*Matangi Kawacham ಶ್ರೀ ಮಾತಂಗೀ ಕವಚಮ್

         ಅಥ ಶ್ರೀ ಮಾತಂಗೀಕವಚಂ  ( ಸುಮುಖೀ )

ಶ್ರೀಗಣೇಶಾಯ ನಮಃ .
ಶ್ರೀಪಾರ್ವತ್ಯುವಾಚ .
ದೇವದೇವ ಮಹಾದೇವ ಸೃಷ್ಟಿಸಂಹಾರಕಾರಕ .
ಮಾತಂಗ್ಯಾಃ ಕವಚಂ ಬ್ರೂಹಿ ಯದಿ ಸ್ನೇಹೋಽಸ್ತಿ ತೇ ಮಯಿ .. ೧..

ಶಿವ ಉವಾಚ .
ಅತ್ಯಂತಗೋಪನಂ ಗುಹ್ಯಂ ಕವಚಂ ಸರ್ವಕಾಮದಂ .
ತವ ಪ್ರೀತ್ಯಾ ಮಯಾಽಽಖ್ಯಾತಂ ನಾನ್ಯೇಷು ಕಥ್ಯತೇ ಶುಭೇ .. ೨..

ಶಪಥಂ ಕುರು ಮೇ ದೇವಿ ಯದಿ ಕಿಂಚಿತ್ಪ್ರಕಾಶಸೇ .
ಅನಯಾ ಸದೃಶೀ ವಿದ್ಯಾ ನ ಭೂತಾ ನ ಭವಿಷ್ಯತಿ .. ೩..

ಶವಾಸನಾಂ ರಕ್ತವಸ್ತ್ರಾಂ ಯುವತೀಂ ಸರ್ವಸಿದ್ಧಿದಾಂ .
ಏವಂ ಧ್ಯಾತ್ವಾ ಮಹಾದೇವೀಂ ಪಠೇತ್ಕವಚ ಮುತ್ತಮಂ .. ೪..

ಉಚ್ಛಿಷ್ಟಂ ರಕ್ಷತು ಶಿರಃ ಶಿಖಾಂ ಚಂಡಾಲಿನೀ ತತಃ .
ಸುಮುಖೀ ಕವಚಂ ರಕ್ಷೇದ್ದೇವೀ ರಕ್ಷತು ಚಕ್ಷುಷೀ .. ೫..

ಮಹಾಪಿಶಾಚಿನೀ ಪಾಯಾನ್ನಾಸಿಕಾಂ ಹ್ರೀಂ ಸದಾಽವತು ಠಃ ಪಾತು ಕಂಠದೇಶಂ ಮೇ ಠಃ ಪಾತು ಹೃದಯಂ ತಥಾ .. ೬..

ಠೋ ಭುಜೌ ಬಾಹುಮೂಲೇ ಚ ಸದಾ ರಕ್ಷತು ಚಂಡಿಕಾ ಐಂ ಚ ರಕ್ಷತು ಪಾದೌ ಮೇ ಸೌಃ ಕುಕ್ಷಿಂ ಸರ್ವತಃ ಶಿವಾ .. ೭..

ಐಂ ಹ್ರೀಂ ಕಟಿದೇಶಂ ಚ ಆಂ ಹ್ರೀಂ ಸಂಧಿಷು ಸರ್ವದಾ .ಜ್ಯೇಷ್ಠಮಾತಂಗ್ಯಂಗುಲಿರ್ಮೇ ಅಂಗುಲ್ಯಗ್ರೇ ನಮಾಮಿ ಚ .. ೮..

ಉಚ್ಛಿಷ್ಟಚಾಂಡಾಲಿ ಮಾಂ ಪಾತು ತ್ರೈಲೋಕ್ಯಸ್ಯ ವಶಂಕರೀ .ಶಿವೇ ಸ್ವಾಹಾ ಶರೀರಂ ಮೇ ಸರ್ವಸೌಭಾಗ್ಯದಾಯಿನೀ .. ೯..

ಉಚ್ಛಿಷ್ಟಚಾಂಡಾಲಿ ಮಾತಂಗಿ ಸರ್ವವಶಂಕರಿ ನಮಃ .
ಸ್ವಾಹಾ ಸ್ತನದ್ವಯಂ ಪಾತು ಸರ್ವಶತ್ರುವಿನಾಶಿನೀ .. ೧೦..

ಅತ್ಯಂತಗೋಪನಂ ದೇವಿ ದೇವೈರಪಿ ಸುದುರ್ಲಭಂ .
ಭ್ರಷ್ಟೇಭ್ಯಃ ಸಾಧಕೇಭ್ಯೋಽಪಿ ದ್ರಷ್ಟವ್ಯಂ ನ ಕದಾಚನ .. ೧೧..

ದತ್ತೇನ ಸಿದ್ಧಿಹಾನಿಃ ಸ್ಯಾತ್ಸರ್ವಥಾ ನ ಪ್ರಕಾಶ್ಯತಾಂ .
ಉಚ್ಛಿಷ್ಟೇನ ಬಲಿಂ ದತ್ವಾ ಶನೌ ವಾ ಮಂಗಲೇ ನಿಶಿ  ೧೨..

ರಜಸ್ವಲಾಭಗಂ ಸ್ಪೃಷ್ಟ್ವಾ ಜಪೇನ್ಮಂತ್ರಂ ಚ ಸಾಧಕಃ .
ರಜಸ್ವಲಾಯಾ ವಸ್ತ್ರೇಣ ಹೋಮಂ ಕುರ್ಯಾತ್ಸದಾ ಸುಧೀಃ .. ೧೩..

ಸಿದ್ಧವಿದ್ಯಾ ಇತೋ ನಾಸ್ತಿ ನಿಯಮೋ ನಾಸ್ತಿ ಕಶ್ಚನ .
ಅಷ್ಟಸಹಸ್ರಂ ಜಪೇನ್ಮಂತ್ರಂ ದಶಾಂಶಂ ಹವನಾದಿಕಂ .. ೧೪..

ಭೂರ್ಜಪತ್ರೇ ಲಿಖಿತ್ವಾ ಚ ರಕ್ತಸೂತ್ರೇಣ ವೇಷ್ಟಯೇತ್ .ಪ್ರಾಣಪ್ರತಿಷ್ಠಾಮಂತ್ರೇಣ ಜೀವನ್ಯಾಸಂ ಸಮಾಚರೇತ್ .. ೧೫..

ಸ್ವರ್ಣಮಧ್ಯೇ ತು ಸಂಸ್ಥಾಪ್ಯ ಧಾರಯೇದ್ದಕ್ಷಿಣೇ ಕರೇ .
ಸರ್ವಸಿದ್ಧಿರ್ಭವೇತ್ತಸ್ಯ ಅಚಿರಾತ್ಪುತ್ರವಾನ್ಭವೇತ್  ೧೬..

ಸ್ತ್ರೀಭಿರ್ವಾಮಕರೇ ಧಾರ್ಯಂ ಬಹುಪುತ್ರಾ ಭವೇತ್ತದಾ .ವಂದ್ಯಾ ವಾ ಕಾಕವಂದ್ಯಾ ವಾ ಮೃತವತ್ಸಾ ಚ ಸಾಂಗನಾ .. ೧೭..

ಜೀವದ್ವತ್ಸಾ ಭವೇತ್ಸಾಪಿ ಸಮೃದ್ಧಿರ್ಭವತಿ ಧ್ರುವಂ .
ಶಕ್ತಿಪೂಜಾಂ ಸದಾ ಕುರ್ಯಾಚ್ಛಿವಾಬಲಿಂ ಪ್ರದಾಪಯೇತ್ .. ೧೮..

ಇದಂ ಕವಚಮಜ್ಞಾತ್ವಾ ಮಾತಂಗೀ ಯೋ ಜಪೇತ್ಸದಾ .
ತಸ್ಯ ಸಿದ್ಧಿರ್ನ ಭವತಿ ಪುರಶ್ಚರಣಲಕ್ಷತಃ .. ೧೯..

ಇತಿ ಶ್ರೀರುದ್ರಯಾಮಲ ತಂತ್ರೇ ಮಾತಂಗೀ ಸುಮುಖೀ ಕವಚಂ ಸಮಾಪ್ತ: ..

 ಶ್ರೀ ಕೃಷ್ಣಾರ್ಪಣಮಸ್ತು