DWADASHA STOTRAM 10,11,12

 ದ್ವಾದಶ  ಸ್ತೋತ್ರಾಣಿ ಶ್ರೀಮಧ್ವಕೃತ   10,11,12

ಅಥ ದಶಮಸ್ತೋತ್ರಂ
ಶ್ರೀ ಗುರುಭ್ಯೋ ನಮಃ. ಹರಿ ಓಂ 

ಅವ ನಃ ಶ್ರೀಪತಿರಪ್ರತಿರಧಿಕೇಶಾದಿಭವಾದೇ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧..

ಸುರವಂದ್ಯಾಧಿಪ ಸದ್ವರಭರಿತಾಶೇಷಗುಣಾಲಂ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೨..

ಸಕಲಧ್ವಾಂತವಿನಾಶನ (ವಿನಾಶಕ) ಪರಮಾನಂದಸುಧಾಹೋ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೩..

ತ್ರಿಜಗತ್ಪೋತ ಸದಾರ್ಚಿತಚರಣಾಶಾಪತಿಧಾತೋ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೪..

ತ್ರಿಗುಣಾತೀತವಿಧಾರಕ ಪರಿತೋ ದೇಹಿ ಸುಭಕ್ತಿಂ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೫..

ಶರಣಂ ಕಾರಣಭಾವನ ಭವ ಮೇ ತಾತ ಸದಾಽಲಂ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೬..

ಮರಣಪ್ರಾಣದ ಪಾಲಕ ಜಗದೀಶಾವ ಸುಭಕ್ತಿಂ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೭..

ತರುಣಾದಿತ್ಯಸವರ್ಣಕಚರಣಾಬ್ಜಾಮಲ ಕೀರ್ತೇ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೮..

ಸಲಿಲಪ್ರೋತ್ಥಸರಾಗಕಮಣಿವರ್ಣೋಚ್ಚನಖಾದೇ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೯..

ಕಜ (ಖಜ) ತೂಣೀನಿಭಪಾವನವರಜಂಘಾಮಿತಶಕ್ತೇ . ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧೦..

ಇಬಹಸ್ತಪ್ರಭಶೋಭನಪರಮೋರುಸ್ಥರಮಾಳೇ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧೧..

ಅಸನೋತ್ಫುಲ್ಲಸುಪುಷ್ಪಕಸಮವರ್ಣಾವರಣಾಂತೇ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧೨..

ಶತಮೋದೋದ್ಭವಸುಂದರಿವರಪದ್ಮೋತ್ಥಿತನಾಭೇ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧೩..

ಜಗದಾಗೂಹಕಪಲ್ಲವಸಮಕುಕ್ಷೇ ಶರಣಾದೇ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧೪..

ಜಗದಂಬಾಮಲಸುಂದರಿಗೃಹವಕ್ಷೋವರ ಯೋಗಿನ್ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧೫..

ದಿತಿಜಾಂತಪ್ರದ ಚಕ್ರಧರಗದಾಯುಗ್ವರಬಾಹೋ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧೬..

ಪರಮಜ್ಞಾನಮಹಾನಿಧಿವದನ ಶ್ರೀರಮಣೇಂದೋ .
ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ .. ೧೭..

ನಿಖಿಲಾಘೌಘವಿನಾಶನ (ವಿನಾಶಕ) ಪರಸೌಖ್ಯಪ್ರದದೃಷ್ಟೇ .ಕರುಣಾಪೂರ್ಣ ವರಪ್ರದ ಚರಿತಂ ಜ್ಞಾಪಯ ಮೇ ತೇ .. ೧೮..

ಪರಮಾನಂದಸುತೀರ್ಥಸುಮುನಿರಾಜೋ ಹರಿಗಾಥಾಂ .ಕೃತವಾನ್ನಿತ್ಯಸುಪೂರ್ಣಕ ಪರಮಾನಂದಪದೈಷಿನ್ .. ೧೯..

ಇತಿ ಶ್ರೀಮದಾನಂದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ ದ್ವಾದಶಸ್ತೋತ್ರೇಷು ದಶಮಸ್ತೋತ್ರಂ ಸಂಪೂರ್ಣಂ



ಅಥ ಏಕಾದಶಸ್ತೋತ್ರಂ
ಉದೀರ್ಣಮಜರಂ ದಿವ್ಯಂ ಅಮೃತಸ್ಯಂದ್ಯಧೀಶಿತುಃ .
ಆನಂದಸ್ಯ ಪದಂ ವಂದೇ ಬ್ರಹ್ಮೇಂದ್ರಾದಿ ಅಭಿವಂದಿತಂ .. ೧..

ಸರ್ವವೇದಪದೋದ್ಗೀತಂ ಇಂದಿರಾವಾಸಮುತ್ತಮಂ (ಇಂದಿರಾಧಾರಮುತ್ತಮಂ) .
ಆನಂದಸ್ಯ ಪದಂ ವಂದೇ ಬ್ರಹ್ಮೇಂದ್ರಾದಿ ಅಭಿವಂದಿತಂ .. ೨..

ಸರ್ವದೇವಾದಿದೇವಸ್ಯ ವಿದಾರಿತಮಹತ್ತಮಃ .
ಆನಂದಸ್ಯ ಪದಂ ವಂದೇ ಬ್ರಹ್ಮೇಂದ್ರಾದಿ ಅಭಿವಂದಿತಂ .. ೩..

ಉದಾರಮಾದರಾನ್ನಿತ್ಯಂ ಅನಿಂದ್ಯಂ ಸುಂದರೀಪತೇಃ .
ಆನಂದಸ್ಯ ಪದಂ ವಂದೇ ಬ್ರಹ್ಮೇಂದ್ರಾದಿ ಅಭಿವಂದಿತಂ .. ೪..

ಇಂದೀವರೋದರನಿಭಂ ಸುಪೂರ್ಣಂ ವಾದಿಮೋಹನಂ (ವಾದಿಮೋಹದಂ) .
ಆನಂದಸ್ಯ ಪದಂ ವಂದೇ ಬ್ರಹ್ಮೇಂದ್ರಾದಿ ಅಭಿವಂದಿತಂ .. ೫..

ದಾತೃಸರ್ವಾಮರೈಶ್ವರ್ಯವಿಮುಕ್ತ್ಯಾದೇರಹೋ ಪರಂ (ವರಂ) . ಆನಂದಸ್ಯ ಪದಂ ವಂದೇ ಬ್ರಹ್ಮೇಂದ್ರಾದಿ ಅಭಿವಂದಿತಂ .. ೬..

ದೂರಾದ್ದುರತರಂ ಯತ್ತು ತದೇವಾಂತಿಕಮಂತಿಕಾತ್ .
ಆನಂದಸ್ಯ ಪದಂ ವಂದೇ ಬ್ರಹ್ಮೇಂದ್ರಾದಿ ಅಭಿವಂದಿತಂ .. ೭..

ಪೂರ್ಣಸರ್ವಗುಣೈಕಾರ್ಣಮನಾದ್ಯಂತಂ ಸುರೇಶಿತುಃ .
ಆನಂದಸ್ಯ ಪದಂ ವಂದೇ ಬ್ರಹ್ಮೇಂದ್ರಾದಿ ಅಭಿವಂದಿತಂ .. ೮..

ಆನಂದತೀರ್ಥಮುನಿನಾ ಹರೇರಾನಂದ ರೂಪಿಣಃ .
ಕೃತಂ ಸ್ತೋತ್ರಮಿದಂ ಪುಣ್ಯಂ ಪಠನ್ನಾನಂದಮಾಪ್ನುಯಾತ್ .. ೯..

ಇತಿ ಶ್ರೀಮದಾನಂದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ ದ್ವಾದಶಸ್ತೋತ್ರೇಷು ಏಕಾದಶಸ್ತೋತ್ರಂ ಸಂಪೂರ್ಣಂ



ಅಥ ದ್ವಾದಶಸ್ತೋತ್ರಂ

ಆನಂದಮುಕುಂದ ಅರವಿಂದನಯನ .

ಆನಂದತೀರ್ಥ ಪರಾನಂದವರದ .. ೧..

ಸುಂದರೀಮಂದಿರಗೋವಿಂದ ವಂದೇ .
ಆನಂದತೀರ್ಥ ಪರಾನಂದವರದ .. ೨..

ಚಂದ್ರಕಮಂದಿರನಂದಕ ವಂದೇ .
ಆನಂದತೀರ್ಥ ಪರಾನಂದವರದ .. ೩..

ಚಂದ್ರಸುರೇಂದ್ರಸುವಂದಿತ ವಂದೇ .
ಆನಂದತೀರ್ಥ ಪರಾನಂದವರದ .. ೪..

ಮಂದಾರಸೂನಸುಚರ್ಚಿತ ವಂದೇ .
ಆನಂದತೀರ್ಥ ಪರಾನಂದವರದ .. ೫..

ವೃಂದಾರವೃಂದಸುವಂದಿತ ವಂದೇ (ವೃಂದಾರಕವೃಂದಸುವಂದಿತ ವಂದೇ) .
ಆನಂದತೀರ್ಥ ಪರಾನಂದವರದ .. ೬..

ಇಂದಿರಾಽನಂದಕ ಸುಂದರ ವಂದೇ .
ಆನಂದತೀರ್ಥ ಪರಾನಂದವರದ .. ೭..

ಮಂದಿರಸ್ಯಂದನಸ್ಯಂದಕ ವಂದೇ .
ಆನಂದತೀರ್ಥ ಪರಾನಂದವರದ .. ೮..

ಆನಂದಚಂದ್ರಿಕಾಸ್ಯಂದಕ ವಂದೇ .
ಆನಂದತೀರ್ಥ ಪರಾನಂದವರದ .. ೯..

ಇತಿ ಶ್ರೀಮದಾನಂದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ  ದ್ವಾದಶಸ್ತೋತ್ರೇಷು ದ್ವಾದಶಂ ಸ್ತೋತ್ರಂ ಸಂಪೂರ್ಣಂ

ವಂದೇ ವಂದ್ಯಂ ಸದಾನಂದಂ ವಾಸುದೇವಂ ನಿರಂಜನಂ . ಇಂದಿರಾಪತಿಮಾದ್ಯಾದಿ ವರದೇಶ ವರಪ್ರದಂ .. 

ನಮಾಮಿ ನಿಖಿಲಾಧೀಶ ಕಿರೀಟಾಘೃಷ್ಟಪೀಠವತ್ .
ಹೃತ್ತಮಃ ಶಮನೇಽರ್ಕಾಭಂ ಶ್ರೀಪತೇಃ ಪಾದಪಂಕಜಂ ..

ಜಾಂಬೂನದಾಂಬರಾಧಾರಂ ನಿತಂಬಂ ಚಿಂತ್ಯಮೀಶಿತುಃ .ಸ್ವರ್ಣಮಂಜೀರಸಂವೀತಂ ಆರೂಢಂ ಜಗದಂಬಯಾ .. 


ಶ್ರೀ ರಾಮ ಕೃಷ್ಣ ವೇದವ್ಯಾಸಾತ್ಮಕ ಭಾರತೀರಮಣ ಮುಖ್ಯಪ್ರಾಣಾಂತರ್ಗತ ಶ್ರೀಮದಾನಂದತೀರ್ಥ ಭಗವತ್ಪಾದಾಚಾರ್ಯ ವಿರಚಿತ ದ್ವಾದಶ ಸ್ತೋತ್ರಂ ಸಂಪೂರ್ಣಂ

ಶ್ರೀಕೃಷ್ಣಾರ್ಪಣಮಸ್ತು..

ದ್ವಾದಶ  ಸ್ತೋತ್ರಾಣಿ ಶ್ರೀಮಧ್ವಕೃತ   1,2,3

ದ್ವಾದಶ  ಸ್ತೋತ್ರಾಣಿ ಶ್ರೀಮಧ್ವಕೃತ   4,5,6

ದ್ವಾದಶ  ಸ್ತೋತ್ರಾಣಿ ಶ್ರೀಮಧ್ವಕೃತ   7,8,9