ಶ್ರೀ ವಿದ್ಯಾಧರ ವಿರಚಿತಮ್
ಶ್ರೀ ಜಗದಂಬ ಸ್ತುತಿಃ
ಶ್ರೀ ಗುರುಭ್ಯೋ ನಮಃ. ಹರಿ: ಓಂ
ಓಂ ಶ್ರೀಜಗದಂಬಾಯೈ ನಮಃ।
ಓಂ ವಿಶ್ವೇಶ್ವರೀ ನಿಖಿಲದೇವ ಮಹರ್ಷಿಪೂಜ್ಯಾ
ಸಿಂಹಾಸನಾ ತ್ರಿನಯನಾ ಭುಜಗೋಪವೀತಾ ।
ಶಂಖಾಮ್ಬುಜಾಸ್ಯಽಮೃತಕುಮ್ಭಕ ಪಂಚಶಾಖಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 1॥
ಜನ್ಮಾಟವೀ ಪ್ರದಹನೇ ದವ-ವಹ್ನಿ-ಭೂತಾ
ತ್ಪಾದ ಪಂಕಜರಜೋಗತ ಚೇತಸಾಂ ಯಾ ।
ಶ್ರೇಯೋವತಾಂ ಸುಕೃತಿನಾಂ ಭವಪಾಶಭೇತ್ರೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 2॥
ದೇವ್ಯಾ ಯಯಾ ದನುಜರಾಕ್ಷಸದುಷ್ಟ-ಚೇತೋ
ನ್ಯಗ್ಭಾವಿತಂ ಚರಣನೂಪುರಶಿಂಜಿತೇನ ।
ಇನ್ದ್ರಾದಿದೇವ ಹೃದಯಂ ಪ್ರವಿಕಾಸಯನ್ತೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 3॥
ದುಃಖಾರ್ಣವೇ ಹಿ ಪತಿತಂ ಶರಣಾಗತಂ ಯಾ
ಚೋದ್ಧೃ ತ್ಯ ಸಾ ನಯತಿ ಧಾಮ ಪರಂ ದಯಾಬ್ಧಿಃ ।
ವಿಷ್ಣುಗಜೇನ್ದ್ರಮಿವ ಭೀತಭಯಾಪಹರ್ತ್ರೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 4॥
ಯಸ್ಯಾ ವಿಚಿತ್ರಮಖಿಲಂ ಹಿ ಜಗತ್ಪ್ರಪಂಚಂ
ಕುಕ್ಷೋ ವಿಲೀನಮಪಿ ಸೃಷ್ಟಿವಿಸೃಷ್ಟಿರೂಪಾತ್ ।
ಆವಿರ್ಭವತ್ಯವಿರತಂ ಚಿದಚಿತ್ಸ್ವಭಾವಂ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 5॥
ಯತ್ಪಾದ ಪಂಂಕಜರಜಃ ಕಣಜ ಪ್ರಸಾದಾತ್
ಯೋಗೀಶ್ವರೈರ್ವಿಗತ ಕಲ್ಮಷಮಾನಸೈಸ್ತತ್ ।
ಪ್ರಾಪ್ತ ಪದಂ ಜನಿವಿನಾಶಹರಂ ಪರಂ ಸಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 6॥
ಯತ್ಪಾದಪಂಕಜ ರಜಾಂಸಿ ಮನೋಮಲಾನಿ
ಸಮ್ಮಾರ್ಜಯನ್ತಿ ಶಿವವಿಷ್ಣು ವಿರಿಂಚಿದೇವೈಃ ।
ಮೃಗ್ಯಾನ್ಯಽಪಶ್ಚಿಮತನೋಃ ಪ್ರಣುತಾನಿ ಮಾತಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 7॥
ಯತ್ಪಾದ ಚಿನ್ತನ ದಿವಾಕರ ರಶ್ಮಿಮಾಲಾ
ಚಾನ್ತರ್ಬಹಿಶ್ಕರಣವರ್ಗ ಸರೋಜಷಂಡಮ್ ।
ಜ್ಞಾನೋದಯೇ ಸತಿ ವಿಕಾಸ್ಯ ತಮೋಪಹರ್ತ್ರೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 8॥
ಯದ ದರ್ಶನಾಮೃತನದೀ ಮಹದೋಘಯುಕ್ತಾ
ಸಮ್ಪ್ಲಾವಯತ್ಯಖಿಲ ಭೇದಗುಹಾಸ್ವಽನನ್ತಾ ।
ತೃಷ್ಣಾಹರಾ ಸುಕೃತಿನಾಂ ಭವತಾಪಹರ್ತ್ರೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 9॥
ಹಂಸಸ್ಥಿತಾ ಸಕಲಶಬ್ದಮಯೀ ಭವಾನೀ
ವಾಗ್ವಾದಿನೀ ಹೃದಯ ಪುಷ್ಕರ ಚಾರಿಣೀಯಾ ।
ಹಂಸೀವ ಹಂಸರಜನೀಶ್ವರ ವಹ್ನಿನೇತ್ರಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 10॥
ಯಾ ಸೋಮಸೂರ್ಯವಪುಷಾ ಸತತಂ ಸರನ್ತೀ
ಮೂಲಾಶ್ರಯಾತ್ತಡಿದಿವಾಽಽವಿಧರನ್ಧ್ರಮೀಢಯಾ ।
ಮಧ್ಯಸ್ಥಿತಾ ಸಕಲನಾಡಿಸಮೂಹ ಪೂರ್ಣಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 11॥
ಚೈತನ್ಯಪೂರಿತ ಸಮಸ್ತ ಜಗದ್-ವಿಚಿತ್ರಾ
ಮಾತೃಪ್ರಮೇಯ ಪರಿಮಾಣಾತಯಾ ಚಕಾಸ್ತಿ ।
ಯಾ ಪೂರ್ಣವೃತ್ಯಹಮಿತಿ ಸ್ವಪದಾಧಿರೂಢಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 12॥
ಯಾ ಚಿತ್ಕ್ರಮಾಕ್ರಮತಯಾ ಪ್ರವಿಭಾತಿನಿತ್ಯಾ
ಸ್ವಾತನ್ತ್ರ್ಯಶ ಕ್ತಿರಮಲಾ ಗತಭೇದಭಾವಾ ।
ಸ್ವಾತ್ಮಸ್ವರೂಪ ಸುವಿಮರ್ಶಪರೈಃ ಸುಗಮ್ಯಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 13॥
ಯಾ ಕೃತ್ಯಪಂಚಕ ನಿಭಾಲನ ಲಾಲಸೈಸ್ತೈಃ
ಸನ್ದೃಶ್ಯತೇ ನಿಖಿಲವೇದ್ಯಗತಾಪಿ ಶಶ್ವತ್ ।
ಸಾನ್ತರ್ಧೃತಾ ಪರಪ್ರಮಾತೃಪದಂ ವಿಶನ್ತೀ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 14॥
ಯಾನುತ್ತರಾತ್ಮನಿ ಪದೇ ಪರಮಾಽಮೃತಾಬ್ಧೌ
ಸ್ವಾತನ್ತ್ರ್ಯಶಕ್ತಿಲಹರೀವ ಬಹಿಃ ಸರನ್ತೀ ।
ಸಂಲೀಯತೇ ವರಸತಃ ಸ್ವಪದೇ ಸಭಾವಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 15॥
ಮೇರೋಃ ಸದೈವ ಹಿ ದರೀಷುವಿಚಿತ್ರವಾಗ್ಭಿಃ
ಗಾಯನ್ತಿ ಯಾಂ ಭಗವತೀ ಪರಿವಾದಿನೀಭಿಃ ।
ವಿದ್ಯಾಧರಾ ಹಿ ಪುಲಕಾಂಕಿತ ವಿಗ್ರಹಾಃ ಸಾ
ರಾಜ್ಞೀ ಸದಾ ಭಗವತೀ ಭವತು ಪ್ರಸನ್ನಾ ॥ 16॥
ರಾಜ್ಞೀಂ ಸದಾ ಭಗವತೀಂ ಮನಸಾ ಸ್ಮರಾಮಿ
ರಾಜ್ಞೀಂ ಸದಾ ಭಗವತೀಂ ವಚಸಾ ಗೃಣಾಮಿ ।
ರಾಜ್ಞೀಂ ಸದಾ ಭಗವತೀಂ ಶಿರಸಾ ನಮಾಮಿ
ರಾಜ್ಞೀಂ ಸದಾ ಭಗವತೀಂ ಶರಣಂ ಪ್ರದದ್ಯೇ ॥ 17॥
ರಾಜ್ಞ್ಯಾಃ ಸ್ತೋತ್ರಮಿದಂ ಪುಣ್ಯಂ ಯಃ ಪಠೇದ್ಭಕ್ತಿಮಾನ್ನರಃ
ನಿತ್ಯಂ ದೇವ್ಯಾಃ ಪ್ರಸಾದೇನ ಶಿವ ಸಾಯುಜ್ಯಮಾಪ್ನುಯಾತ್ ॥ 18॥
ಜಯ ದೇಹಾದ್ರಿಕುಂಜಾನ್ತರ್ನಿಕೂಜಂಜೀವ ಜೀವಕ ।
ಜಯ ಸನ್ಮಾನಸವ್ಯೋಮವಿಲಾಸಿವರ ಸಾರಸ ॥
ಶ್ರೀಜಗದಮ್ಬಾಸ್ತುತೀ-ರಾಜಾನಕ-ವಿದ್ಯಾಧರ-ವಿರಚಿತಾ
ಶುಭದಾ ಬೋ ಭೂಯಾತ್ ಇತಿ ಶಿವಮ್ ॥
ಇತಿ ಶ್ರೀ ವಿದ್ಯಾಧರ ವಿರಚಿತಮ್ ಶ್ರೀ ಜಗದಂಬ ಸ್ತುತಿಃ ಸಂಪೂರ್ಣಂ. ಶ್ರೀ ಕೃಷ್ಣಾರ್ಪಣಮಸ್ತು
श्री जगदम्बा स्तुतिः
ॐ नमः श्रीजगदम्बायै ।
ॐ विश्वेश्वरी निखिलदेव महर्षिपूज्या
सिंहासना त्रिनयना भुजगोपवीता ।
शङ्खाम्बुजास्यऽमृतकुम्भक पञ्चशाखा
राज्ञी सदा भगवती भवतु प्रसन्ना ॥ १॥
जन्माटवी प्रदहने दव-वह्नि-भूता
तत्पाद पङ्कजरजोगत चेतसां या ।
श्रेयोवतां सुकृतिनां भवपाशभेत्री
राज्ञी सदा भगवती भवतु प्रसन्ना ॥ २॥
देव्या यया दनुजराक्षसदुष्ट-चेतो
न्यग्भावितं चरणनूपुरशिञ्जितेन ।
इन्द्रादिदेव हृदयं प्रविकासयन्ती
राज्ञी सदा भगवती भवतु प्रसन्ना ॥ ३॥
दुःखार्णवे हि पतितं शरणागतं या
चोद्धृ त्य सा नयति धाम परं दयाब्धिः ।
विष्णुगजेन्द्रमिव भीतभयापहर्त्री
राज्ञी सदा भगवती भवतु प्रसन्ना ॥ ४॥
यस्या विचित्रमखिलं हि जगत्प्रपञ्चं
कुक्षो विलीनमपि सृष्टिविसृष्टिरूपात् ।
आविर्भवत्यविरतं चिदचित्स्वभावं
राज्ञी सदा भगवती भवतु प्रसन्ना ॥ ५॥
यत्पाद पंङ्कजरजः कणज प्रसादात्
योगीश्वरैर्विगत कल्मषमानसैस्तत् ।
प्राप्त पदं जनिविनाशहरं परं सा
राज्ञी सदा भगवती भवतु प्रसन्ना ॥ ६॥
यत्पादपङ्कज रजांसि मनोमलानि
सम्मार्जयन्ति शिवविष्णु विरिञ्चिदेवैः ।
मृग्यान्यऽपश्चिमतनोः प्रणुतानि माता
राज्ञी सदा भगवती भवतु प्रसन्ना ॥ ७॥
यत्पाद चिन्तन दिवाकर रश्मिमाला
चान्तर्बहिश्करणवर्ग सरोजषण्डम् ।
ज्ञानोदये सति विकास्य तमोपहर्त्री
राज्ञी सदा भगवती भवतु प्रसन्ना ॥ ८॥
यद दर्शनामृतनदी महदोघयुक्ता
सम्प्लावयत्यखिल भेदगुहास्वऽनन्ता ।
तृष्णाहरा सुकृतिनां भवतापहर्त्री
राज्ञी सदा भगवती भवतु प्रसन्ना ॥ ९॥
हंसस्थिता सकलशब्दमयी भवानी
वाग्वादिनी हृदय पुष्कर चारिणीया ।
हंसीव हंसरजनीश्वर वह्निनेत्रा
राज्ञी सदा भगवती भवतु प्रसन्ना ॥ १०॥
या सोमसूर्यवपुषा सततं सरन्ती
मूलाश्रयात्तडिदिवाऽऽविधरन्ध्रमीढया ।
मध्यस्थिता सकलनाडिसमूह पूर्णा
राज्ञी सदा भगवती भवतु प्रसन्ना ॥ ११॥
चैतन्यपूरित समस्त जगद्-विचित्रा
मातृप्रमेय परिमाणातया चकास्ति ।
या पूर्णवृत्यहमिति स्वपदाधिरूढा
राज्ञी सदा भगवती भवतु प्रसन्ना ॥ १२॥
या चित्क्रमाक्रमतया प्रविभातिनित्या
स्वातन्त्र्यश क्तिरमला गतभेदभावा ।
स्वात्मस्वरूप सुविमर्शपरैः सुगम्या
राज्ञी सदा भगवती भवतु प्रसन्ना ॥ १३॥
या कृत्यपञ्चक निभालन लालसैस्तैः
सन्दृश्यते निखिलवेद्यगतापि शश्वत् ।
सान्तर्धृता परप्रमातृपदं विशन्ती
राज्ञी सदा भगवती भवतु प्रसन्ना ॥ १४॥
यानुत्तरात्मनि पदे परमाऽमृताब्धौ
स्वातन्त्र्यशक्तिलहरीव बहिः सरन्ती ।
संलीयते वरसतः स्वपदे सभावा
राज्ञी सदा भगवती भवतु प्रसन्ना ॥ १५॥
मेरोः सदैव हि दरीषुविचित्रवाग्भिः
गायन्ति यां भगवती परिवादिनीभिः ।
विद्याधरा हि पुलकाङ्कित विग्रहाः सा
राज्ञी सदा भगवती भवतु प्रसन्ना ॥ १६॥
राज्ञीं सदा भगवतीं मनसा स्मरामि
राज्ञीं सदा भगवतीं वचसा गृणामि ।
राज्ञीं सदा भगवतीं शिरसा नमामि
राज्ञीं सदा भगवतीं शरणं प्रदद्ये ॥ १७॥
राज्ञ्याः स्तोत्रमिन्द पुण्यं यः पठेद्भक्तिमान्नरः
नित्यं देव्याः प्रसादेन शिवसायुज्यमाप्नुयात् ॥ १८॥
जय देहाद्रिकुञ्जान्तर्निकूजञ्जीव जीवक ।
जय सन्मानसव्योमविलासिवर सारस ॥
श्रीजगदम्बास्तुती-राजानक-विद्याधर-विरचिता
शुभदा बोभूयात् इति शिवम् ॥
श्री कृष्णार्पणमस्तु
No comments:
Post a Comment