*NARASHIMHA STUTI ಶ್ರೀ ನರ‌ಸಿಂಹ ಸ್ತುತಿ:

ಓಂ  ಶ್ರೀ ಗುರುಭ್ಯೋ ನಮಃ 

ಹರಿಃ ಓಂ 

        || ಗಂ ಗಣಪತಯೇ ನಮಃ ||

Please listen video of this post on YouTube channel CLICK HERE

|| ಶ್ರೀ ಶನೈಶ್ಚರ ಕೃತ ಶ್ರೀ ನೃಸಿಂಹ ಸ್ತುತಿಃ ||

ಸುಲಭೋ ಭಕ್ತಿ ಯುಕ್ತಾನಾಂ ದುರ್ದರ್ಶೋ ದುಷ್ಟ ಚೇತಸಾಂ ಅನನ್ಯ ಗತಿಕಾನಾಮ್ ಚ ಪ್ರಭುಃ ಭಕ್ತೈಕ ವತ್ಸಲಃ ಪ್ರಣಮ್ಯ ಸಾಷ್ಟಂಗಮ್ ಶೇಷ ಲೋಕ ಕಿರೀಟ ನೀರಾಜಿತ ಪಾದಪದ್ಮಂ

|| ಶ್ರೀ ಶನಿರುವಾಚ ||

ಯತ್ಪಾದ ಪಂಕಜ ರಜಃ ಪರಮಾದರೇಣ

ಸಂಸೇವಿತಂ ಸಕಲ ಕಲ್ಮಷರಾಶಿನಾಶಮ್

ಕಲ್ಯಾಣ ಕಾರಕಮ್ ಶೇಷ ನಿಜಾನುಗಾನಂ

ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಂ ||೧||

ಸರ್ವತ್ರ ಚಂಚಲತಯಾ ಸ್ಥಿತಯಾಹಿ ಲಕ್ಷ್ಮ್ಯಾ

ಬ್ರಹ್ಮಾದಿ ವಂದ್ಯ ಪದಯಾ ಸ್ಥಿರಯಾನ್ಯ ಸೇವಿ

ಪಾದಾರವಿಂದ ಯುಗಳಂ ಪರಮಾದರೇಣ

ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಂ ||೨||

ಯದ್ರೂಪಮಾಗಮ ಶಿರಃ ಪ್ರತಿಪಾದ್ಯ ಮಾದ್ಯ

ಆಧ್ಯಾತ್ಮಿಕಾದಿ ಪರಿತಾಪಹರಂ ವಿಚಿಂತ್ಯಂ

ಯೋಗೀಶ್ವರೈರ್ ಅಪಗತಾಖಿಲ ದೋಷ ಸಂಘೈಃ ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಂ ||೩||

ಪ್ರಹ್ಲಾದ ಭಕ್ತವಚಸಾ ಹರಿರಾವಿರಾಸ

ಸ್ತಂಭೇ ಹಿರಣ್ಯಕಶಿಪುಂ ಯ ಉದಾರಭಾವಃ

ಊರ್ವೋರ್ನಿದಾಯ ತದುರೋ ನಖರೈರ್ದದಾರ ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಂ ||೪||

ಯೋ ನೈಜ ಭಕ್ತಮ್ ಅನಲಾಂಬುಧಿ ಭೂಧರೋಗ್ರ ಶೃಂಗಪ್ರಪಾತ ವಿಷದಂತಿ ಸರೀಸೃಪೇಭ್ಯಃ ಸರ್ವಾತ್ಮಕಃ ಪರಮ ಕಾರುನಿಕೋ ರರಕ್ಷ ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಂ ||೫||

ಯನ್ನಿರ್ವಿಕಾರ ಪರರೂಪ ವಿಚಿಂತನೇನ

ಯೋಗೀಶ್ವರಾ ವಿಷಯವೀತ ಸಮಸ್ತರಾಗಾಃ

ವಿಶ್ರಾಂತಿ ಮಾಪುರವಿನಾಶವತೀಂ ಪರಾಖ್ಯಾಂ ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಂ ||೬||

ಯದ್ರೂಪ ಮುಗ್ರ ಪರಿಮರ್ದನ ಭಾವಶಾಲಿ

ಸಂಚಿಂತನೇನ ಸಕಲಾಘ ವಿನಾಶಕಾರಿ

ಭೂತ ಜ್ವರ ಗ್ರಹ ಸಮುದ್ಭವ ಭೀತಿನಾಶಂ

ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಂ ||೭||

ಯಸ್ಯೋತ್ತಮಂ ಯಶ ಉಮಾಪತಿ ಪದ್ಮಜನ್ಮ ಶಕ್ರಾದಿ ದೈವತ ಸಭಾಸು ಸಮಸ್ತಗೀತಂ ಶಕ್ತೈವ ಸರ್ವ ಶಮಲ ಪ್ರಶಮೈಕ ದಕ್ಷಂ ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಂ ||೮||

ಇತ್ಥಂ ಶ್ರುತ್ವಾ ಸ್ತುತಿಂ ದೇವಃ ಶನಿನಾ ಕಲ್ಪಿತಾಂ ಹರಿಃ ಉವಾಚ ಬ್ರಹ್ಮ ವೃಂದಸ್ಥಂ ಶನಿಂ ಚ ಭಕ್ತವತ್ಸಲಃ ||೯||

| ಶ್ರೀ ನೃಸಿಂಹ ಉವಾಚ ||

ಪ್ರಸನ್ನೋಹಂ ಶನೇತುಭ್ಯಂ ವರಂ ವರಯ ಶೋಭನಂ ಯಂ ವಾಂಚಸಿ ತಮೇವತ್ವಂ ಸರ್ವಲೋಕ ಹಿತಾವಹಂ

|| ಶ್ರೀ ಶನಿರುವಾಚ ||

ನೃಸಿಂಹ ತ್ವಂ ಮಯಿ ಕೃಪಾಂ ಕುರು ದೇವ ದಯಾನಿಧೇ ಮದ್ವಾಸರ ಸ್ತವ ಪ್ರೀತಿಕರಃ ಸ್ಯಾತ್ ದೇವತಾಪತೇ ಮತ್ಕೃತಂ ತ್ವತ್ಪರಂ ಸ್ತೋತ್ರಂ ಶೃಣ್ವಂತಿ ಚ ಪಠಂತಿ ಚ ಸರ್ವಾನ್ ಕಾಮಾನ್ ಪೂರಯೇಥಾಃ ಸ್ತೇಷಾಂ ತ್ವಂ ಲೋಕಭಾವನ

|| ಶ್ರೀ ನೃಸಿಂಹ ಉವಾಚ ||

ತಥೈವಾಸ್ತು ಶನೇಹಂ ವೈರಕ್ಷೋಭುವನ ಸಂಸ್ಥಿತಃ ಭಕ್ತಾ ಕಾಮಾನ್ ಪುರಯಿಷ್ಯೇ ತ್ವಂ ಮಮೈಕಂ ವಚಃ ಶೃಣು ತ್ವತ್ಕೃತಂ ಮತ್ಪರಂ ಸ್ತೋತ್ರಂ ಯಃ ಪಠೇತ್ ಶೃಣುಯಾಚ್ಚ ಯಃ | ದ್ವಾದಶಾಷ್ಠಮ ಜನ್ಮಸ್ಥಾತ್ ತ್ವದ್ಬಯಂ ಮಾಸ್ತುತಸ್ಯ ವೈ | ಶನಿರ್ನರಹರಿಂ ದೇವಂ ತಥೇತಿ ಪ್ರತ್ಯುವಾಚ: ತತಃ ಪರಮ ಸಂತೋಷ್ಟೋ ಜಯೇತಿ ಮುನಯೋ ವದನ್

|| ಶ್ರೀ ಕೃಷ್ಣ ಉವಾಚ ||

ಇತ್ಥಂ ಶನೈಶ್ಚರಸ್ಯಾಥ ನೃಸಿಂಹ ದೇವ

ಸಂವಾದಮೇತತ್ ಸ್ತವನಂ ಚ ಮಾನವಃ

ಶೃಣೋತಿ ಯಃ ಶ್ರಾವಯತೇ ಚ ಭಕ್ತ್ಯಾ

ಸರ್ವಾಣ್ಯಾಭಿಷ್ಟಾನಿ ಚ ವಿಂದತೇ ಧ್ರುವಂ ||

ಇತಿ ಶ್ರೀ ಭವಿಷ್ಯೋತ್ತರ ಪುರಾಣೇ ರಕ್ಷೋಭುವನೃ ಮಹಾತ್ಮ್ಯೇ ಶ್ರೀ ಶನೈಶ್ಚರಕೃತ ಶ್ರೀ ನೃಸಿಂಹ ಸ್ತುತಿಃ ಸಂಪುರ್ಣಂ. ಶ್ರೀ ಶನೈಶ್ವರಾಂತರ್ಗತ | ಶ್ರೀ ಮುಖ್ಯ ಢಪ್ರಾಣಾಂತರ್ಗತ ಶ್ರೀಲಕ್ಷ್ಮೀ ನರಸಿಂಹ ಪ್ರಿಯತಾಂ

|| ಶ್ರೀ ಕೃಷ್ಣಾರ್ಪಣಮಸ್ತು ||