*GOURI STOTRAM ಬ್ರಹ್ಮಕೃತಂ ಗೌರೀಸ್ತೋತ್ರಂ

 ಬ್ರಹ್ಮಕೃತಂ ಗೌರೀಸ್ತೋತ್ರಂ 

(ಸೌರಪುರಾಣೇ ಪಂಚವಿಂಶಧ್ಯಾಯಾಂತರ್ಗತಂ)
ಬ್ರಹ್ಮೋವಾಚ-

ತ್ವಾಂ ನಮಾಮಿ ಶಿವಾಂ ಶಾಂತಾಂ ಈಶ್ವರಾರ್ಧ ಶರೀರಿಣೀಂ | ಅನಾದ್ಯನಂತ ವಿಭವಾಂ ಮೂಲಪ್ರಕೃತಿಮೀಶ್ವರೀಂ .. 1..

ಜನ್ಮಮೃತ್ಯುಜರಾತೀತಾಂ ಜನ್ಮಮೃತ್ಯು ಜರಾಪಹಾಂ | ಕ್ಷೇತ್ರಜ್ಞಶಕ್ತಿನಿಲಯಾಂ ಪರಮಾಕಾಶಮಧ್ಯಗಾಂ .. 2..

ಬ್ರಹ್ಮೇಂದ್ರವಿಷ್ಣುನಮಿತಾ ಅಷ್ಟಮೂರ್ತ್ಯಂಗಿನೀಮಜಾಂ | ಪ್ರಧಾನ ಪೌರುಷಾತೀತಾಂ ಸಾವಿತ್ರೀಂ ವೇದ ಮಾತರಂ .. 3..

ಋಗ್ಯಜುಃಸಾಮನಿಲಯಾಮೃಜ್ವೀಂ ಕುಂಡಲಿನೀಂ ಪರಾಂ | ವಿಶ್ವೇಶ್ವರೀಂ ವಿಶ್ವಮಯೀಂ ವಿಶ್ವೇಶ್ವರಪತಿವ್ರತಾಂ .. 4..

ವಿಶ್ವಸಂಹಾರ ಕರಣೀಂ ವಿಶ್ವಮಾಯಾ ಪ್ರವರ್ತಿನೀಂ | ಸರ್ಗಸ್ಥಿತ್ಯಂತ ಕರಿಣೀಂ ವ್ಯಕ್ತಾವ್ಯಕ್ತ ಸ್ವರೂಪಿಣೀಂ .. 5..

ಪಾಹಿ ಮಾಂ ದೇವದೇವೇಶಿ ಶರಣಾಗತವತ್ಸಲೇ ನಾನ್ಯಾ ಗತಿರ್ಮಹೇಶಾನಿ ಮಮ ತ್ರೈಲೋಕ್ಯಚಂಡಿಕೇ.. 6..

ತ್ವಂ ಮಾತಾ ಮಮ ಕಲ್ಯಾಣಿ ಪಿತಾ ಸರ್ವೇಶ್ವರಃ ಶಿವಃ | ಸೃಷ್ಟೋಽಹಂ ತ್ರಿಪುರಘ್ನೇನ ಸೃಷ್ಟಯರ್ಥಂ ಶಿವಪ್ರಿಯೇ .. 7..

ವಿವಿಧಾಶ್ಚ ಪ್ರಜಾಃ ಸೃಷ್ಟಾ ನ ವೃದ್ಧಿಂ ಉಪಯಾಂತಿ ತಾಃ  | ತತಃ ಪರಂ ಪ್ರಜಾಃ ಸರ್ವಾ ಮೈಥುನಪ್ರಭವಾಃ ಕಿಲ .. 8..

ಸಂವಧಯಿತುಂ ಇಚ್ಛಾಮಿ ಕೃತ್ವಾ ಸೃಷ್ಟಿಮತಃ ಪರಂ  | ಶಕ್ತಿನೀ ಖಲು ಸರ್ವಾಸಾಂ ತ್ವತ್ತಃ ಸೃಷ್ಟಿಃ ಪ್ರವರ್ತತೇ .. 9..

ನೈವ ಸೃಷ್ಟಂ ತ್ವಯಾ ಪೂರ್ವಂ ಶಕ್ತೀನಾಂ ಯತ್ಕುಲಂ ಶಿವೇ  | ಸರ್ವೇಷಾಂ ದೇಹಿನಾಂ ದೇವಿ ಸರ್ವಶಕ್ತಿಪ್ರದಾಯಿನೀ ..10..

ತ್ವಮೇವ ನಾತ್ರ ಸಂದೇಹಂ ತಸ್ಸ್ಮಾತ್ತ್ವಂ ವರದಾ ಭವ |ಮಮ ಸೃಷ್ಟಿವಿವೃದ್ಧ್ಯರ್ಥಂ ಅಂಶೇನೈಕೇನ ಶಾಶ್ವತೇ ..11..

ಮಮ ಪುತ್ರಸ್ಯ ದಕ್ಷಸ್ಯ ಪುತ್ರೀ ಭವ ಶುಚಿಸ್ಮಿತೇ|ಪ್ರಾರ್ಥಿತಾ ವೈ ತದಾ ದೇವೀ ಬ್ರಹ್ಮಣಾ ಮುನಿಪುಂಗವಾಃ .. 12..

ಏಕಾಂ ಶಕ್ತಿಂ ಭೂಯೋರ್ಮಧ್ಯಾ ತ್ಸಸರ್ಜಾತ್ಮ ಸಮಪ್ರಭಾಂ | ಆಹ ತಾಂ ಪ್ರಹಸನ್ಪ್ರೇಕ್ಷ್ಯ ದೇವೀಂ ವಿಶ್ವೇಶ್ವರೋ ಹರಃ .. 13..

ಬ್ರಹ್ಮಣೋ ವಚನಾಂ ದೇವಿ ಕುರು ತಸ್ಯ ಯಥೇಪ್ಸಿತಂ  | ಆದಾಯ ಶಿರಸಾ ಶಂಭೋರಾಜ್ಞಾಂ ಸಾ ಪರಮೇಶ್ವರೀ ..14..

ಅಭವ ದ್ದಕ್ಷದುಹಿತಾ ಸ್ವೇಚ್ಛಯಾ ಬ್ರಹ್ಮ ರೂಪಿಣೀ  | ಪುನರಾದ್ಯಾ ಪರಾ ಶಕ್ತಿಃ ಶಂಭೋರ್ದೇಹಂ ಸಮಾವಿಶತ್ ..15..

ಅರ್ಧನಾರೀಶ್ವರೋ ದೇವೋ ವಿಭಾತೀತಿ ಹಿನಃ ಶ್ರುತಿಃ  | ತತಃ ಪ್ರಭೃತಿ ವಿಪ್ರೇಂದ್ರಾ ಮೈಥುನಪ್ರಭವಾಃ ಪ್ರಜಾಃ ..16..

ಏವಂ ವಃ ಕಥಿತಾ ವಿಪ್ರಾ ದೇವ್ಯಾಃ ಸಂಭೂತಿರುತ್ತಮಾ | ಪಠೇದ್ಯಃ ಶೃಣುಯಾದ್ವಾಽಪಿ ಸಂತತಿಸ್ತಸ್ಯ ವರ್ಧತೇ ..17..

ಇತಿ ಸೌರಪುರಾಣೇ ಪಂಚವಿಂಶತ್ಯಧ್ಯಾಯಾಂತರ್ಗತಂ ಬ್ರಹ್ಮಕೃತಂ ಗೌರೀಸ್ತೋತ್ರಂ ಸಂಪೂರ್ಣಂ