*NARASIMHA STUTI. III ನರಸಿಂಹ ಸ್ತುತಿ: ೩

     ಶ್ರೀ ಶುಕ್ರಾಚಾರ್ಯ ಪ್ರೋಕ್ತ ನರಸಿಂಹಪುರಾಣೇ 

                           ನರಸಿಂಹ ಸ್ತುತಿ:

ಶ್ರೀ ಗುರುಭ್ಯೋ ನಮಃ.  ಹರಿ: ಓಂ 
ಮಾರ್ಕಂಡೇಯ ಉವಾಚ

ವಾಮನೇನಸ ವಿದ್ಧಾಕ್ಷೋ ಬಹುತೀರ್ಥೇಷು ಭಾರ್ಗವಃ 
ಜಾಹ್ನವೀಸಲಿಲೇ ಸ್ಥಿತ್ವಾ ದೇವಮಭ್ಯರ್ಚ್ಯ ವಾಮನಂ .. ೧..

ಊರ್ಧ್ವಬಾಹುಃ ಸ ದೇವೇಶಂ ಶಂಖಚಕ್ರಗದಾಧರಂ .
ಹೃದಿ ಸಂಚಿಂತ್ಯ ತುಷ್ಟಾವ ನರಸಿಂಹಂ ಸನಾತನಂ ....... ೨..

ಶುಕ್ರ ಉವಾಚ
ನಮಾಮಿ ದೇವಂ ವಿಶ್ವೇಶಂ ವಾಮನಂ ವಿಷ್ಣುರೂಪಿಣಂ  ಬಲಿದರ್ಪಹರಂ ಶಾಂತಂ ಶಾಶ್ವತಂ ಪುರುಷೋತ್ತಮಂ .. ೩..

ಧೀರಂ ಶೂರಂ ಮಹಾದೇವಂ ಶಾರ್ಙಚಾಪಶರಾಧರಂ 
ವಿಶುದ್ಧಂ ಜ್ಞಾನಸಂಪನ್ನಂ ನಮಾಮಿ ಹರಿಮಚ್ಯುತಂ .... ..೪..

ಸರ್ವಶಕ್ತಿಮಯಂ ದೇವಂ ಸರ್ವಗಂ ಸರ್ವಭಾವನಂ .
ಅನಾದಿಮಜರಂ ನಿತ್ಯಂ ನಮಾಮಿ ಗರುಡಧ್ವಜಂ ...... ೫..

ಸುರಾಸುರೈರ್ಭಕ್ತಿಮದ್ಭಿಃ ಸ್ತುತೋ ನಾರಾಯಣಃ ಸದಾ 
ಪೂಜಿತಂ ಚ ಹೃಷೀಕೇಶಂ ತಂ ನಮಾಮಿ ಜಗದ್ಗುರುಂ .. ೬..

ಹೃದಿ ಸಂಕಲ್ಪ್ಯ ಯದ್ರೂಪಂ ಧ್ಯಾಯಂತಿ ಯತಯಃ ಸದಾ  ಜ್ಯೋತೀರೂಪಮನೌಪಮ್ಯಂ ನರಸಿಂಹಂ ನಮಾಮ್ಯಹಂ .. ೭..

ನ ಜಾನಂತಿ ಪರಂ ರೂಪಂ ಬ್ರಹ್ಮಾದ್ಯಾ ದೇವತಾಗಣಾಃ ಯಸ್ಯಾವತಾರರೂಪಾಣಿ ಸಮರ್ಚಂತಿ ನಮಾಮಿ ತಂ .. ೮..

ಏತತ್ಸಮಸ್ತಂ ಯೇನಾದೌ ಸೃಷ್ಟಂ ದುಷ್ಟವಧಾತ್ಪುನಃ 
ತ್ರಾತಂ ಯತ್ರ ಜಗಲ್ಲೀನಂ ತಂ ನಮಾಮಿ ಜನಾರ್ದನಂ ..೯..

ಭಕ್ತೈರಭ್ಯರ್ಚಿತೋ ಯಸ್ತು ನಿತ್ಯಂ ಭಕ್ತಪ್ರಿಯೋ ಹಿ ಯಃ ತಂ ದೇವಮಮಲಂ ದಿವ್ಯಂ ಪ್ರಣಮಾಮಿ ಜಗತ್ಪತಿಂ...೧೦..

ದುರ್ಲಭಂ ಚಾಪಿ ಭಕ್ತಾನಾಂ ಯಃ ಪ್ರಯಚ್ಛತಿ ತೋಷಿತಃ ತಂ ಸರ್ವಸಾಕ್ಷಿಣಂ ವಿಷ್ಣುಂ ಪ್ರಣಮಾಮಿ ಸನಾತನಂ .೧೧.. 

ನರಸಿಂಹಪುರಾಣೇ ಅಧ್ಯಾಯ ೫೫ ಶ್ಲೋಕ ೨-೧೨, ಅಧ್ಯಾಯ ಶ್ಲೋಕ ಸಂಖ್ಯಾ ೨೦
ಶ್ರೀನರಸಿಂಹ ಪುರಾಣೇ ಶುಕ್ರವರಪ್ರದಾನೋ ನಾಮ ಪಂಚಪಂಚಾಶೋಽಧ್ಯಾಯಃ .. ೫೫.. 
ಶ್ರೀ ಕೃಷ್ಣಾರ್ಪಣಮಸ್ತು