ಔದುಂಬರ ಪಾದುಕಾ ಸ್ತೋತ್ರಂ
ಇತಿ ಶ್ರೀವಾಸುದೇವಾನಂದಸರಸ್ವತೀವಿರಚಿತಂ ಔದುಂಬರಪಾದುಕಾಸ್ತೋತ್ರಂ ಸಂಪೂರ್ಣಂ .
ವಂದೇ ವಾಙ್ಮನಸಾತೀತಂ ನಿರ್ಗುಣಂ ಸಗುಣಂ ಗುರುಂ . ದತ್ತಮಾತ್ರೇಯಮಾನಂದಕಂದಂ ಭಕ್ತೇಷ್ಟಪೂರಕಂ .. ೧..
ನಮಾಮಿ ಸತತಂ ದತ್ತಮೌದುಂಬರನಿವಾಸಿನಂ .
ಯತೀಂದ್ರರೂಪಂ ಚ ಸದಾ ನಿಜಾನಂದಪ್ರಬೋಧನಂ .. ೨..
ಕೃಷ್ಣಾ ಯದಗ್ರೇ ಭುವನೇಶಾನೀ ವಿದ್ಯಾನಿಧಿಸ್ತಥಾ .
ಔದುಂಬರಾಃ ಕಲ್ಪವೃಕ್ಷಾಃ ಸರ್ವತಃ ಸುಖದಾಃ ಸದಾ .. ೩..
ಭಕ್ತವೃಂದಾಂದರ್ಶನತಃ ಪುರುಷಾರ್ಥಚತುಷ್ಟಯಂ .
ದದಾತಿ ಭಗವಾನ್ ಭೂಮಾ ಸಚ್ಚಿದಾನಂದವಿಗ್ರಹಃ .. ೪..
ಜಾಗರ್ತಿ ಗುಪ್ತರೂಪೇಣ ಗೋಪ್ತಾ ಧ್ಯಾನಸಮಾಧಿತಃ .
ಬ್ರಹ್ಮವೃಂದಂ ಬ್ರಹ್ಮಸುಖಂ ದದಾತಿ ಸಮದೃಷ್ಟಿತಃ .. ೫..
ಕೃಷ್ಣಾ ತೃಷ್ಣಾಹರಾ ಯತ್ರ ಸುಖದಾ ಭುವನೇಶ್ವರೀ .
ಯತ್ರ ಮೋಕ್ಷದರಾಡ್ದತ್ತಪಾದುಕಾ ತಾಂ ನಮಾಮ್ಯಹಂ .. ೬..
ಪಾದುಕಾರೂಪಿಯತಿರಾಣ್ನರಸಿಂಹಸರಸ್ವತೀ .
ರಾಜತೇ ರಾಜ ರಾಜಶ್ರೀ ದತ್ತ ಶ್ರೀಪಾದವಲ್ಲಭಃ .. ೭..
ನಮಾಮಿ ಗುರುಮೂರ್ತೇ ತಂ ತಾಪತ್ರಯಹರಂ ಹರಿಂ . ಆನಂದಮಯಮಾತ್ಮಾನಂ ನವಭಕ್ತ್ಯಾ ಸುಖಪ್ರದಂ .. ೮..
ಕರವೀರಸ್ಥವಿದುಷಮೂಢಪುತ್ರಂ ವಿನಿಂದಿತಂ .
ಛಿನ್ನಜಿಹ್ವಂ ಬುಧಂ ಚಕ್ರೇ ತದ್ವನ್ಮಯಿ ಕೃಪಾಂ ಕುರು .. ೯..
No comments:
Post a Comment