THRIVENI STOTRAM ತ್ರಿವೇಣೀಸ್ತೋತ್ರಮ್

ಈ ಸ್ತೋತ್ರವನ್ನು ಪಠಿಸುತ್ತಲಿದ್ದರೇ ತ್ರಿವೇಣಿ ಸಂಗಮದಲ್ಲಿ ಸ್ನಾನ ಮಾಡಿದಷ್ಟೇ ಪುಣ್ಯ ಲಭಿಸುತ್ತದೆ 
            ಅಥ ಶ್ರೀಮಚ್ಛಂಕರಾಚಾರ್ಯವಿರಚಿತ

ತ್ರಿವೇಣೀಸ್ತೋತ್ರಮ್ 
ಮುಕ್ತಾಮಯಾಲಂಕೃತಮುದ್ರವೇಣೀ ಭಕ್ತಾಭಯತ್ರಾಣಸುಬದ್ಧವೇಣೀ ।
ಮತ್ತಾಲಿಗುಂಜನ್ಮಕರನ್ದವೇಣೀ 
 ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 1॥

ಲೋಕತ್ರಯೈಶ್ವರ್ಯನಿದಾನವೇಣೀ ತಾಪತ್ರಯೋಚ್ಚಾಟನಬದ್ಧವೇಣೀ ।
ಧರ್ಮಾ-ಽರ್ಥಕಾಮಾಕಲನೈಕವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 2॥

ಮುಕ್ತಾಂಗನಾಮೋಹನ-ಸಿದ್ಧವೇಣೀ 
ಭಕ್ತಾನ್ತರಾನನ್ದ-ಸುಬೋಧವೇಣೀ ।
ವೃತ್ತ್ಯನ್ತರೋದ್ವೇಗವಿವೇಕವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 3॥

ದುಗ್ಧೋದಧಿಸ್ಫೂರ್ಜಸುಭದ್ರವೇಣೀ ನೀಲಾಭ್ರಶೋಭಾಲಲಿತಾ ಚ ವೇಣೀ ।
ಸ್ವರ್ಣಪ್ರಭಾಭಾಸುರಮಧ್ಯವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 4॥

ವಿಶ್ವೇಶ್ವರೋತ್ತುಂಗಕಪರ್ದಿವೇಣೀ ವಿರಿಂಚಿವಿಷ್ಣುಪ್ರಣತೈಕವೇಣೀ ।
ತ್ರಯೀಪುರಾಣಾ ಸುರಸಾರ್ಧವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 5॥

ಮಾಂಗಲ್ಯಸಮ್ಪತ್ತಿಸಮೃದ್ಧವೇಣೀ ಮಾತ್ರಾನ್ತರನ್ಯಸ್ತನಿದಾನವೇಣೀ ।
ಪರಮ್ಪರಾಪಾತಕಹಾರಿವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 6॥

ನಿಮಜ್ಜದುನ್ಮಜ್ಜಮನುಷ್ಯವೇಣೀ ತ್ರಯೋದಯೋಭಾಗ್ಯವಿವೇಕವೇಣೀ ।
ವಿಮುಕ್ತಜನ್ಮಾವಿಭವೈಕವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 7॥

ಸೌನ್ದರ್ಯವೇಣೀ ಸುರಸಾರ್ಧವೇಣೀ 
ಮಾಧುರ್ಯವೇಣೀ ಮಹನೀಯವೇಣೀ ।
ರತ್ನೈಕವೇಣೀ ರಮಣೀಯವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 8॥

ಸಾರಸ್ವತಾಕಾರ-ವಿಘಾತವೇಣೀ ಕಾಲಿನ್ದಕನ್ಯಾಮಯಲಕ್ಷ್ಯವೇಣೀ ।
ಭಾಗೀರಥೀರೂಪ-ಮಹೇಶವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 9॥

ಶ್ರೀಮದ್ಭವಾನೀಭವನೈಕವೇಣೀ ಲಕ್ಷ್ಮೀಸರಸ್ವತ್ಯಭಿಮಾನವೇಣೀ ।
ಮಾತಾ ತ್ರಿವೇಣೀ ತ್ರಯೀರತ್ನವೇಣೀ 
ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 10॥

ತ್ರಿವೇಣೀದಶಕಂ ಸ್ತೋತ್ರಂ 
 ಪ್ರಾತರ್ನಿತ್ಯಂ ಪಠೇನ್ನರಃ ।
ತಸ್ಯ ವೇಣೀ ಪ್ರಸನ್ನಾ ಸ್ಯಾದ್ 
 ವಿಷ್ಣುಲೋಕಂ ಸ ಗಚ್ಛತಿ ॥ 11॥

ಇತಿ ಶ್ರೀಮಚ್ಛಂಕರಾಚಾರ್ಯ ವಿರಚಿತಂ ತ್ರಿವೇಣೀ ಸ್ತೋತ್ರಂ ಸಮ್ಪೂರ್ಣಮ್