NARAYANA KAWACHAM. ಶ್ರೀ ನಾರಾಯಣಕವಚಮ್

          ಅಥ ಶ್ರೀ ನಾರಾಯಣಕವಚಮ್ 

ರಾಜೋವಾಚ ।

ಯಯಾ ಗುಪ್ತಃ ಸಹಸ್ರಾಕ್ಷಃ ಸವಾಹಾ ನ್ರಿಪುಸೈನಿಕಾನ್ ।ಕ್ರೀಡನ್ನಿವ ವಿನಿರ್ಜಿತ್ಯ ತ್ರಿಲೋಕ್ಯಾ ಬುಭುಜೇ ಶ್ರಿಯಮ್ ॥ 1॥

ಭಗವಂಸ್ತನ್ಮಮಾಖ್ಯಾಹಿ ವರ್ಮ ನಾರಾಯಣಾ ತ್ಮಕಮ್ | ಯಥಾಽಽತತಾಯಿನಃ ಶತ್ರೂನ್ ಯೇನ ಗುಪ್ತೋಽಜಯನ್ಮೃಧೇ ॥ 2॥

ಶ್ರೀ ಶುಕೌ ಉವಾಚ ।

ವೃತಃ ಪುರೋಹಿತಸ್ತ್ವಾಷ್ಟ್ರೋ ಮಹೇನ್ದ್ರಾಯಾನು ಪೃಚ್ಛತೇ । ನಾರಾಯಣಾ ಖ್ಯಂ ವರ್ಮಾಹ ತದಿಹೈಕಮನಾಃ ಶೃಣು ॥ 3॥

ವಿಶ್ವರೂಪ ಉವಾಚ ।

ಧೌತಾಂಘ್ರಿಪಾಣಿರಾಚಮ್ಯ ಸಪವಿತ್ರ ಉದಙ್ಮುಖಃ । ಕೃತಸ್ವಾಂಗಕರನ್ಯಾಸೋ ಮನ್ತ್ರಾಭ್ಯಾಂ ವಾಗ್ಯತಃ ಶುಚಿಃ ॥ 4॥

ನಾರಾಯಣಮಯಂ ವರ್ಮ ಸನ್ನಹ್ಯೇದ್ಭಯ ಆಗತೇ |ಪಾದಯೋರ್ಜಾನು ನೋರೂರ್ವೋ ರುದರೇ ಹೃದ್ಯಥೋರಸಿ ॥ 5॥

ಮುಖೇ ಶಿರಸ್ಯಾನುಪೂರ್ವ್ಯಾದೋಂ ಕಾರಾದೀನಿ ವಿನ್ಯಸೇತ್ । ಓಂ ನಮೋ ನಾರಾಯಣಾಯೇತಿ ವಿಪರ್ಯಯಮಥಾಪಿ ವಾ ॥ 6॥

ಕರನ್ಯಾಸಂ ತತಃ ಕುರ್ಯಾದ್ದ್ವಾದಶಾ ಕ್ಷರವಿದ್ಯಯಾ । ಪ್ರಣವಾದಿಯಕಾರಾನ್ತ ಮಂಗುಲ್ಯಂಗುಷ್ಠಪರ್ವಸು ॥ 7॥

ನ್ಯಸೇದ್ಧೃದಯ ಓಂಕಾರಂ ವಿಕಾರಮನು ಮೂರ್ಧನಿ । ಷಕಾರಂ ತು ಭ್ರುವೋರ್ಮಧ್ಯೇ ಣಕಾರಂ ಶಿಖಯಾ ದಿಶೇತ್ ॥ 8॥

ವೇಕಾರಂ ನೇತ್ರಯೋರ್ಯುಂಜ್ಯಾನ್ನಕಾರಂ ಸರ್ವಸನ್ಧಿಷು ।ಮಕಾರಮಸ್ತ್ರಮುದ್ದಿಶ್ಯ ಮನ್ತ್ರಮೂರ್ತಿರ್ಭವೇದ್ಬುಧಃ ॥ 9॥

ಸವಿಸರ್ಗಂ ಫಡನ್ತಂ ತತ್ ಸರ್ವದಿಕ್ಷು ವಿನಿರ್ದಿಶೇತ್ ।ಓಂ ವಿಷ್ಣವೇ ನಮ ಇತಿ ॥ 10॥

ಆತ್ಮಾನಂ ಪರಮಂ ಧ್ಯಾಯೇದ್ಧ್ಯೇಯಂ ಷಟ್ಶಕ್ತಿ ಭಿರ್ಯುತಮ್ | ವಿದ್ಯಾ ತೇಜಸ್ತಪೋಮೂರ್ತಿ ಮಿಮಂ ಮನ್ತ್ರಮುದಾಹರೇತ್ ॥ 11॥

ಓಂ ಹರಿರ್ವಿದಧ್ಯಾನ್ಮಮ ಸರ್ವರಕ್ಷಾಂ ನ್ಯಸ್ತಾಂಘ್ರಿ ಪದ್ಮಃ ಪತಗೇನ್ದ್ರಪೃಷ್ಠೇ । ದರಾರಿಚರ್ಮಾ ಸಿಗದೇಷುಚಾಪ- ಪಾಶಾನ್ದಧಾನೋಽಷ್ಟ ಗುಣೋಽಷ್ಟ ಬಾಹುಃ ॥ 12॥

ಜಲೇಷು ಮಾಂ ರಕ್ಷತು ಮತ್ಸ್ಯಮೂರ್ತಿ-ರ್ಯಾದೋ ಗಣೇಭ್ಯೋ ವರುಣಸ್ಯ ಪಾಶಾತ್ । ಸ್ಥಲೇಷು ಮಾಯಾವಟು ವಾಮನೋಽ ವ್ಯಾತ್ತ್ರಿವಿಕ್ರಮಃ ಖೇಽವತು ವಿಶ್ವರೂಪಃ ॥ 13॥

ದುರ್ಗೇಷ್ವಟವ್ಯಾಜಿಮುಖಾದಿಷು ಪ್ರಭುಃ ಪಾಯಾನ್ನೃ ಸಿಂಹೋಽಸುರಯೂಥಪಾರಿ: ವಿಮುಂಚತೋ ಯಸ್ಯ ಮಹಾಟ್ಟಹಾಸಂ ದಿಶೋ ವಿನೇದುರ್ನ್ಯಪತಂಶ್ಚ ಗರ್ಭಾಃ ॥ 14॥

ರಕ್ಷತ್ವಸೌ ಮಾಧ್ವನಿ ಯಜ್ಞಕಲ್ಪಃ ಸ್ವದಂಷ್ಟ್ರ ಯೋನ್ನೀತ ಧರೋ ವರಾಹಃ । ರಾಮೋಽದ್ರಿ ಕೂಟೇಷ್ವಥ ವಿಪ್ರವಾಸೇ ಸಲಕ್ಷ್ಮಣೋಽ ವ್ಯಾದ್ಭರತಾಗ್ರಜೋಽಸ್ಮಾನ್ ॥ 15॥

ಮಾಮುಗ್ರಧರ್ಮಾದಖಿಲಾತ್ಪ್ರಮಾದಾ-ನ್ನಾರಾಯಣಃ ಪಾತು ನರಶ್ಚ ಹಾಸಾತ್ । ದತ್ತಸ್ತ್ವಯೋಗಾದಥ ಯೋಗನಾಥಃ ಪಾಯಾದ್ಗುಣೇಶಃ ಕಪಿಲಃ ಕರ್ಮಬನ್ಧಾತ್ ॥ 16॥

ಸನತ್ಕುಮಾರೋಽವತು ಕಾಮದೇವಾ ದ್ಧಯಶೀರ್ಷಾ ಮಾಂ ಪಥಿ ದೇವಹೇಲನಾತ್ ।ದೇವರ್ಷಿವರ್ಯಃ ಪುರುಷಾರ್ಚನಾನ್ತರಾತ್ ಕೂರ್ಮೋ ಹರಿರ್ಮಾಂ ನಿರಯಾದಶೇಷಾತ್ ॥ 17॥

ಧನ್ವನ್ತರಿರ್ಭಗವಾನ್ಪಾತ್ವಪಥ್ಯಾ-ದ್ದ್ವನ್ದ್ವಾದ್ಭಯಾ ದೃಷಭೋ ನಿರ್ಜಿತಾತ್ಮಾ । ಯಜ್ಞಶ್ಚ ಲೋಕಾದವತಾಂಜನಾನ್ತಾ- ದ್ಬಲೋ ಗಣಾತ್ಕ್ರೋಧವಶಾದಹೀನ್ದ್ರಃ ॥ 18॥

ದ್ವೈಪಾಯನೋ ಭಗವಾನಪ್ರಬೋಧಾ-ದ್ಬುದ್ಧಸ್ತು ಪಾಖಂಡಗಣಪ್ರಮಾದಾತ್ ।ಕಲ್ಕಿಃ ಕಲೇಃ ಕಾಲಮಲಾತ್ಪ್ರಪಾತು ಧರ್ಮಾವನಾ ಯೋರು ಕೃತಾವತಾರಃ ॥ 19॥

ಮಾಂ ಕೇಶವೋ ಗದಯಾ ಪ್ರಾತರವ್ಯಾ-ದ್ಗೋವಿಂದ ಆಸಂಗವಮಾತ್ತವೇಣುಃ ।ನಾರಾಯಣಃ ಪ್ರಾಹ್ಣ ಉದಾತ್ತಶಕ್ತಿ-ರ್ಮಧ್ಯನ್ದಿನೇ ವಿಷ್ಣುರರೀನ್ದ್ರಪಾಣಿಃ ॥ 20॥

ದೇವೋಽಪರಾಹ್ಣೇ ಮಧುಹೋಗ್ರಧನ್ವಾ ಸಾಯಂ ತ್ರಿಧಾಮಾ ವತು ಮಾಧವೋ ಮಾಮ್ ।ದೋಷೇ ಹೃಷೀಕೇಶ ಉತಾರ್ಧರಾತ್ರೇ ನಿಶೀಥ ಏಕೋಽವತು ಪದ್ಮನಾಭಃ ॥ 21॥

ಶ್ರೀವತ್ಸಧಾಮಾಪರರಾತ್ರ ಈಶಃ ಪ್ರತ್ಯುಷ ಈಶೋಽಸಿ ಧರೋ ಜನಾರ್ದನಃ ।ದಾಮೋದರೋಽ ವ್ಯಾದನುಸನ್ಧ್ಯಂ ಪ್ರಭಾತೇ ವಿಶ್ವೇಶ್ವರೋ ಭಗವಾನ್ ಕಾಲಮೂರ್ತಿಃ ॥ 22॥

ಚಕ್ರಂ ಯುಗಾನ್ತಾನಲತಿಗ್ಮನೇಮಿ ಭ್ರಮ ತ್ಸಮನ್ತಾದ್ಭಗವತ್ಪ್ರಯುಕ್ತಮ್ । ದನ್ದಗ್ಧಿ ದನ್ದಗ್ಧ್ಯರಿಸೈನ್ಯಮಾಶು ಕಕ್ಷಂ ಯಥಾ ವಾತಸಖೋ ಹುತಾಶಃ ॥ 23॥

ಗದೇಽಶನಿಸ್ಪರ್ಶನವಿಸ್ಫುಲಿಂಗೇ ನಿಷ್ಪಿಂಢಿ ನಿಷ್ಪಿಂಢ್ಯ ಜಿತಪ್ರಿಯಾಸಿ । ಕೂಷ್ಮಾಂಡ ವೈನಾಯಕ ಯಕ್ಷರಕ್ಷೋ- ಭೂತಗ್ರಹಾಂ ಶ್ಚೂರ್ಣಯ ಚೂರ್ಣಯಾರೀನ್ ॥ 24॥

ತ್ವ ಯಾತುಧಾನಪ್ರಮಥಪ್ರೇತಮಾತೃ-ಪಿಶಾಚ ವಿಪ್ರಗ್ರಹ ಘೋರ ದೃಷ್ಟೀನ್ । ದರೇನ್ದ್ರ ವಿದ್ರಾವಯ ಕೃಷ್ಣಪೂರಿತೋ ಭೀಮಸ್ವ ನೋಽರೇ ಹೃದಯಾನಿ ಕಮ್ಪಯನ್ ॥ 25॥

ತ್ವಂ ತಿಗ್ಮಧಾರಾಸಿವರಾರಿಸೈನ್ಯ- ಮೀಶ ಪ್ರಯುಕ್ತೋ ಮಮ ಛಿನ್ಧಿ ಛಿನ್ಧಿ । ಚಕ್ಷೂಂಷಿ ಚರ್ಮಂಛತಚನ್ದ್ರ ಛಾದಯ  ದ್ವಿಷಾಮ ಘೋನಾಂ ಹರ ಪಾಪಚಕ್ಷುಷಾಮ್ ॥ 26॥

ಯನ್ನೋ ಭಯಂ ಗ್ರಹೇಭ್ಯೋಽ ಭೂತ್ಕೇ ತುಭ್ಯೋ ನೃಭ್ಯ ಏವ ಚ । ಉಸರೀ ಸೃಪೇಭ್ಯೋ  ದಂಷ್ಟ್ರಿಭ್ಯೋ ಭೂತೇ ಭ್ಯೋಂಽಹೋಭ್ಯ ವಾ ॥ 27 ॥

ಸರ್ವಾಣ್ಯೇತಾನಿ ಭಗವನ್ನಾಮ ರೂಪಾಸ್ತ್ರ ಕೀರ್ತನಾತ್ ।ಪ್ರಯಾನ್ತು ಸಂಕ್ಷಯಂ ಸದ್ಯೋ ಯೇ ನಃ ಶ್ರೇಯಃಪ್ರತೀಪಕಾಃ ॥ 28॥

ಗರುಡೋ ಭಗವಾನ್ ಸ್ತೋತ್ರ ಸ್ತೋಭಶ್ಛ ನ್ದೋಮಯಃ ಪ್ರಭುಃ । ರಕ್ಷತ್ವಶೇಷ ಕೃಚ್ಛ್ರೇಭ್ಯೋ ವಿಷ್ವಕ್ಸೇನಃ ಸ್ವನಾಮಭಿಃ ॥ 29 ॥

ಸರ್ವಾಪದ್ಭ್ಯೋ ಹರೇರ್ನಾಮ ರೂಪಯಾ ನಾಯುಧಾನಿ ನಃ । ಬುದ್ಧೀನ್ದ್ರಿಯಮನಃ ಪ್ರಾಣಾನ್ಪಾನ್ತು ಪಾರ್ಷದ ಭೂಷಣಾಃ ॥ 30॥

ಯಥಾ ಹಿ ಭಗವಾನೇವ ವಸ್ತುತಃ ಸದಸಚ್ಚ ಯತ್ । ಸತ್ಯೇನಾನೇನ ನಃ ಸರ್ವೇ ಯಾನ್ತು  ನಾಶಮು ಪದ್ರವಾಃ ॥ 31॥

ಯಥೈಕಾತ್ಮ್ಯಾನುಭಾವಾನಾಂ ವಿಕಲ್ಪರಹಿತಃ ಸ್ವಯಮ್ । ಭೂಷಣಾಯುಧಲಿಂಗಾಖ್ಯಾ ಧತ್ತೇ ಶಕ್ತೀಃ ಸ್ವಮಾಯಯಾ ॥ 32॥

ತೇನೈವ ಸತ್ಯಮಾನೇನ ಸರ್ವಜ್ಞೋ ಭಗವಾನ್ ಹರಿಃ । ಪಾತು ಸರ್ವೈಃ ಸ್ವರೂಪೈರ್ನಃ ಸದಾ ಸರ್ವತ್ರ ಸರ್ವಗಃ ॥ 33॥

ವಿದಿಕ್ಷು ದಿಕ್ಷೂರ್ಧ್ವಮಧಃ ಸಮನ್ತಾ- ದನ್ತರ್ಬಹಿ ರ್ಭಗವಾನ್ನಾರ ಸಿಂಹಃ ।ಪ್ರಹಾಪಯಂ ಲೋಕ ಭಯಂ ಸ್ವನೇನ ಸ್ವತೇಜಸಾ ಗ್ರಸ್ತಸಮಸ್ತ ತೇಜಾಃ ॥ 34॥

ಮಘವನ್ನಿದಮಾಖ್ಯಾತಂ ವರ್ಮ ನಾರಾಯಣಾ ತ್ಮಕಮ್ । ವಿಜೇಷ್ಯಸ್ಯಂಜಸಾ ಯೇನ ದಂಶಿತೋಽಸುರಯೂಥಪಾನ್ ॥ 35॥

ಏತದ್ಧಾರಯಮಾಣಸ್ತು ಯಂ ಯಂ ಪಶ್ಯತಿ ಚಕ್ಷುಷಾ । ಪದಾ ವಾ ಸಂಸ್ಪೃಶೇತ್ಸದ್ಯಃ ಸಾಧ್ವಸಾತ್ಸ ವಿಮುಚ್ಯತೇ ॥ 36॥

ನ ಕುತಶ್ಚಿದ್ಭಯಂ ತಸ್ಯ ವಿದ್ಯಾಂ ಧಾರಯತೋ ಭವೇತ್ । ರಾಜದಸ್ಯುಗ್ರಹಾದಿಭ್ಯೋ ವ್ಯಾಘ್ರಾದಿಭ್ಯಶ್ಚ ಕರ್ಹಿಚಿತ್ ॥ 37॥

ಇಮಾಂ ವಿದ್ಯಾಂ ಪುರಾ ಕಶ್ಚಿತ್ಕೌಶಿಕೋ ಧಾರಯನ್ ದ್ವಿಜಃ । ಯೋಗಧಾರಣಯಾ ಸ್ವಾಂಗಂ ಜಹೌ ಸ ಮರುಧನ್ವನಿ ॥ 38॥

ತಸ್ಯೋಪರಿ ವಿಮಾನೇನ ಗನ್ಧರ್ವಪತಿರೇಕದಾ ।ಯಯೌ ಚಿತ್ರರಥಃ ಸ್ತ್ರೀಭಿರ್ವೃತೋ ಯತ್ರ ದ್ವಿಜಕ್ಷಯಃ ॥ 39 ॥

ಗಗನಾನ್ನ್ಯಪತತ್ಸದ್ಯಃ ಸವಿಮಾನೋ ಹ್ಯವಾಕ್ಷಿರಾಃ ।ಸ ವಾಲಖಿಲ್ಯ ವಚನಾದಸ್ಥೀನ್ಯಾದಾಯ ವಿಸ್ಮಿತಃ ।ಪ್ರಾಸ್ಯ ಪ್ರಾಚೀಸರಸ್ವತ್ಯಾಂ ಸ್ನಾತ್ವಾ ಧಾಮ ಸ್ವಮನ್ವಗಾತ್ ॥ 40॥

ಶ್ರೀಶುಕ ಉವಾಚ ।

ಯ ಇದಂ ಶೃಣುಯಾತ್ಕಾಲೇ ಯೋ ಧಾರಯತಿ ಚಾದೃತಃ । ತಂ ನಮಸ್ಯನ್ತಿ ಭೂತಾನಿ ಮುಚ್ಯತೇ ಸರ್ವತೋ ಭಯಾತ್ ॥ 41॥

ಏತಾಂ ವಿದ್ಯಾಮಧಿಗತೋ ವಿಶ್ವರೂಪಾಚ್ಛತಕ್ರತುಃ ।ತ್ರೈಲೋಕ್ಯಲಕ್ಷ್ಮೀಂ ಬುಭುಜೇ ವಿನಿರ್ಜಿತ್ಯ ಮೃಧೇಽಸುರಾನ್ ॥ 42॥

॥ ಇತಿ ಶ್ರೀಮದ್ಭಾಗವತಮಹಾಪುರಾಣೇ ಪರಮಹಂಸ್ಯಾಂ ಸಂಹಿತಾಯಾಂ ಷಷ್ಠಮಸ್ಕನ್ಧೇ ನಾರಾಯಣವರ್ಮ ಕಥನಂ ನಾಮ ಅಷ್ಟಮೋಽಧ್ಯಾಯಃ ॥