Debt relief Ganesh Stotra ಶ್ರೀ ಋಣಹರ್ತೃ ಗಣೇಶ ಸ್ತೋತ್ರಂ ಸದಾಶಿವ ರಚಿತ

        ಅಥ ಶ್ರೀ ಋಣಹರ್ತೃ ಗಣೇಶ ಸ್ತೋತ್ರಂ

ಶ್ರೀ ಗುರುಭ್ಯೋ ನಮಃ ಹರಿ ಓಂ 
ಅಸ್ಯ ಶ್ರೀ ಋಣಹರ್ತೃಗಣಪತಿಸ್ತೋತ್ರ ಮಹಾಮಂತ್ರಸ್ಯ | 

ಸದಾಶಿವ ಋಷಿಃ| ಅನುಷ್ಟುಪ್ ಛಂದಃ| ಶ್ರೀಋಣಹರ್ತೃ ಗಣಪತಿರ್ದೇವತಾ| ಗ್ಲೌಂ ಬೀಜಂ| ಗಃ ಶಕ್ತಿಃ | ಗಂ ಕೀಲಕಂ | 

ಮಮ ಸಕಲ ಋಣನಾಶನೇ ಜಪೇ ವಿನಿಯೋಗಃ |

|| ಅಥ ಧ್ಯಾನಂ ||
ಸೃಷ್ಟ್ಯಾದೌ ಬ್ರಹ್ಮಣಾ ಸಮ್ಯಕ್ಪೂಜಿತಃ ಫಲಸಿದ್ಧಯೇ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ||1||

ತ್ರಿಪುರಸ್ಯ ವಧಾತ್ಪೂರ್ವಂ ಶಂಭುನಾ ಸಮ್ಯಗರ್ಚಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ||2||

ಹಿರಣ್ಯಕಶಿಪ್ವಾದೀನಾಂ ವಧಾರ್ಥೇ ವಿಷ್ಣುನಾರ್ಚಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ||3||

ಮಹಿಷಸ್ಯ ವಧೇ ದೇವ್ಯಾ ಗಣನಾಥಃ ಪ್ರಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ||4||

ತಾರಕಸ್ಯ ವಧಾತ್ಪೂರ್ವಂ ಕುಮಾರೇಣ ಪ್ರಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ||5||

ಭಾಸ್ಕರೇಣ ಗಣೇಶೋ ಹಿ ಪೂಜಿತಶ್ಛವಿಸಿದ್ಧಯೇ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ||6||

ಶಶಿನಾ ಕಾಂತಿವೃದ್ಧ್ಯರ್ಥಂ ಪೂಜಿತೋ ಗಣನಾಯಕಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ||7||

ಪಾಲನಾಯ ಸ್ವತಪಸಾಂ ವಿಶ್ವಾಮಿತ್ರೇಣ ಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ||8||

ಇದಂ ಋಣಹರಸ್ತೋತ್ರಂ ತೀವ್ರದಾರಿದ್ರ್ಯನಾಶನಂ |
ಏಕವಾರಂ ಪಠೇನ್ನಿತ್ಯಂ ವರ್ಷಮೇಕಂ ಸಮಾಹಿತಃ ||9||

ದಾರಿದ್ರ್ಯಾದ್ದಾರುಣಾನ್ಮುಕ್ತಃ ಕುಬೇರಸಂಪದಂ ವ್ರಜೇತ್ |
ಫಡಂತೋಽಯಂ ಮಹಾಮಂತ್ರಃ ಸಾರ್ಥಪಂಚದಶಾಕ್ಷರಃ ||10||

ಓಂ ಗಣೇಶ ಋಣಂ ಛಿಂದಿ ವರೇಣ್ಯಂ ಹುಂ ನಮಃ ಫಟ್ |
ಇಮಂ ಮಂತ್ರಂ ಪಠೇದಂತೇ ತತಶ್ಚ ಶುಚಿಭಾವನಃ ||11||

ಏಕವಿಂಶತಿಸಂಖ್ಯಾಭಿಃ ಪುರಶ್ಚರಣಮೀರಿತಂ |
ಸಹಸ್ರಾವರ್ತನಾತ್ಸಮ್ಯಕ್ ಷಣ್ಮಾಸಂ ಪ್ರಿಯತಾಂ ವ್ರಜೇತ್ ||12||

ಬೃಹಸ್ಪತಿಸಮೋ ಜ್ಞಾನೇ ಧನೇ ಧನಪತಿರ್ಭವೇತ್ |
ಅಸ್ಯೈವಾಯುತಸಂಖ್ಯಾಭಿಃ ಪುರಶ್ಚರಣಮೀರಿತಂ ||13||

ಲಕ್ಷಮಾವರ್ತನಾತ್ಸಮ್ಯಗ್ವಾಂಛಿತಂ ಫಲಮಾಪ್ನುಯಾತ್ |
ಭೂತಪ್ರೇತಪಿಶಾಚಾನಾಂ ನಾಶನಂ ಸ್ಮೃತಿಮಾತ್ರತಃ ||14||

ಇತಿ ಶ್ರೀ ಸದಾಶಿವ ರಚಿತ ಶ್ರೀ ಋಣಹರ್ತೃ ಗಣೇಶ ಸ್ತೋತ್ರಂ ಸಂಪೂರ್ಣಂ. ಶ್ರೀ ಕೃಷ್ಣಾರ್ಪಣಮಸ್ತು