ಅಥ ಪಾರ್ವತೀ ವಲ್ಲಭ ನೀಲಕಂಠಾಷ್ಟಕಮ್
ಶ್ರೀ ಗುರುಭ್ಯೋ ನಮಃ ಹರಿಃ ಓಂ
ನಮೋ ಭೂತನಾಥಂ ನಮೋ ದೇವದೇವಂ
ನಮಃ ಕಾಲಕಾಲಂ ನಮೋ ದಿವ್ಯತೇಜಮ್ ।
ನಮಃ ಕಾಮಭಸ್ಮಂ ನಮಶ್ಶಾನ್ತಶೀಲಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 1॥
ಸದಾ ತೀರ್ಥಸಿದ್ಧಂ ಸದಾ ಭಕ್ತರಕ್ಷಂ
ಸದಾ ಶೈವಪೂಜ್ಯಂ ಸದಾ ಶುಭ್ರಭಸ್ಮಮ್ ।
ಸದಾ ಧ್ಯಾನಯುಕ್ತಂ ಸದಾ ಜ್ಞಾನತಲ್ಪಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 2॥
ಶ್ಮಶಾನೇ ಶಯಾನಂ ಮಹಾಸ್ಥಾನವಾಸಂ
ಶರೀರಂ ಗಜಾನಂ ಸದಾ ಚರ್ಮವೇಷ್ಟಮ್ ।
ಪಿಶಾಚಂ ನಿಶೋಚಂ ಪಶೂನಾಂ ಪ್ರತಿಷ್ಠಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 3॥
ಫಣೀನಾಗ ಕಂಠೇ ಭುಜಂಗಾದ್ಯನೇಕಂ
ಗಲೇ ರುಂಡಮಾಲಂ ಮಹಾವೀರ ಶೂರಮ್ ।
ಕಟಿಂ ವ್ಯಾಘ್ರಚರ್ಮಂ ಚಿತಾಭಸ್ಮಲೇಪಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 4॥
ಶಿರಶ್ಶುದ್ಧಗಂಗಾ ಶಿವಾ ವಾಮಭಾಗಂ
ಬೃಹದ್ದಿವ್ಯಕೇಶಂ ಸದಾ ಮಾಂ ತ್ರಿನೇತ್ರಮ್ ।
ಫಣೀ ನಾಗಕರ್ಣಂ ಸದಾ ಭಾಲಚನ್ದ್ರಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 5॥
ಕರೇ ಶೂಲಧಾರಂ ಮಹಾಕಷ್ಟನಾಶಂ
ಸುರೇಶಂ ವರೇಶಂ ಮಹೇಶಂ ಜನೇಶಮ್ ।
ಧನೇಶಸ್ತುತೇಶಂ ಧ್ವಜೇಶಂ ಗಿರೀಶಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 6॥
ಉದಾನಂ ಸುದಾಸಂ ಸುಕೈಲಾಸವಾಸಂ
ಧರಾ ನಿರ್ಧರಂ ಸಂಸ್ಥಿತಂ ಹ್ಯಾದಿದೇವಮ್ ।
ಅಜಾ ಹೇಮಕಲ್ಪದ್ರುಮಂ ಕಲ್ಪಸೇವ್ಯಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 7॥
ಮುನೀನಾಂ ವರೇಣ್ಯಂ ಗುಣಂ ರೂಪವರ್ಣಂ
ದ್ವಿಜಾನಂ ಪಠನ್ತಂ ಶಿವಂ ವೇದಶಾಸ್ತ್ರಮ್ ।
ಅಹೋ ದೀನವತ್ಸಂ ಕೃಪಾಲುಂ ಶಿವಂ ಹಿ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 8॥
ಸದಾ ಭಾವನಾಥಂ ಸದಾ ಸೇವ್ಯಮಾನಂ
ಸದಾ ಭಕ್ತಿದೇವಂ ಸದಾ ಪೂಜ್ಯಮಾನಮ್ ।
ಮಯಾ ತೀರ್ಥವಾಸಂ ಸದಾ ಸೇವ್ಯಮೇಕಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ ॥ 9॥
ಇತಿ ಪಾರ್ವತೀವಲ್ಲಭ ನೀಲಕಂಠಾಷ್ಟಕಂ ಸಮ್ಪೂರ್ಣಮ್
पार्वती वल्लभ नीलकण्ठाष्टकम्
नमो भूतनाथं नमो देवदेवं
नमः कालकालं नमो दिव्यतेजम् ।
नमः कामभस्मं नमश्शान्तशीलं
भजे पार्वतीवल्लभं नीलकण्ठम् ॥ १॥
सदा तीर्थसिद्धं सदा भक्तरक्षं
सदा शैवपूज्यं सदा शुभ्रभस्मम् ।
सदा ध्यानयुक्तं सदा ज्ञानतल्पं
भजे पार्वतीवल्लभं नीलकण्ठम् ॥ २॥
श्मशाने शयानं महास्थानवासं
शरीरं गजानं सदा चर्मवेष्टम् ।
पिशाचं निशोचं पशूनां प्रतिष्ठं
भजे पार्वतीवल्लभं नीलकण्ठम् ॥ ३॥
फणीनाग कण्ठे भुजङ्गाद्यनेकं
गले रुण्डमालं महावीर शूरम् ।
कटिं व्याघ्रचर्मं चिताभस्मलेपं
भजे पार्वतीवल्लभं नीलकण्ठम् ॥ ४॥
शिरश्शुद्धगङ्गा शिवा वामभागं
बृहद्दिव्यकेशं सदा मां त्रिनेत्रम् ।
फणी नागकर्णं सदा भालचन्द्रं
भजे पार्वतीवल्लभं नीलकण्ठम् ॥ ५॥
करे शूलधारं महाकष्टनाशं
सुरेशं वरेशं महेशं जनेशम् ।
धनेशस्तुतेशं ध्वजेशं गिरीशं
भजे पार्वतीवल्लभं नीलकण्ठम् ॥ ६॥
उदानं सुदासं सुकैलासवासं
धरा निर्धरं संस्थितं ह्यादिदेवम् ।
अजा हेमकल्पद्रुमं कल्पसेव्यं
भजे पार्वतीवल्लभं नीलकण्ठम् ॥ ७॥
मुनीनां वरेण्यं गुणं रूपवर्णं
द्विजानं पठन्तं शिवं वेदशास्त्रम् ।
अहो दीनवत्सं कृपालुं शिवं हि
भजे पार्वतीवल्लभं नीलकण्ठम् ॥ ८॥
सदा भावनाथं सदा सेव्यमानं
सदा भक्तिदेवं सदा पूज्यमानम् ।
मया तीर्थवासं सदा सेव्यमेकं
भजे पार्वतीवल्लभं नीलकण्ठम् ॥ ९॥
इति पार्वतीवल्लभ नीलकण्ठाष्टकं सम्पूर्णम् ।
No comments:
Post a Comment