*Ghatikachala Stotram ಶ್ರೀ ಘಟಿಕಾಚಲ ಹನುಮಂತ ಸ್ತೋತ್ರಂ

        ಅಥ ಶ್ರೀ ಘಟಿಕಾಚಲ ಹನುಮಂತ ಸ್ತೋತ್ರಂ 

ಶ್ರೀ ಗುರುಭ್ಯೋ ನಮಃ. ಹರಿ: ಓಂ 

ಶಂಖಚಕ್ರಧರಂ ದೇವಂ
ಘಟಿಕಾಚಲವಾಸಿನಮ್ ।
ಯೋಗಾರೂಢಂ ಆಂಜನೇಯಂ
ವಾಯುಪುತ್ರಂ ನಮಾಮ್ಯಹಮ್ ॥ 1॥

ಭಕ್ತಾಭೀಷ್ಟಪ್ರದಾತಾರಂ
ಚತುರ್ಬಾಹುವಿರಾಜಿತಮ್ ।
ದಿವಾಕರದ್ಯುತಿನಿಭಂ ವಂದೇಹಂ
ಪವನಾತ್ಮಜಮ್ ॥ 2॥

ಕೌಪೀನಮೇಖಲಾಸೂತ್ರಂ 
ಸ್ವರ್ಣಕುಂಡಲಮಂಡಿತಮ್ ।
ಲಂಘಿತಾಬ್ಧಿಂ ರಾಮದೂತಂ
ನಮಾಮಿ ಸತತಂ ಹರಿಮ್ ॥ 3॥

ದೈತ್ಯಾನಾಂ ನಾಶನಾರ್ಥಾಯ
ಮಹಾಕಾಯಧರಂ ವಿಭುಮ್ ।
ಗದಾಧರಕರೋ ಯಸ್ತಂ
ವಂದೇಹಂ ಮರುತಾತ್ಮಜಮ್ ॥ 4॥

ನೃಸಿಂಹಾಭಿಮುಖೋ ಭೂತ್ವಾ
ಪರ್ವತಾಗ್ರೇ ಚ ಸಂಸ್ಥಿತಮ್ ।
ವಾಂಛನ್ತಂ ಬ್ರಹ್ಮಪದವೀಂ ಚ
ನಮಾಮಿ ಕಪಿನಾಯಕಮ್ ॥ 5॥

ಬಾಲಾದಿತ್ಯವಪುಷ್ಕಂ ಚ
ಸಾಗರೋತ್ತಾರಕಾರಕಮ್ ।
ಸಮೀರಂ ವೇಗ ದೇವೇಶಂ
ವಂದೇಹಂ ಅಮಿತವಿಕ್ರಮಮ್ ॥ 6॥

ಪದ್ಮರಾಗಾರುಣಮಣಿಂ ಚ

ಶೋಭಿತಂಕಾಮರೂಪಿಣಮ್ ।
ಪಾರಿಜಾತತರುಸ್ಥಂ ಚ
ವಂದೇಹಂ ವನಚಾರಿಣಮ್ ॥ 7॥

ರಾಮದೂತ ನಮಸ್ತುಭ್ಯಂ
ಪಾದಪದ್ಮಾರ್ಚನಂ ಸದಾ ।
ದೇಹಿ ಮೇ ವಾಂಛಿತಫಲಂ 
ಪುತ್ರಪೌತ್ರಪ್ರವರ್ಧನಮ್ ॥ 8॥

ಇದಂ ಸ್ತೋತ್ರಂ ಪಠೇನ್ನಿತ್ಯಂ
ಪ್ರಾತಃಕಾಲೇ ದ್ವಿಜೋತ್ತಮಃ ।
ತಸ್ಯಾಭೀಷ್ಟಂ ದದಾತ್ಯಾಶು

ರಾಮಭಕ್ತೋ ಮಹಾಬಲಃ ॥ 9॥

ಇತಿ ಶ್ರೀ ಘಟಿಕಾಚಲ ಹನುಮಂತ ಸ್ತೋತ್ರಂ ಸಂಪೂರ್ಣಂ