*GOVINDA HARIVAANA SEVAA ಶ್ರೀಮದ್ ಗೋವಿಂದರಾಜ ಹರಿವಾಣ ಸೇವಾ

ಶ್ರೀಮದ್ ಗೋವಿಂದರಾಜ ಹರಿವಾಣ ಸೇವಾ  
ಜಯ ಮಂಗಳಂ ನಿತ್ಯ ಶುಭ ಮಂಗಳಂ  || ಧೃ ||
  
ಯೋಗೀಂದ್ರ ಗೋವಿಂದ ತರುರಾಜ ಪೂಜಿಪ

ಭೀಮಾರಥಿ ತೀರ ಸನ್ನಿಧಿಗೆ
ಬ್ರಹ್ಮಾದಿ ದೇವರು ಶರ್ವಾದಿ  ಅರ್ಚಿತಗೆ
ಛಿದ್ರದ  ಹರಿವಾಣ ಶಿಂಚನಗೆ    
ಜಯಮಂಗಳಂ ನಿತ್ಯ ಶುಭಮಂಗಳಂ| ೧|
ಅರಿಶಿನ ಕುಂಕುಮ ಲಕ್ಷ್ಮೀ ಚಂದ್ರಿಕರಿಂಗೆ 
ಪಂಚಾಮೃತದಿಂದ ಸೇವಿಪಂಗೆ 
ದೊಡ್ಡ ತಟ್ಟೆಯ ದೀಪ ವಂದೀಪ ಸ್ವಾಮಿಗೆ 
ವೃಕ್ಷದಿ ದೇವತ್ವ ಶೋಭಿಪಂಗೆ  ಜಯ ಮಂಗಳಂ ನಿತ್ಯ ಶುಭ ಮಂಗಳಂ  ||೨ ||
ಪ್ರಳಯದೊಳಂತಿಮ ಚರಿತ ತೋರ್ಪನಿಗೆ
ಹರಿವಾಣದಲಿ ಇಟ್ಟು ಪೂಜಿಪಂಗೇ    
ಕಮಲಾಸನದಲಿ ತೋಷದಿ ನಿಂತವಗೆ 
ಶಿರದಲಿ ಪನ್ನಗ ಛತ್ರ ಧರಗೆ  ಜಯ ಮಂಗಳಂ ನಿತ್ಯ ಶುಭ ಮಂಗಳಂ  || ೩ ||

ಗೆಜ್ಜೆ ವಸ್ತ್ರಾದಿಗಳ ಇಟ್ಟು ತಟ್ಟೆಯ ಒಳಗೆ 
ಶರ ಚಾಪ ಆಯುಧ ಪಿಡಿದವಗೆ 
ಉತ್ತುಂಗ ಶಿಲೆಯಲ್ಲಿ ಶೋಭಿಪ ದೇವಂಗೆ 
ಹರಿವಾಣ ನೈವೇದ್ಯ ಪಾಡಿಪಂಗೆ  ಜಯ ಮಂಗಳಂ ನಿತ್ಯ ಶುಭ ಮಂಗಳಂ  || ೪ ||
ಅಶ್ವತ್ಥ ನಿಂಬಕ ತರುರಾಜ ಪಿತನಿಂಗೆ     
ರಕ್ಷಾಟ ಭೂತನ ಕಾಯ್ವವವಗೆ 
ಭಕ್ತ ಜನ ವೃಂದದ ಕರುಣಾನಿಧಿಯಾಗೆ    
ಇಂದಿರೇಶನ ಸುತನ ಸಲಹೂವವಗೆ  ಜಯ ಮಂಗಳಂ ನಿತ್ಯ ಶುಭ ಮಂಗಳಂ || ೫ ||
ಜಯ ಮಂಗಳಂ ನಿತ್ಯ ಶುಭ ಮಂಗಳಂ  

|| ಶ್ರೀಮದ್ ಗೋವಿಂದರಾಜ ಹರಿವಾಣ ಸೇವಾ ಸಂಪೂರ್ಣಂ ||