DURGA STOTRAM 4 ಶ್ರೀ ದುರ್ಗಾ ಸ್ತೋತ್ರಂ 4 (ಶ್ರೀ ಮಹಾದೇವ ಕೃತಂ)

(ಶ್ರೀ ಮಹಾದೇವ ಕೃತಂ)

ಶ್ರೀ ದುರ್ಗಾ ಸ್ತೋತ್ರಂ 

ಶ್ರೀ ಗುರುಭ್ಯೋ ನಮಃ ಹರಿ: ಓಂ 
ಮಹಾದೇವ ಉವಾಚ |
ರಕ್ಷ ರಕ್ಷ ಮಹಾದೇವಿ ದುರ್ಗೇ ದುರ್ಗತಿನಾಶಿನಿ |
ಮಾಂ ಭಕ್ತಮನುರಕ್ತಂ ಚ ಶತ್ರುಗ್ರಸ್ತಂ ಕೃಪಾಮಯಿ || 1 ||
ವಿಷ್ಣುಮಾಯೇ ಮಹಾಭಾಗೇ ನಾರಾಯಣಿ ಸನಾತನಿ |
ಬ್ರಹ್ಮಸ್ವರೂಪೇ ಪರಮೇ ನಿತ್ಯಾನಂದಸ್ವರೂಪಿಣೀ || 2 ||
ತ್ವಂ ಚ ಬ್ರಹ್ಮಾದಿದೇವಾನಾಮಂಬಿಕೇ ಜಗದಂಬಿಕೇ |
ತ್ವಂ ಸಾಕಾರೇ ಚ ಗುಣತೋ ನಿರಾಕಾರೇ ಚ ನಿರ್ಗುಣಾತ್ || 3 ||
ಮಾಯಯಾ ಪುರುಷಸ್ತ್ವಂ ಚ ಮಾಯಯಾ ಪ್ರಕೃತಿಃ ಸ್ವಯಂ |
ತಯೋಃ ಪರಂ ಬ್ರಹ್ಮ ಪರಂ ತ್ವಂ ಬಿಭರ್ಷಿ ಸನಾತನಿ || 4 ||
ವೇದಾನಾಂ ಜನನೀ ತ್ವಂ ಚ ಸಾವಿತ್ರೀ ಚ ಪರಾತ್ಪರಾ |
ವೈಕುಂಠೇ ಚ ಮಹಾಲಕ್ಷ್ಮೀಃ ಸರ್ವಸಂಪತ್ಸ್ವರೂಪಿಣೀ || 5 ||
ಮರ್ತ್ಯಲಕ್ಷ್ಮೀಶ್ಚ ಕ್ಷೀರೋದೇ ಕಾಮಿನೀ ಶೇಷಶಾಯಿನಃ |
ಸ್ವರ್ಗೇಷು ಸ್ವರ್ಗಲಕ್ಷ್ಮೀಸ್ತ್ವಂ ರಾಜಲಕ್ಷ್ಮೀಶ್ಚ ಭೂತಲೇ || 6 ||
ನಾಗಾದಿಲಕ್ಷ್ಮೀಃ ಪಾತಾಲೇ ಗೃಹೇಷು ಗೃಹದೇವತಾ |
ಸರ್ವಸಸ್ಯಸ್ವರೂಪಾ ತ್ವಂ ಸರ್ವೈಶ್ವರ್ಯವಿಧಾಯಿನೀ || 7 ||
ರಾಗಾಧಿಷ್ಠಾತೃದೇವೀ ತ್ವಂ ಬ್ರಹ್ಮಣಶ್ಚ ಸರಸ್ವತೀ |
ಪ್ರಾಣಾನಾಮಧಿದೇವೀ ತ್ವಂ ಕೃಷ್ಣಸ್ಯ ಪರಮಾತ್ಮನಃ || 8 ||
ಗೋಲೋಕೇ ಚ ಸ್ವಯಂ ರಾಧಾ ಶ್ರೀಕೃಷ್ಣಸ್ಯೈವ ವಕ್ಷಸಿ |
ಗೋಲೋಕಾಧಿಷ್ಠಿತಾದೇವೀ ವೃಂದಾ ವೃಂದಾವನೇವನೇ || 9 ||
ಶ್ರೀರಾಸಮಂಡಲೇ ರಮ್ಯಾ ವೃಂದಾವನವಿನೋದಿನೀ |
ಶತಶೃಂಗಾಧಿದೇವೀ ತ್ವಂ ನಾಮ್ನಾ ಚಿತ್ರಾವಲೀತಿ ಚ || 10 ||
ದಕ್ಷಕನ್ಯಾ ಕುತ್ರಕಲ್ಪೇ ಕುತ್ರಕಲ್ಪೇ ಚ ಶೈಲಜಾ |
ದೇವಮಾತಾಽದಿತಿಸ್ತ್ವಂ ಚ ಸರ್ವಾಧಾರಾ ವಸುಂಧರಾ || 11 ||
ತ್ವಮೇವ ಗಂಗಾ ತುಲಸೀ ತ್ವಂ ಚ ಸ್ವಾಹಾ ಸ್ವಧಾ ಸತೀ |
ತ್ವದಂಶಾಂಶಾಂಶಕಲಯಾ ಸರ್ವದೇವಾದಿಯೋಷಿತಃ || 12 ||
ಸ್ತ್ರೀರೂಪಂ ಚಾಪಿ ಪುರುಷಂ ದೇವಿ ತ್ವಂ ಚ ನಪುಂಸಕಂ |
ವೃಕ್ಷಾಣಾಂ ವೃಕ್ಷರೂಪಾ ತ್ವಂ ಸೃಷ್ಟಾ ಚಾಂಕುರರೂಪಿಣೀ || 13 ||
ವಹ್ನೌ ಚ ದಾಹಿಕಾ ಶಕ್ತಿರ್ಜಲೇ ಶೈತ್ಯಸ್ವರೂಪಿಣೀ |
ಸೂರ್ಯೇ ತೇಜಃಸ್ವರೂಪಾಚ ಪ್ರಭಾರೂಪಾಚ ಸಂತತಂ || 14 ||
ಗಂಧರೂಪಾ ಚ ಭೂಮೌ ಚ ಆಕಾಶೇ ಶಬ್ದರೂಪಿಣೀ |
ಶೋಭಾಸ್ವರೂಪಾ ಚಂದ್ರೇ ಚ ಪದ್ಮಸಂಘೇ ಚ ನಿಶ್ಚಿತಂ || 15 ||
ಸೃಷ್ಟೌ ಸೃಷ್ಟಿಸ್ವರೂಪಾ ಚ ಪಾಲನೇ ಪರಿಪಾಲಿಕಾ |
ಮಹಾಮಾರೀ ಚ ಸಂಹಾರೇ ಜಲೇ ಚ ಜಲರೂಪಿಣೀ || 16 ||
ಕ್ಷುತ್ ತ್ವಂ ದಯಾ ತ್ವಂ ನಿದ್ರಾ ತ್ವಂ ತೃಷ್ಣಾ ತ್ವಂ ಬುದ್ಧಿರೂಪಿಣೀ |
ತುಷ್ಟಿಸ್ತ್ವಂ ಚಾಪಿ ಪುಷ್ಟಿಸ್ತ್ವಂ ಶ್ರದ್ಧಾಸ್ತ್ವಂ ಚ ಕ್ಷಮಾ ಸ್ವಯಂ || 17 ||
ಶಾಂತಿಸ್ತ್ವಂ ಚ ಸ್ವಯಂ ಭ್ರಾಂತಿಃ ಕಾಂತಿಸ್ತ್ವಂ ಕೀರ್ತಿರೇವ ಚ |
ಲಜ್ಜಾ ತ್ವಂ ಚ ತಥಾ ಮಾಯಾ ಭುಕ್ತಿಮುಕ್ತಿಸ್ವರೂಪಿಣೀ || 18 ||
ಸರ್ವಶಕ್ತಿಸ್ವರೂಪಾ ತ್ವಂ ಸರ್ವಸಂಪತ್ಪ್ರದಾಯಿನೀ |
ವೇದೇಽನಿರ್ವಚನೀಯಾ ತ್ವಂ ತ್ವಾಂ ನ ಜಾನಾತಿ ಕಶ್ಚನ || 19 ||
ಸಹಸ್ರವಕ್ತ್ರಸ್ತ್ವಾಂ ಸ್ತೋತುಂ ನ ಶಕ್ತಃ ಸುರೇಶ್ವರಿ |
ವೇದಾ ನ ಶಕ್ತಾಃ ಕೋ ವಿದ್ವಾನ್ ನ ಚ ಶಕ್ತಾ ಸರಸ್ವತೀ || 20 ||
ಸ್ವಯಂ ವಿಧಾತಾ ಶಕ್ತೋ ನ ನ ಚ ವಿಷ್ಣುಃ ಸನಾತನಃ |
ಕಿಂ ಸ್ತೌಮಿ ಪಂಚವಕ್ತ್ರೈಸ್ತು ರಣತ್ರಸ್ತೋ ಮಹೇಶ್ವರಿ |
ಕೃಪಾಂ ಕುರು ಮಹಾಮಾಯೇ ಮಮ ಶತ್ರುಕ್ಷಯಂ ಕುರು || 21 ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಂಡೇ ನಾರದ ನಾರಾಯಣ ಸಂವಾದೇ ಅಷ್ಟಾಶೀತಿತಮೋಽಧ್ಯಾಯೇ ಮಹಾದೇವ ಕೃತ ಶ್ರೀ ದುರ್ಗಾ ಸ್ತೋತ್ರಂ ಸಂಪೂರ್ಣಂ | ಶ್ರೀ ಕೃಷ್ಣಾರ್ಪಣಮಸ್ತು 
ಮಹಾದುರ್ಗಾ ಮತ್ತು ಶತ್ರು ವಿಮೋಚನೆ: ಈ ಸ್ತೋತ್ರದ ಪಠಣವು ದುರ್ಗಾದೇವಿಯ ರಕ್ಷಣೆಯನ್ನು ತರುತ್ತದೆ, ಇದರಿಂದ ಎಲ್ಲಾ ರೀತಿಯ ಕಷ್ಟಗಳು, ಅಡೆತಡೆಗಳು ಮತ್ತು ಶತ್ರುಗಳಿಂದ ಮುಕ್ತಿ ದೊರೆಯುತ್ತದೆ.
ಸಂಪೂರ್ಣ ದೈವಿಕ ರಕ್ಷಣೆ ಮತ್ತು ಶಾಂತಿ: ದುರ್ಗಾಮಾತೆಯು ತನ್ನ ಭಕ್ತರನ್ನು ಎಲ್ಲಾ ಅಪಾಯಗಳಿಂದ ರಕ್ಷಿಸುತ್ತಾಳೆ, ಜೀವನದಲ್ಲಿ ಶಾಂತಿ ಮತ್ತು ನೆಮ್ಮದಿಯನ್ನು ನೀಡುತ್ತಾಳೆ.
ಶಕ್ತಿ, ಧೈರ್ಯ, ಜ್ಞಾನ ಮತ್ತು ಐಶ್ವರ್ಯ ಪ್ರಾಪ್ತಿ: ಸ್ತೋತ್ರ ಪಠಣದಿಂದ ಆಂತರಿಕ ಶಕ್ತಿ, ಧೈರ್ಯ, ಉತ್ತಮ ಜ್ಞಾನ ಮತ್ತು ಸಮೃದ್ಧಿ ಹೆಚ್ಚಾಗುತ್ತದೆ.
ಗೃಹ, ವೃತ್ತಿ ಮತ್ತು ಕುಟುಂಬದಲ್ಲಿ ಅನುಕೂಲತೆ: ದುರ್ಗಾದೇವಿಯ ಕೃಪೆಯಿಂದ ಮನೆ, ವ್ಯಾಪಾರ, ವೃತ್ತಿ ಮತ್ತು ಕುಟುಂಬ ಜೀವನದಲ್ಲಿ ಸುಖ-ಸಮೃದ್ಧಿ ಮತ್ತು ಅನುಕೂಲಕರ ವಾತಾವರಣ ಸೃಷ್ಟಿಯಾಗುತ್ತದೆ.

ಭುಕ್ತಿ ಮತ್ತು ಮುಕ್ತಿ: ಈ ಸ್ತೋತ್ರವು ಲೌಕಿಕ ಆಸೆಗಳನ್ನು ಪೂರೈಸುವುದರ ಜೊತೆಗೆ, ಆಧ್ಯಾತ್ಮಿಕ ಮುಕ್ತಿಯ ಮಾರ್ಗವನ್ನು ಸುಗಮಗೊಳಿಸುತ್ತದೆ ಮತ್ತು ಅಂತರಂಗ ಶುದ್ಧಿಯನ್ನು ನೀಡುತ್ತದೆ.