 |
| ॥अथ श्री रुद्रकवचम् ॥ |
ॐ अस्य श्री रुद्रकवच स्तोत्र महामन्त्रस्य
दुर्वासा ऋषिः । अनुष्टुप छन्दः । त्रयंम्बक रुद्रो देवता । ह्रां बीजम् । श्रीं शक्तिः । ह्रीं कीलकम् । मम मानसाभीष्ट सिद्ध्यर्थ जपे विनियोगः ॥
॥ ध्यानम् ॥
शान्तं पद्मासनस्थं शशिधरमकुटं पञ्चवक्त्रं त्रिनेत्रं | शूलं वज्रञ्च खड्गं परशुमभयदंडं दक्षिणांगै र्वहंतं ||
नागं पाशं च घण्टां प्रलय हुतवहं सांकुशं वामभागे | नानालंकारदीप्तं स्फटिक मणिनिभं पार्वतीशं नमामि ॥
॥ दुर्वासा उवाच ॥
प्रणम्य शिरसा देवं स्वयम्भुं परमेश्वरम् ।
एवं सर्वगतं देवं सर्वदेव मयं विभुम् ॥ १॥
रुद्रवर्मं प्रवक्ष्यामि अंग प्राणस्य रक्षये ।
अहो रात्र मयं देवं रक्षार्थं निर्मितां पुरा ॥ २॥
रुद्रो मे चा ग्रतः पातु पातु: पार्श्वौ हरस्तथा ।
शिरो मे ईश्वरः पातु ललाटं नीललोहितः ॥ ३॥
नेत्रयोर् त्रयंबक: पातु मुखं पातु महेश्वरः ।
कर्णयो पातुमे शम्भुर् नासिकायां सदाशिवः ॥ ४॥
वागीशः पातुमे जिह्वाम् ओष्टौ पात अम्बिकापतिः । श्रीकण्ठः पातुमे ग्रीवां बाहूचैव पिनाकधृत् ॥ ५॥
हृदयं मे महादेव ईश्वरोऽव्यात् सनांतरम् ।
नाभिं कटिं च वक्षश्च पातु शर्व उमापतिः ॥ ६॥
बाहुमध्यान्तरं चैव सूक्ष्म रूपस्सदाशिवः ।
सर्वं रक्षतु मे शर्वो गात्राणि च यथा क्रमम् ॥ ७॥
वज्रं च शक्तिदं चैव पाशां कुशधरं तथा ।
गंड शूल धरा न्नित्यं रक्षतु त्रि दशेश्वरः ॥ ८॥
प्रस्थानेषु पदे चैव वृक्षमूले नदीतटे ।
संध्यायां क्षेत्रराजस्थ गोविन्दस्तु पातु माम् ॥ ९॥
शीतोष्णा दथ कालेषु तु हिनद्रुम कण्टके ।
निर्मनुष्ये समेमार्गे पाहि मां नंदि ध्वज: ॥ १०॥
इत्येतद् रुद्रकवचं पवित्रं पापनाशनम् ।
महादेव प्रसादेन दुर्वासो मुनि कल्पितम् ॥ ११।|
ममाख्यातं समासेन न भयं तेन विद्यते ।
प्राप्नोति परमारोग्यं पुण्यमायुष्य वर्धनम् ॥ १२॥
विद्यार्थी लभते विद्यां धनार्थी लभते धनम् ।
कन्यार्थी लभते कन्यां न भयं विन्दते क्वचित् ॥ १३॥
अपुत्रो लभते पुत्रं मोक्षार्थी मोक्षमाप्नुयात् ।
त्राहि त्राहि महादेव त्राहि त्राहि त्रयी मय ॥ १४॥
त्राहि मां पार्वतीनाथ त्राहि मां त्रिपुरान्तक ।
पाशं खट्वांग दिव्यास्त्रं त्रिशूलं रुद्रमेव च ॥ १५॥
नमस्करोमि देवेश त्राहि मां जगदीश्वर ।
शत्रुर् मध्ये सभामध्ये ग्राममध्ये गृहान्तरे ॥ १६॥
गमनाऽगमने चैव त्राहि मां भक्तवत्सल ।
चित्वं मानसंचैव बुद्धिस्त्वं तु परायणम् ॥ १७॥
कर्मणा मनसा चैव त्वं बुद्धिश्चथा सदा ।
सर्वरोगाभयं छिन्धि सर्वपापभय छिन्धिते ॥ १८॥
सर्वग्रहभयं छिन्धि सर्वभूतभय छिन्धित:।
सर्वशत्रून् निवक्त्यापि सर्वव्याधि निवारणम् ।रुद्रलोकं सगच्छंति रुद्रलोकं स गच्छत्योSन्नम इति ॥
॥ इति श्री स्कन्दपुराणे दुर्वास प्रोक्तं श्री रुद्र कवचं सम्पूर्णम् ॥
No comments:
Post a Comment