Shri HARI Stotram ಶ್ರೀ ಹರಿ ಸ್ತೋತ್ರಂ (ಪ್ರಹ್ಲಾದ ಕೃತಂ)

 ಶ್ರೀ ಹರಿ ಸ್ತೋತ್ರಂ (ಪ್ರಹ್ಲಾದ ಕೃತಂ)

ಶ್ರೀ ಗುರುಭ್ಯೋ ನಮಃ ಹರಿ ಓಂ 
ತ್ರಿಭುವನಭವನಾಭಿರಾಮಕೋಶಂ
ಸಕಲಕಳಂಕಹರಂ ಪರಂ ಪ್ರಕಾಶಂ |
ಅಶರಣಶರಣಂ ಶರಣ್ಯಮೀಶಂ
ಹರಿಮಜಮಚ್ಯುತಮೀಶ್ವರಂ ಪ್ರಪದ್ಯೇ || 1 ||

ಕುವಲಯದಲನೀಲಸನ್ನಿಕಾಶಂ
ಶರದಮಲಾಂಬರಕೋಟರೋಪಮಾನಂ |
ಭ್ರಮರತಿಮಿರಕಜ್ಜಲಾಂಜನಾಭಂ
ಸರಸಿಜಚಕ್ರಗದಾಧರಂ ಪ್ರಪದ್ಯೇ || 2 ||

ವಿಮಲಮಲಿಕಲಾಪಕೋಮಲಾಂಗಂ
ಸಿತಜಲಪಂಕಜಕುಡ್ಮಲಾಭಶಂಖಂ |
ಶ್ರುತಿರಣಿತವಿರಂಚಿಚಂಚರೀಕಂ
ಸ್ವಹೃದಯಪದ್ಮದಲಾಶ್ರಯಂ ಪ್ರಪದ್ಯೇ || 3 ||

ಸಿತನಖಗಣತಾರಕಾವಿಕೀರ್ಣಂ
ಸ್ಮಿತಧವಲಾನನಪೀವರೇಂದುಬಿಂಬಂ |
ಹೃದಯಮಣಿಮರೀಚಿಜಾಲಗಂಗಂ
ಹರಿಶರದಂಬರಮಾತತಂ ಪ್ರಪದ್ಯೇ || 4 ||

ಅವಿರಲಕೃತಸೃಷ್ಟಿಸರ್ವಲೀನಂ
ಸತತಮಜಾತಮವರ್ಧನಂ ವಿಶಾಲಂ |
ಗುಣಶತಜರಠಾಭಿಜಾತದೇಹಂ
ತರುದಲಶಾಯಿನಮರ್ಭಕಂ ಪ್ರಪದ್ಯೇ || 5 ||

ನವವಿಕಸಿತಪದ್ಮರೇಣುಗೌರಂ
ಸ್ಫುಟಕಮಲಾವಪುಷಾ ವಿಭೂಷಿತಾಂಗಂ |
ದಿನಶಮಸಮಯಾರುಣಾಂಗರಾಗಂ
ಕನಕನಿಭಾಂಬರಸುಂದರಂ ಪ್ರಪದ್ಯೇ || 6 ||

ದಿತಿಸುತನಲಿನೀತುಷಾರಪಾತಂ
ಸುರನಲಿನೀಸತತೋದಿತಾರ್ಕಬಿಂಬಂ |
ಕಮಲಜನಲಿನೀಜಲಾವಪೂರಂ
ಹೃದಿ ನಲಿನೀನಿಲಯಂ ವಿಭುಂ ಪ್ರಪದ್ಯೇ || 7 ||

ತ್ರಿಭುವನನಲಿನೀಸಿತಾರವಿಂದಂ
ತಿಮಿರಸಮಾನವಿಮೋಹದೀಪಮಗ್ರ್ಯಂ |
ಸ್ಫುಟತರಮಜಡಂ ಚಿದಾತ್ಮತತ್ತ್ವಂ
ಜಗದಖಿಲಾರ್ತಿಹರಂ ಹರಿಂ ಪ್ರಪದ್ಯೇ || 8 ||

ಇತಿ ಶ್ರೀವಾಸಿಷ್ಠಮಹಾರಾಮಾಯಣೇ ಮೋಕ್ಷೋಪಾಯೇಷು ಉಪಶಮಪ್ರಕರಣೇ ತ್ರಯಸ್ತ್ರಿಂಶಃ ಸರ್ಗೇ ಪ್ರಹ್ಲಾದ ಕೃತ ಶ್ರೀ ಹರಿ ಸ್ತೋತ್ರಂ ಸಂಪೂರ್ಣಮ್ ಶ್ರೀ ಕೃಷ್ಣಾರ್ಪಣಮಸ್ತು