಮ್ಮ 
ಅಪರಾಧವ ಕ್ಷಮಿಸುವ ಗುಬ್ಬಿಯಾಳೋ
                               ||ಉಪೇಂದ್ರನ||
ಹರಿನಾಮಾಮ್ರತಕೆ ಸರಿ 
ಧರೆಯೊಳಗೆ ಇಲ್ಲವೋ ಗುಬ್ಬಿಯಾಳೋ
                                ||ಹರಿಯನ್ನ||
ಶ್ರೀಕೃಷ್ಣ ರಂಗೇಶಯೆಂಬೊ 
ಸಿಧ್ಧಪ್ರಿಯ ಬಲ್ಲರೇ ಗುಬ್ಬಿಯಾಳೋ....
                                   ||ಶ್ರೀಕ್ರಷ್ಣಾ||
ಈ ಗುಬ್ಬಿ ಪಾಡುವರಿಗೆ 
ಇಹಪರವು  ಸಂತತವು ಗುಬ್ಬಿಯಾಳೋ
                                  ||ಈ ಗುಬ್ಬಿ||

ಧರಣಿಯೊಳು ಅಚಂದ್ರಾರ್ಕ  
ತಾರಕವಾಗಿಹರು ಗುಬ್ಬಿಯಾಳೋ
                                 ||ಈ ಗುಬ್ಬಿ||
ಹಯವದನನ್ನ ಪಾದ ಧ್ಯಾನ 
ನಿತ್ಯ ಮರೆಯದೆ ನೆನೆ ಮನವೆ
ನಮ್ಮ ಹಯವದನನ್ನ ಪಾದವೆ 

ನಿತ್ಯ ಮನವೆ ಗುಬ್ಬಿಯಾಳೋ..
ನಮ್ಮ ಹಯವದನನ್ನ ಪಾದವೆ 
ನಿತ್ಯ ಮನವೆ ಗುಬ್ಬಿಯಾಳೋ....

                  ...ಹಯವದನ ( ಶ್ರೀ ವಾದಿರಾಜರು)