श्री गोविन्दराज सुप्रभातम्
श्री गुरुभ्ये नमः हरी ॐ
श्रीभूमिनायक दयापर दिव्यमूर्ते
देवादिदेव जगदेकशरण्य विष्णो ।
गोपाङ्गनाकुचतटेषु निमग्नदृष्टे
गोविन्दराज विजयिन् तव सुप्रभातम् ॥१॥
देवादिदेव फणिराजविहङ्गराज-
राजत्किरीटमणिराजविराजिताङ्घ्रे ।
राजाधिराज वसुदेवकुलाधिराज
गोविन्दराज विजयिन् तव सुप्रभातम् ॥२॥
कासारयोगिपरमाद्भुतभक्तिबद्ध -
वाङ्मूलभूषितमहोत्पलरम्यपाद ।
गोपाधिनाथ वसुदेवकुमार कृष्ण
गोविन्दराज विजयिन् तव सुप्रभातम् ॥३॥
श्रीभूतयोगिपरिकल्पितदिव्यमान -
ज्ञानप्रदीपपरिदृश्यरतैकतान ।
गोगोपजालपरिरक्षणबद्धदीक्ष
गोविन्दराज विजयिन् तव सुप्रभातम् ॥ ४॥
मान्यानुभावमहदाह्वययोगिदृष्टे
श्रीशङ्खचक्रकमलासहितामलाङ्ग ।
गोपीजनप्रियचरित्र विचित्रवेष -
गोविन्दराज विजयिन् तव सुप्रभातम् ॥५॥
श्रीमत्त्वदीयपदपङ्कजभक्तिनिष्ठ-
श्रीभक्तिसारमुनिनिश्चितमुख्यतत्त्व ।
गोपीजनार्तिहर गोपजनान्तरङ्ग
गोविन्दराज विजयिन् तव सुप्रभातम् ॥६॥
श्रीमत्पराकुशमुनीन्द्रसहस्रशाख -
संस्तूयमानचरणाम्बुज सर्वशेषिन् ।
गोपालवंशतिलकाच्युतपादपद्म
गोविन्दराज विजयिन् तव सुप्रभातम् ॥ ७॥
शेषाचले महति पादपपक्षिजन्म
तद्भक्तितः स्पृहयता कुलशेखरेण ।
राज्ञा पुनःपुनरुपासितपादपद्म
गोविन्दराज विजयिन् तव सुप्रभातम् ॥ ८॥
श्रीविष्णुचित्तकृतमङ्गलदिव्यसूक्ते
तन्मानसाम्बुरुहकल्पितनित्यवास ।
गोपालबालयुवतीविटसार्वभौम
गोविन्दराज विजयिन् तव सुप्रभातम् ॥९॥
श्रीविष्णुचित्तकुलनन्दनकल्पवल्ली
गोदालकान्तविनिवेशितमाल्यलोल ।
गोपाङ्गनाकुचकुलाचलमध्यसुप्त
गोविन्दराज विजयिन् तव सुप्रभातम् ॥ १०॥
भक्ताङ्घ्रिरेणुमुनिना परमत्वदीय-
शेषत्वमाश्रितवता विमलेन नित्यम् ।
प्राबोधकीस्तुतिकृता ह्यवबोधितश्रीः
गोविन्दराज विजयिन् तव सुप्रभातम् ॥११॥
श्रीपाणनामकमहामुनिदिव्यनाम -
दिव्यानुभावदयमानदृगञ्चलाख्य ।
पूर्णानुकम्प पुरुषोत्तम पुष्कराक्ष
गोविन्दराज विजयिन् तव सुप्रभातम् ॥१२॥
भक्तोत्तमाय परकालमुनीन्द्रनाम्ने
विश्राणितातुलमहातनुमूलमन्त्र ।
सर्वात्मरक्षणविचक्षण चक्रपाणे
गोविन्दराज विजयिन् तव सुप्रभातम् ॥१३॥
सत्त्वोत्तरैः सततसेव्यपदाम्बुजेन
सौम्योपयन्तुमुनिमानसराजहंस
गोविन्दराज विजयिन् तव सुप्रभातम् ॥१४॥
भक्तप्रपन्नकुलनायकभाष्यकार -
सङ्कल्पकल्पतरुदिव्यफलामलात्मन् ।सङ्कल्पकल्पतरुदिव्यफलामलात्मन्
श्रीशेषशैलनिकटस्थितशेषशायिन्
गोविन्दराज विजयिन् तव सुप्रभातम् ॥१५॥
श्रीमच्छठारिकरुणाश्रितदेवगान -
सारज्ञनाथनुनिसन्नुतपुण्यमूर्त ।
गोब्राह्मणप्रियगुरो श्रितपारिजात
गोविन्दराज विजयिन् तव सुप्रभातम् ॥ १६॥
देव प्रसिद्ध करुणाकर भक्तवर्ग-
सेनापतिप्रणयिताखिललोकभानो ।
श्रीवासदिव्यनगराधिप राजराज
गोविन्दराज विजयिन् तव सुप्रभातम्. ॥१७॥
इति श्रीगोविन्दराजसुप्रभातं सम्पूर्णम् ।
श्री कृष्णार्पणमस्तु
ಶ್ರೀ ಗೋವಿಂದರಾಜ ಸುಪ್ರಭಾತಮ್
ಶ್ರೀ ಗುರುಭ್ಯೋ ನಮಃ ಹರೀ ಓಂ
ಶ್ರೀಭೂಮಿನಾಯಕ ದಯಾಪರ ದಿವ್ಯಮೂರ್ತೇ
ದೇವಾದಿದೇವ ಜಗದೇಕಶರಣ್ಯ ವಿಷ್ಣೋ |
ಗೋಪಾಂಗನಾಕುಚತಟೇಷು ನಿಮಗ್ನದೃಷ್ಟೇ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 1 ॥
ದೇವಾದಿದೇವ ಫಣಿರಾಜವಿಹಂಗರಾಜ-
ರಾಜತ್ಕಿರೀಟಮಣಿರಾಜವಿರಾಜಿತಾಂಘ್ರೇ |
ರಾಜಾಧಿರಾಜ ವಸುದೇವಕುಲಾಧಿರಾಜ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 2 ॥
ಕಾಸಾರಯೋಗಿಪರಮಾದ್ಭುತಭಕ್ತಿಬದ್ಧ-
ವಾಙ್ಮೂಲಭೂಷಿತಮಹೋತ್ಪಲರಮ್ಯಪಾದ |
ಗೋಪಾಧಿನಾಥ ವಸುದೇವಕುಮಾರ ಕೃಷ್ಣ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 3 ॥
ಶ್ರೀಭೂತಯೋಗಿಪರಿಕಲ್ಪಿತದಿವ್ಯಮಾನ-
ಜ್ಞಾನಪ್ರದೀಪಪರಿದೃಶ್ಯರತೈಕತಾನ |
ಗೋಗೋಪಜಾಲಪರಿರಕ್ಷಣಬದ್ಧದೀಕ್ಷ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 4 ॥
ಮಾನ್ಯಾನುಭಾವಮಹದಾಹ್ವಯಯೋಗಿದೃಷ್ಟೇ
ಶ್ರೀಶಂಖಚಕ್ರಕಮಲಾಸಹಿತಾಮಲಾಂಗ |
ಗೋಪೀಜನಪ್ರಿಯಚರಿತ್ರ ವಿಚಿತ್ರವೇಷ-
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 5 ॥
ಶ್ರೀಮತ್ತ್ವದೀಯಪದಪಂಕಜಭಕ್ತಿನಿಷ್ಠ-
ಶ್ರೀಭಕ್ತಿಸಾರಮುನಿನಿಶ್ಚಿತಮುಖ್ಯತತ್ತ್ವ |
ಗೋಪೀಜನಾರ್ತಿಹರ ಗೋಪಜನಾಂತರಂಗ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 6 ॥
ಶ್ರೀಮತ್ಪರಾಕುಶಮುನೀಂದ್ರಸಹಸ್ರಶಾಖ-
ಸಂಸ್ತೂಯಮಾನಚರಣಾಂಬುಜ ಸರ್ವಶೇಷಿನ್ |
ಗೋಪಾಲವಂಶತಿಲಕಾಚ್ಯುತಪಾದಪದ್ಮ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 7 ॥
ಶೇಷಾಚಲೇ ಮಹತಿ ಪಾದಪಪಕ್ಷಿಜನ್ಮ
ತದ್ಭಕ್ತಿತಃ ಸ್ಪೃಹಯತಾ ಕುಲಶೇಖರೇಣ |
ರಾಜ್ಞಾ ಪುನಃಪುನರುಪಾಸಿತಪಾದಪದ್ಮ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 8 ॥
ಶ್ರೀವಿಷ್ಣುಚಿತ್ತಕೃತಮಂಗಳದಿವ್ಯಸೂಕ್ತೇ
ತನ್ಮಾನಸಾಂಬುರುಹಕಲ್ಪಿತನಿತ್ಯವಾಸ |
ಗೋಪಾಲಬಾಲಯುವತೀವಿಟಸಾರ್ವಭೌಮ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 9 ॥
ಶ್ರೀವಿಷ್ಣುಚಿತ್ತಕುಲನಂದನಕಲ್ಪವಲ್ಲೀ
ಗೋದಾಲಕಾಂತವಿನಿವೇಶಿತಮಾಲ್ಯಲೋಲ |
ಗೋಪಾಂಗನಾಕುಚಕುಲಾಚಲಮಧ್ಯಸುಪ್ತ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 10 ॥
ಭಕ್ತಾಂಘ್ರಿರೇಣುಮುನಿನಾ ಪರಮತ್ವದೀಯ-
ಶೇಷತ್ವಮಾಶ್ರಿತವತಾ ವಿಮಲೇನ ನಿತ್ಯಮ್ |
ಪ್ರಾಬೋಧಕೀಸ್ತುತಿಕೃತಾ ಹ್ಯವಬೋಧಿತಶ್ರೀಃ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 11 ॥
ಶ್ರೀಪಾಣನಾಮಕಮಹಾಮುನಿದಿವ್ಯನಾಮ-
ದಿವ್ಯಾನುಭಾವದಯಮಾನದೃಗಂಚಲಾಖ್ಯ |
ಪೂರ್ಣಾನುಕಂಪ ಪುರುಷೋತ್ತಮ ಪುಷ್ಕರಾಕ್ಷ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 12 ॥
ಭಕ್ತೋತ್ತಮಾಯ ಪರಕಾಲಮುನೀಂದ್ರನಾಮ್ನೇ
ವಿಶ್ರಾಣಿತಾತುಲಮಹಾತನುಮೂಲಮಂತ್ರ |
ಸರ್ವಾತ್ಮರಕ್ಷಣವಿಚಕ್ಷಣ ಚಕ್ರಪಾಣೇ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 13 ॥
ಸತ್ತ್ವೋತ್ತರೈಃ ಸತತಸೇವ್ಯಪದಾಂಬುಜೇನ
ಸೌಮ್ಯೋಪಯಂತುಮುನಿಮಾನಸರಾಜಹಂಸ |
ಗೋಪಾಗ್ರಗಣ್ಯ ವಸುದೇವಕುಲಾವತಂಸ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 14 ॥
ಭಕ್ತಪ್ರಪನ್ನಕುಲನಾಯಕಭಾಷ್ಯಕಾರ-
ಸಂಕಲ್ಪಕಲ್ಪತರುದಿವ್ಯಫಲಾಮಲಾತ್ಮನ್ |
ಶ್ರೀಶೇಷಶೈಲನಿಕಟಸ್ಥಿತಶೇಷಶಾಯಿನ್
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 15 ॥
ಶ್ರೀಮಚ್ಛಠಾರಿಕರುಣಾಶ್ರಿತದೇವಗಾನ-
ಸಾರಜ್ಞನಾಥಮುನಿಸನ್ನುತಪುಣ್ಯಮೂರ್ತ |
ಗೋಬ್ರಾಹ್ಮಣಪ್ರಿಯಗುರೋ ಶ್ರಿತಪಾರಿಜಾತ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 16 ॥
ದೇವ ಪ್ರಸಿದ್ಧ ಕರುಣಾಕರ ಭಕ್ತವರ್ಗ-
ಸೇನಾಪತಿಪ್ರಣಯಿತಾಖಿಲಲೋಕಭಾನೋ |
ಶ್ರೀವಾಸದಿವ್ಯನಗರಾಧಿಪ ರಾಜರಾಜ
ಗೋವಿಂದರಾಜ ವಿಜಯಿನ್ ತವ ಸುಪ್ರಭಾತಮ್ ॥ 17 ॥
ಇತಿ ಶ್ರೀಗೋವಿಂದರಾಜಸುಪ್ರಭಾತಂ ಸಂಪೂರ್ಣಮ್ |
ಶ್ರೀ ಕೃಷ್ಣಾರ್ಪಣಮಸ್ತು ॥

No comments:
Post a Comment