Bindu Madhavi Ashtakam श्री बिन्दु माधवाष्टकम्

                       अथ श्री बिन्दुमाधवाष्टकम् 

श्री गणेशाय नमः ।
कलिन्दजातटाटवीलतानिकेतनान्तर-
प्रगल्भवल्लविस्फुरद्रतिप्रसङ्गसङ्गतम् ।
सुधारसार्द्रवेणुनादमोदमाधुरीमद-
प्रमत्तगोपगोव्रजं भजामि बिन्दुमाधवम् ॥ १॥

गदारिशङ्खचक्रशार्ङ्गभृच्चतुष्करं कृपा-
कटाक्षवीक्षणामृताक्षितामरेन्द्रनन्दनम् ।
सनन्दनादिमौनिमानसारविन्दमन्दिरं
जगत्पवित्रकीर्तिदं भजामि बिन्दुमाधवम् ॥ २॥

दिगीशमौलिनूत्नरत्ननिःसरत्प्रभावली-
विराजितांघ्रिपङ्कजं नवेन्दुशेखराब्जजम् ।
दयामरन्दतुन्दिलारविन्दपत्रलोचनं
विरोधियूथभेदनं भजामि बिन्दुमाधवम् ॥ ३॥

पयः पयोधिवीचिकावलीपयःपृषन्मिलद्भुजङ्ग-
पुङ्गवाङ्गकल्पपुष्पतल्पशायिनम् ।
कटीतटिस्फुटीभवत्प्रतप्तहाटकाम्बरं
निशाटकोटिपाटनं भजामि बिन्दुमाधवम् ॥ ४॥

अनुश्रवापहारकावलेपलोपनैपुणी-
पयश्चरावतारतोषितारविन्दसम्भवम् ।
महाभवाब्धिमध्यमग्रदीनलोकतारकं
विहङ्गराट्तुरङ्गमं भजामि बिन्दुमाधवम् ॥ ५॥

समुद्रतोयमध्यदेवदानवोत्क्षिपद्धरा-
धरेन्द्रमूलधारणक्षमादिकूर्मविग्रहम् ।
दुराग्रहावलिप्तहाटकाक्षनाशसूकरं
हिरण्यदानवान्तकं भजामि बिन्दुमाधवम् ॥ ६॥

विरोचनात्मसम्भवोत्तमाङ्गकृत्पदक्रमं
परश्वधोपसंहृताखिलावनीशमण्डलम् ।
कठोरनीलकण्ठकार्मुकप्रदर्शितादि-
दोर्बलान्वितक्षितीसुतं भजामि बिन्दुमाधवम् ॥ ७॥

यमानुजोदकप्रवाहसत्त्वराभिजित्वरं
पुरासुराङ्गनाभिमाननूपभूपनायकम् ।
स्वमण्डलाग्रखण्डनीययावनारिमण्डलं
बलानुजं गदाग्रजं भजामि बिन्दुमाधवम् ॥ ८॥

प्रशस्तपञ्चचामराख्यवृत्तभेदभासितं
दशावतारवर्णनं नृसिंहभक्तवर्णितम् ।
प्रसिद्धबिन्दुमाधवाष्टकं पठन्ति ये भृशं
नरा सुदुर्लभं भजन्ति ते मनोरथं निरन्तम् ॥ ९॥

॥ इति श्रीबिन्दुमाधवाष्टकं सम्पूर्णम् ॥ 

श्री कृष्णार्पणमस्तु 

ಬಿಂದುಮಾಧವಾಷ್ಟಕಂ


ಶ್ರೀ ಗಣೇಶಾಯ ನಮಃ .
ಕಲಿಂದಜಾತಟಾಟವೀಲತಾನಿಕೇತನಾಂತರ-
ಪ್ರಗಲ್ಭವಲ್ಲವಿಸ್ಫುರದ್ರತಿಪ್ರಸಂಗಸಂಗತಂ .
ಸುಧಾರಸಾರ್ದ್ರವೇಣುನಾದಮೋದಮಾಧುರೀಮದ-
ಪ್ರಮತ್ತಗೋಪಗೋವ್ರಜಂ ಭಜಾಮಿ ಬಿಂದುಮಾಧವಂ .. ೧..

ಗದಾರಿಶಂಖಚಕ್ರಶಾರ್ಙ್ಗಭೃಚ್ಚತುಷ್ಕರಂ ಕೃಪಾ-
ಕಟಾಕ್ಷವೀಕ್ಷಣಾಮೃತಾಕ್ಷಿತಾಮರೇಂದ್ರನಂದನಂ .
ಸನಂದನಾದಿಮೌನಿಮಾನಸಾರವಿಂದಮಂದಿರಂ
ಜಗತ್ಪವಿತ್ರಕೀರ್ತಿದಂ ಭಜಾಮಿ ಬಿಂದುಮಾಧವಂ .. ೨..

ದಿಗೀಶಮೌಲಿನೂತ್ನರತ್ನನಿಃಸರತ್ಪ್ರಭಾವಲೀ-
ವಿರಾಜಿತಾಂಘ್ರಿಪಂಕಜಂ ನವೇಂದುಶೇಖರಾಬ್ಜಜಂ .
ದಯಾಮರಂದತುಂದಿಲಾರವಿಂದಪತ್ರಲೋಚನಂ
ವಿರೋಧಿಯೂಥಭೇದನಂ ಭಜಾಮಿ ಬಿಂದುಮಾಧವಂ .. ೩..

ಪಯಃಪಯೋಧಿವೀಚಿಕಾವಲೀಪಯಃಪೃಷನ್ಮಿಲದ್ಭುಜಂಗ- ಪುಂಗವಾಂಗಕಲ್ಪಪುಷ್ಪತಲ್ಪಶಾಯಿನಂ .
ಕಟೀತಟಿಸ್ಫುಟೀಭವತ್ಪ್ರತಪ್ತಹಾಟಕಾಂಬರಂ
ನಿಶಾಟಕೋಟಿಪಾಟನಂ ಭಜಾಮಿ ಬಿಂದುಮಾಧವಂ .. ೪..

ಅನುಶ್ರವಾಪಹಾರಕಾವಲೇಪಲೋಪನೈಪುಣೀ-
ಪಯಶ್ಚರಾವತಾರತೋಷಿತಾರವಿಂದಸಂಭವಂ .
ಮಹಾಭವಾಬ್ಧಿಮಧ್ಯಮಗ್ರದೀನಲೋಕತಾರಕಂ
ವಿಹಂಗರಾಟ್ತುರಂಗಮಂ ಭಜಾಮಿ ಬಿಂದುಮಾಧವಂ .. ೫..

ಸಮುದ್ರತೋಯಮಧ್ಯದೇವದಾನವೋತ್ಕ್ಷಿಪದ್ಧರಾ-
ಧರೇಂದ್ರಮೂಲಧಾರಣಕ್ಷಮಾದಿಕೂರ್ಮವಿಗ್ರಹಂ .
ದುರಾಗ್ರಹಾವಲಿಪ್ತಹಾಟಕಾಕ್ಷನಾಶಸೂಕರಂ
ಹಿರಣ್ಯದಾನವಾಂತಕಂ ಭಜಾಮಿ ಬಿಂದುಮಾಧವಂ .. ೬..

ವಿರೋಚನಾತ್ಮಸಂಭವೋತ್ತಮಾಂಗಕೃತ್ಪದಕ್ರಮಂ
ಪರಶ್ವಧೋಪಸಂಹೃತಾಖಿಲಾವನೀಶಮಂಡಲಂ .
ಕಠೋರನೀಲಕಂಠಕಾರ್ಮುಕಪ್ರದರ್ಶಿತಾದಿ-
ದೋರ್ಬಲಾನ್ವಿತಕ್ಷಿತೀಸುತಂ ಭಜಾಮಿ ಬಿಂದುಮಾಧವಂ .. ೭..

ಯಮಾನುಜೋದಕಪ್ರವಾಹಸತ್ತ್ವರಾಭಿಜಿತ್ವರಂ
ಪುರಾಸುರಾಂಗನಾಭಿಮಾನನೂಪಭೂಪನಾಯಕಂ .
ಸ್ವಮಂಡಲಾಗ್ರಖಂಡನೀಯಯಾವನಾರಿಮಂಡಲಂ
ಬಲಾನುಜಂ ಗದಾಗ್ರಜಂ ಭಜಾಮಿ ಬಿಂದುಮಾಧವಂ .. ೮..

ಪ್ರಶಸ್ತಪಂಚಚಾಮರಾಖ್ಯವೃತ್ತಭೇದಭಾಸಿತಂ
ದಶಾವತಾರವರ್ಣನಂ ನೃಸಿಂಹಭಕ್ತವರ್ಣಿತಂ .
ಪ್ರಸಿದ್ಧಬಿಂದುಮಾಧವಾಷ್ಟಕಂ ಪಠಂತಿ ಯೇ ಭೃಶಂ
ನರಾ ಸುದುರ್ಲಭಂ ಭಜಂತಿ ತೇ ಮನೋರಥಂ  .. ೯..

.. ಇತಿ ಶ್ರೀ ಬಿಂದುಮಾಧವಾಷ್ಟಕಂ ಸಂಪೂರ್ಣಂ ..
ಶ್ರೀ ಕೃಷ್ಣಾರ್ಪಣಮಸ್ತು