Durga Chandra Kala Stutih. ಶ್ರೀ ದುರ್ಗಾ ಚಂದ್ರಕಳಾ ಸ್ತುತಿಃ

ಶ್ರೀ ದುರ್ಗಾ ಚಂದ್ರಕಳಾ ಸ್ತುತಿಃ

ಶ್ರೀ ಗುರುಭ್ಯೋ ನಮಃ ಹರಿ ಓಂ 
ವೇಧೋಹರೀಶ್ವರಸ್ತುತ್ಯಾಂ ವಿಹರ್ತ್ರೀಂ ವಿಂಧ್ಯಭೂಧರೇ | ಹರಪ್ರಾಣೇಶ್ವರೀಂ ವಂದೇ ಹಂತ್ರೀಂ ವಿಬುಧವಿದ್ವಿಷಾಂ || 1 ||

ಅಭ್ಯರ್ಥನೇನ ಸರಸೀರುಹಸಂಭವಸ್ಯತ್ಯಕ್ತ್ವೋದಿತಾ ಭಗವದಕ್ಷಿಪಿಧಾನಲೀಲಾಂ |ವಿಶ್ವೇಶ್ವರೀ ವಿಪದಪಾಕರಣೇ ಪುರಸ್ತಾತ್ಮಾತಾ ಮಮಾಸ್ತು ಮಧುಕೈಟಭಯೋರ್ನಿಹಂತ್ರೀ || 2 ||
ಪ್ರಾಙ್ನಿರ್ಜರೇಷುನಿಹತೈರ್ನಿಜಶಕ್ತಿಲೇಶೈಃಏಕೀಭವದ್ಭಿರುದಿತಾಽಖಿಲಲೋಕಗುಪ್ತ್ಯೈ |ಸಂಪನ್ನಶಸ್ತ್ರನಿಕರಾ ಚ ತದಾಯುಧಸ್ಥೈಃಮಾತಾ ಮಮಾಸ್ತು ಮಹಿಷಾಂತಕರೀ ಪುರಸ್ತಾತ್ || 3 ||

ಪ್ರಾಲೇಯಶೈಲತನಯಾ ತನುಕಾಂತಿಸಂಪತ್ಕೋಶೋದಿತಾ ಕುವಲಯಚ್ಛವಿಚಾರುದೇಹಾ |ನಾರಾಯಣೀ ನಮದಭೀಪ್ಸಿತ ಕಲ್ಪವಲ್ಲೀಸುಪ್ರೀತಿಮಾವಹತು ಶುಂಭನಿಶುಂಭಹಂತ್ರೀ || 4 ||

ವಿಶ್ವೇಶ್ವರೀತಿ ಮಹಿಷಾಂತಕರೀತಿ ಯಸ್ಯಾಃನಾರಾಯಣೀತ್ಯಪಿ ಚ ನಾಮಭಿರಂಕಿತಾನಿ |ಸೂಕ್ತಾನಿ ಪಂಕಜಭುವಾ ಚ ಸುರರ್ಷಿಭಿಶ್ಚ ದೃಷ್ಟಾನಿ ಪಾವಕಮುಖೈಶ್ಚ ಶಿವಾಂ ಭಜೇ ತಾಂ || 5 ||

ಉತ್ಪತ್ತಿದೈತ್ಯಹನನಸ್ತವನಾತ್ಮಕಾನಿಸಂರಕ್ಷಕಾಣ್ಯಖಿಲಭೂತಹಿತಾಯ ಯಸ್ಯಾಃ |ಸೂಕ್ತಾನ್ಯಶೇಷನಿಗಮಾಂತವಿದಃ ಪಠಂತಿತಾಂ ವಿಶ್ವಮಾತರಮಜಸ್ರಮಭಿಷ್ಟವೀಮಿ || 6 ||

ಯೇವೈಪ್ರಚಿತ್ತಪುನರುತ್ಥಿತಶುಂಭಮುಖ್ಯೈಃದುರ್ಭಿಕ್ಷಘೋರಸಮಯೇನ ಚ ಕಾರಿತಾಸು |ಆವಿಷ್ಕೃತಾಸ್ತ್ರಿಜಗದಾರ್ತಿಷು ರೂಪಭೇದಾಃತೈರಂಬಿಕಾ ಸಮಭಿರಕ್ಷತು ಮಾಂ ವಿಪದ್ಭ್ಯಃ || 7 ||

ಸೂಕ್ತಂ ಯದೀಯಮರವಿಂದಭವಾದಿ ದೃಷ್ಟಂಆವರ್ತ್ಯ ದೇವ್ಯನುಪದಂ ಸುರಥಃ ಸಮಾಧಿಃ |ದ್ವಾವಪ್ಯವಾಪತುರಭೀಷ್ಟ ಮನನ್ಯಲಭ್ಯಂತಾಮಾದಿದೇವತರುಣೀಂ ಪ್ರಣಮಾಮಿ ಮೂರ್ಧ್ನಾ || 8 ||

ಮಾಹಿಷ್ಮತೀತನುಭವಂ ಚ ರುರುಂ ಚ ಹಂತುಂಆವಿಷ್ಕೃತೈರ್ನಿಜರ ಸಾದವತಾರಭೇದೈಃ |ಅಷ್ಟಾದಶಾಹತನ ವಾಹತಕೋಟಿಸಂಖ್ಯೈಃ ಅಂಬಾ ಸದಾ ಸಮಭಿರಕ್ಷತು ಮಾಂ ವಿಪದ್ಭ್ಯಃ || 9 ||

ಏತಚ್ಚರಿತ್ರಮಖಿಲಂ ಲಿಖಿತಂ ಹಿ ಯಸ್ಯಾಃಸಂಪೂಜಿತಂ ಸದನ ಏವ ನಿವೇಶಿತಂ ವಾ |ದುರ್ಗಂ ಚ ತಾರಯತಿ ದುಸ್ತರಮಪ್ಯಶೇಷಂಶ್ರೇಯಃ ಪ್ರಯಚ್ಛತಿ ಚ ಸರ್ವಮುಮಾಂ ಭಜೇ ತಾಂ || 10 ||

ಯತ್ಪೂಜನಸ್ತುತಿನಮಸ್ಕೃತಿಭಿರ್ಭವಂತಿಪ್ರೀತಾಃ ಪಿತಾಮಹ ರಮೇಶಹರಾಸ್ತ್ರಯೋಽಪಿ |ತೇಷಾಮಪಿ ಸ್ವಕಗುಣೈರ್ದದತೀ ವಪೂಂಷಿತಾಮೀಶ್ವರಸ್ಯ ತರುಣೀಂ ಶರಣಂ ಪ್ರಪದ್ಯೇ || 11 ||

ಕಾಂತಾರಮಧ್ಯದೃಢಲಗ್ನತಯಾಽವಸನ್ನಾಃಮಗ್ನಾಶ್ಚ ವಾರಿಧಿಜಲೇ ರಿಪುಭಿಶ್ಚ ರುದ್ಧಾಃ |ಯಸ್ಯಾಃ ಪ್ರಪದ್ಯ ಚರಣೌ ವಿಪದಸ್ತರಂತಿಸಾ ಮೇ ಸದಾಽಸ್ತು ಹೃದಿ ಸರ್ವಜಗತ್ಸವಿತ್ರೀ || 12 ||

ಬಂಧೇ ವಧೇ ಮಹತಿ ಮೃತ್ಯುಭಯೇ ಪ್ರಸಕ್ತೇವಿತ್ತಕ್ಷಯೇ ಚ ವಿವಿಧೇ ಯ ಮಹೋಪತಾಪೇ |ಯತ್ಪಾದಪೂಜನಮಿಹ ಪ್ರತಿಕಾರಮಾಹುಃ ಸಾ ಮೇ ಸಮಸ್ತಜನನೀ ಶರಣಂ ಭವಾನೀ || 13 ||

ಬಾಣಾಸುರಪ್ರಹಿತಪನ್ನಗಬಂಧಮೋಕ್ಷಃತದ್ಬಾಹುದರ್ಪದಲನಾದುಷಯಾ ಚ ಯೋಗಃ |ಪ್ರಾದ್ಯುಮ್ನಿನಾ ದ್ರುತಮಲಭ್ಯತ ಯತ್ಪ್ರಸಾದಾತ್ ಸಾ ಮೇ ಶಿವಾ ಸಕಲಮಪ್ಯಶುಭಂ ಕ್ಷಿಣೋತು || 14 ||

ಪಾಪಃ ಪುಲಸ್ತ್ಯತನಯಃ ಪುನರುತ್ಥಿತೋ ಮಾಂಅದ್ಯಾಪಿ ಹರ್ತುಮಯಮಾಗತ ಇತ್ಯುದೀತಂ |ಯತ್ಸೇವನೇನ ಭಯಮಿಂದಿರ ಯಾಽವಧೂತಂತಾಮಾದಿದೇವತರುಣೀಂ ಶರಣಂ ಗತೋಽಸ್ಮಿ || 15 ||

ಯದ್ಧ್ಯಾನಜಂ ಸುಖಮವಾಪ್ಯಮನಂತಪುಣ್ಯೈಃಸಾಕ್ಷಾತ್ತಮಚ್ಯುತ ಪರಿಗ್ರಹಮಾಶ್ವವಾಪುಃ |ಗೋಪಾಂಗನಾಃ ಕಿಲ ಯದರ್ಚನ ಪುಣ್ಯಮಾತ್ರಾಃಸಾ ಮೇ ಸದಾ ಭಗವತೀ ಭವತು ಪ್ರಸನ್ನಾ || 16 ||

ರಾತ್ರಿಂ ಪ್ರಪದ್ಯ ಇತಿ ಮಂತ್ರವಿದಃ ಪ್ರಪನ್ನಾನ್ಉದ್ಬೋಧ್ಯ ಮೃತ್ಯು ವಧಿಮನ್ಯಫಲೈಃ ಪ್ರಲೋಭ್ಯ |ಬುದ್ಧ್ವಾ ಚ ತದ್ವಿಮುಖತಾಂ ಪ್ರತನಂ ನಯಂತೀಂಆಕಾಶಮಾದಿಜನನೀಂ ಜಗತಾಂ ಭಜೇ ತಾಂ || 17 ||

ದೇಶಕಾಲೇಷು ದುಷ್ಟೇಷು ದುರ್ಗಾಚಂದ್ರಕಲಾಸ್ತುತಿಃ | ಸಂಧ್ಯಯೋರನುಸಂಧೇಯಾ ಸರ್ವಾಪದ್ವಿನಿವೃತ್ತಯೇ || 18 ||

ಇತಿ ಶ್ರೀಮದ್ ಅಪಯ್ಯ ದೀಕ್ಷಿತ ವಿರಚಿತಾ ದುರ್ಗಾಚಂದ್ರಕಳಾಸ್ತುತಿಃ ಸಮಾಪ್ತ:   ಶ್ರೀ ಕೃಷ್ಣಾರ್ಪಣಮಸ್ತು ||

 ಸ್ತುತಿಯನ್ನು ಪಠಿಸುವುದರಿಂದ ದಾರಿದ್ರ್ಯ, ರೋಗಗಳು, ಶತ್ರುಭಯ, ಬಂಧನಗಳು ಮತ್ತು ಅರಣ್ಯದಂತಹ ಕಠಿಣ ಪರಿಸ್ಥಿತಿಗಳಲ್ಲಿರುವವರಿಗೆ ರಕ್ಷಣೆ ದೊರೆಯುತ್ತದೆ. 

ಶಕ್ತಿಯು ಮಧು-ಕೈಟಭ, ಮಹಿಷಾಸುರ, ಶುಂಭ-ನಿಶುಂಭರಂತಹ ಮಹಾ ಅಸುರರನ್ನು ಸಂಹರಿಸಿದಂತೆ, ಭಕ್ತರಿಗೆೆ ಶತ್ರುಗಳ ಮೇಲೆ ವಿಜಯವನ್ನು ಮತ್ತು ಅಡೆತಡೆಗಳನ್ನು ನಿವಾರಿಸುವ ಶಕ್ತಿಯನ್ನು ನೀಡುತ್ತದೆ. 

ಈ ಸ್ತುತಿಯನ್ನು ಜಪಿಸುವುದರಿಂದ ಮನಸ್ಸಿಗೆ ಶಾಂತಿ ದೊರೆಯುತ್ತದೆ, ಆಧ್ಯಾತ್ಮಿಕ ಜ್ಞಾನ ವೃದ್ಧಿಸುತ್ತದೆ ಮತ್ತು ಜೀವನದಲ್ಲಿ ಸಕಾರಾತ್ಮಕ ಶಕ್ತಿಗಳು ತುಂಬುತ್ತವೆ. ಸ್ತೋತ್ರದ ನಿಯಮಿತ ಪಠಣವು ಮನೆಯಲ್ಲಿ ಸುಖ, ಸಮೃದ್ಧಿ ಮತ್ತು ಐಶ್ವರ್ಯವನ್ನು ತರುತ್ತದೆ, ಎಲ್ಲಾ ರೀತಿಯ ಮಂಗಲವನ್ನು ಕರುಣಿಸುತ್ತದೆ. 

ದೇವಿಯು ತನ್ನ ಭಕ್ತರನ್ನು ಎಲ್ಲಾ ರೀತಿಯ ಅಪಾಯಗಳಿಂದ, ದುರ್ಘಟನೆಗಳಿಂದ ಮತ್ತು ದುಷ್ಟ ಶಕ್ತಿಗಳಿಂದ ರಕ್ಷಿಸುತ್ತಾಳೆ, ಅವರಿಗೆ ಅಭಯವನ್ನು ನೀಡುತ್ತಾಳೆ.