Varahi Devi Kawacham ಶ್ರೀ ವಾರಾಹೀ ದೇವಿ ಕವಚಂ ( ಶ್ರೀ ರುದ್ರ ಯಾಮಲ ತಂತ್ರ್ಯೇ)

 ಶ್ರೀ ವಾರಾಹೀ ದೇವಿ ಕವಚಂ

( ಶ್ರೀ ರುದ್ರ ಯಾಮಲ ತಂತ್ರ್ಯೇ)

ಶ್ರೀ ಗುರುಭ್ಯೋ ನಮಃ ಹರಿ ಓಂ 
ಅಸ್ಯಶ್ರೀ ವಾರಾಹೀ ಕವಚಸ್ಯ ತ್ರಿಲೋಚನ ಋಷೀಃ ಅನುಷ್ಟುಪ್ ಛಂದಃ ಶ್ರೀ ವಾರಾಹೀ ದೇವತಾ  ಓಂ ಬೀಜಂ ಗ್ಲೌಂ ಶಕ್ತಿಃ ಸ್ವಾಹೇತಿ ಕೀಲಕಂ ಮಮ ಸರ್ವಶತ್ರುನಾಶನಾರ್ಥೇ ಜಪೇ ವಿನಿಯೋಗ:  

ಅಥ ಧ್ಯಾನಂ
ಧ್ಯಾತ್ವೇಂದ್ರ ನೀಲವರ್ಣಾಭಾಂ ಚಂದ್ರಸೂರ್ಯಾಗ್ನಿಲೋಚನಾಂ| 
ವಿಧಿವಿಷ್ಣು ಹರೇಂದ್ರಾದಿಮಾತೃಭೈರವಸೇವಿತಾಂ II   1

ಜ್ವಲನ್ಮಣಿಗಣಪ್ರೋಕ್ತ ಮಕುಟಾಮಾವಿಲಂಬಿತಾಂ
ಅಸ್ತ್ರಶಸ್ತ್ರಾಣಿ ಸರ್ವಾಣಿ ತತ್ತತ್ಕಾರ್ಯೋಚಿತಾನಿ ಚ II   2

ಏತೈಸ್ಸಮಸ್ತೈರ್ವಿವಿಧಂ ಬಿಭ್ರತೀಂ ಮುಸಲಂ ಹಲಂ
ಪಾತ್ವಾ ಹಿಂಸ್ರಾನ್ ಹಿ ಕವಚಂ ಭುಕ್ತಿಮುಕ್ತಿ ಫಲಪ್ರದಂ II  3

ಪಠೇತ್ತ್ರಿ ಸಂಧ್ಯಂ ರಕ್ಷಾರ್ಥಂ ಘೋರಶತ್ರುನಿವೃತ್ತಿದಂ
ವಾರ್ತಾಳೀ ಮೇ ಶಿರಃ ಪಾತು ಘೋರಾಹೀ ಫಾಲಮುತ್ತಮಂ II   4

ನೇತ್ರೇ ವರಾಹವದನಾ ಪಾತು ಕರ್ಣೌ ತಥಾಂಜನೀ
ಘ್ರಾಣಂ ಮೇ ರುಂಧಿನೀ ಪಾತು ಮುಖಂ ಮೇ ಪಾತು ಜಂಧಿನೀII  5

ಪಾತು ಮೇ ಮೋಹಿನೀ ಜಿಹ್ವಾಂ ಸ್ತಂಭಿನೀ ಕಂಥಮಾದರಾತ್
ಸ್ಕಂಧೌ ಮೇ ಪಂಚಮೀ ಪಾತು ಭುಜೌ ಮಹಿಷವಾಹನಾ II   6

ಸಿಂಹಾರೂಢಾ ಕರೌ ಪಾತು ಕುಚೌ ಕೃಷ್ಣಮೃಗಾಂಚಿತಾ
ನಾಭಿಂ ಚ ಶಂಖಿನೀ ಪಾತು ಪೃಷ್ಠದೇಶೇ ತು ಚಕ್ರಿಣಿ II  7

ಖಡ್ಗಂ ಪಾತು ಚ ಕಟ್ಯಾಂ ಮೇ ಮೇಢ್ರಂ ಪಾತು ಚ ಖೇದಿನೀ
ಗುದಂ ಮೇ ಕ್ರೋಧಿನೀ ಪಾತು ಜಘನಂ ಸ್ತಂಭಿನೀ ತಥಾ II   8

ಚಂಡೋಚ್ಚಂಡ ಶ್ಚೋರುಯುಗಂ ಜಾನುನೀ ಶತ್ರುಮರ್ದಿನೀ
ಜಂಘಾದ್ವಯಂ ಭದ್ರಕಾಳೀ ಮಹಾಕಾಳೀ ಚ ಗುಲ್ಫಯೋ II  9

ಪಾದಾದ್ಯಂಗುಳಿಪರ್ಯಂತಂ ಪಾತು ಚೋನ್ಮತ್ತಭೈರವೀ
ಸರ್ವಾಂಗಂ ಮೇ ಸದಾ ಪಾತು ಕಾಲಸಂಕರ್ಷಣೀ ತಥಾ. II  10

ಯುಕ್ತಾಯುಕ್ತಾ ಸ್ಥಿತಂ ನಿತ್ಯಂ ಸರ್ವಪಾಪಾತ್ಪ್ರಮುಚ್ಯತೇ
ಸರ್ವೇ ಸಮರ್ಥ್ಯ ಸಂಯುಕ್ತಂ ಭಕ್ತರಕ್ಷಣತತ್ಪರಂ. II  11

ಸಮಸ್ತದೇವತಾ ಸರ್ವಂ ಸವ್ಯಂ ವಿಷ್ಣೋಃ ಪುರಾರ್ಧನೇ
ಸರ್ಶಶತ್ರುವಿನಾಶಾಯ ಶೂಲಿನಾ ನಿರ್ಮಿತಂ ಪುರಾ. II  12

ಸರ್ವಭಕ್ತಜನಾಶ್ರಿತ್ಯ ಸರ್ವವಿದ್ವೇಷ ಸಂಹತಿಃ
ವಾರಾಹೀ ಕವಚಂ ನಿತ್ಯಂ ತ್ರಿಸಂಧ್ಯಂ ಯಃ ಪಠೇನ್ನರಃ. II  13

ತಥಾವಿಧಂ ಭೂತಗಣಾ ನ ಸ್ಪೃಶಂತಿ ಕದಾಚನ
ಆಪದಶ್ಶತ್ರುಚೋರಾದಿ ಗ್ರಹದೋಷಾಶ್ಚ ಸಂಭವಾಃ. II  14

ಮಾತಾಪುತ್ರಂ ಯಥಾ ವತ್ಸಂ ಧೇನುಃ ಪಕ್ಷ್ಮೇವ ಲೋಚನಂ
ತಥಾಂಗಮೇವ ವಾರಾಹೀ ರಕ್ಷಾ ರಕ್ಷಾತಿ ಸರ್ವದಾ. II  15

ಇತಿ ಶ್ರೀ ರುದ್ರ ಯಾಮಲ ತಂತ್ರ್ಯೇ ಶ್ರೀ ವಾರಾಹಿ ದೇವಿ ಕವಚಂ ಸಂಪೂರ್ಣಂ. ಶ್ರೀ ಕೃಷ್ಣಾರ್ಪಣಮಸ್ತು