Anjaneya bhujanga prayata ಶ್ರೀ ಆಂಜನೇಯ ಭುಜಂಗ ಪ್ರಯಾತ ಸ್ತೋತ್ರಮ್

॥  ಶ್ರೀಮದಾಂಜನೇಯ ಭುಜಂಗಪ್ರಯಾತ ಸ್ತೋತ್ರಮ್  ॥

ಶ್ರೀ ಗುರುಭ್ಯೋ ನಮಃ  ಹರಿಃ ಓಂ 

ಅಥ ಧ್ಯಾನಮ್ ।
ಮನೋಜವಂ ಮಾರುತತುಲ್ಯವೇಗಮ್
ಜಿತೇನ್ದ್ರಿಯಂ ಬುದ್ಧಿಮತಾಂ ವರಿಷ್ಠಮ್ ।
ವಾತಾತ್ಮಜಂ ವಾನರಯೂಥಮುಖ್ಯಮ್
ಶ್ರೀರಾಮದೂತಂ ಶರಣಂ ಪ್ರಪದ್ಯೇ ॥

ಬುದ್ಧಿರ್ಬಲಂ ಯಶೋ ಧೈರ್ಯಂ ನಿರ್ಭಯತ್ವಂ ಅರೋಗತಾ । ಅಜಾಡ್ಯಂ ವಾಕ್ಪಟುತ್ವಂ ಚ ಹನುಮತ್ಸ್ಮರಣಾದ್ ಭವೇತ್ ॥

ಓಂ ಆಂಜನೇಯಾಯ ವಿದ್ಮಹೇ ವಾಯುಪುತ್ರಾಯ ಧೀಮಹಿ ತನ್ನೋ ಹನುಮತ್ ಪ್ರಚೋದಯಾತ್ ॥

ಓಂ ಫ್ರೌಂ । 
ಓಂ ನಮೋ ಹನುಮತೇ ಆವೇಷೇ ಆವೇಷೇ ಸ್ವಾಹಾ ।
ಓಂ ಹೂಂ ಹನುಮತೇ ರುದ್ರಾತ್ಮಕಾಯೇ ಹೂಂ ಫಟ್ ಸ್ವಾಹಾ ।
ಓಂ ಐಂ ಭ್ರೀಂ ಹನುಮತೇ ಶ್ರೀರಾಮದೂತಾಯ ನಮಃ । ಓಂ ಹ್ರೀಂ ಹರಿ ಮರ್ಕಟ ಮರ್ಕಟಾಯ ಸ್ವಾಹಾ ।

ಅಥ ಸ್ತೋತ್ರಮ್ ।
ಪ್ರಪನ್ನಾನುರಾಗಂ ಪ್ರಭಾಕಾಂಚನಾಭಂ
ಜಗದ್ಭೀತಿಶೌರ್ಯಂ ತುಷಾರಾದ್ರಿಧೈರ್ಯಮ್ ।
ತೃಣೀಭೂತಹೇತಿಂ ರಣೋದ್ಯದ್ವಿಭೂತಿಂ
ಭಜೇ ವಾಯುಪುತ್ರಂ ಪವಿತ್ರಾಪ್ತಮಿತ್ರಮ್ ॥ 1॥

ಭಜೇ ಪಾವನಂ ಭಾವನಾನಿತ್ಯವಾಸಂ
ಭಜೇ ಬಾಲಭಾನು ಪ್ರಭಾಚಾರುಭಾಸಮ್ ।
ಭಜೇ ಚನ್ದ್ರಿಕಾಕುನ್ದ ಮನ್ದಾರಹಾಸಂ
ಭಜೇ ಸನ್ತತಂ ರಾಮಭೂಪಾಲ ದಾಸಮ್ ॥ 2॥

ಭಜೇ ಲಕ್ಷ್ಮಣಪ್ರಾಣರಕ್ಷಾತಿದಕ್ಷಂ
ಭಜೇ ತೋಷಿತಾನೇಕ ಗೀರ್ವಾಣಪಕ್ಷಮ್ ।
ಭಜೇ ಘೋರಸಂಗ್ರಾಮ ಸೀಮಾಹತಾಕ್ಷಂ
ಭಜೇ ರಾಮನಾಮಾತಿ ಸಮ್ಪ್ರಾಪ್ತರಕ್ಷಮ್ ॥ 3॥

ಕೃತಾಭೀಲನಾದಂ ಕ್ಷಿತಿಕ್ಷಿಪ್ತಪಾದಂ
ಘನಕ್ರಾನ್ತ ಭೃಂಗಂ ಕಟಿಸ್ಥೋರು ಜಂಘಮ್ ।
ವಿಯದ್ವ್ಯಾಪ್ತಕೇಶಂ ಭುಜಾಶ್ಲೇಷಿತಾಶ್ಮಂ
ಜಯಶ್ರೀ ಸಮೇತಂ ಭಜೇ ರಾಮದೂತಮ್ ॥ 4॥

ಚಲದ್ವಾಲಘಾತಂ ಭ್ರಮಚ್ಚಕ್ರವಾಲಂ
ಕಠೋರಾಟ್ಟಹಾಸಂ ಪ್ರಭಿನ್ನಾಬ್ಜಜಾಂಡಮ್ ।
ಮಹಾಸಿಂಹನಾದಾ ದ್ವಿಶೀರ್ಣತ್ರಿಲೋಕಂ
ಭಜೇ ಚಾಂಜನೇಯಂ ಪ್ರಭುಂ ವಜ್ರಕಾಯಮ್ ॥ 5॥

ರಣೇ ಭೀಷಣೇ ಮೇಘನಾದೇ ಸನಾದೇ
ಸರೋಷೇ ಸಮಾರೋಪಿತೇ ಮಿತ್ರಮುಖ್ಯೇ ।
ಖಗಾನಾಂ ಘನಾನಾಂ ಸುರಾಣಾಂ ಚ ಮಾರ್ಗೇ
ನಟನ್ತಂ ವಹನ್ತಂ ಹನೂಮನ್ತ ಮೀಡೇ ॥ 6॥

ಕನದ್ರತ್ನ ಜಮ್ಭಾರಿ ದಮ್ಭೋಲಿಧಾರಂ
ಕನದ್ದನ್ತ ನಿರ್ಧೂತಕಾಲೋಗ್ರ ದನ್ತಮ್ ।
ಪದಾಘಾತಭೀತಾಬ್ಧಿ ಭೂತಾದಿವಾಸಂ
ರಣಕ್ಷೋಣಿದಕ್ಷಂ ಭಜೇ ಪಿಂಗಲಾಕ್ಷಮ್ ॥ 7॥

ಮಹಾಗರ್ಭಪೀಡಾಂ ಮಹೋತ್ಪಾತಪೀಡಾಂ
ಮಹಾರೋಗಪೀಡಾಂ ಮಹಾತೀವ್ರಪೀಡಾಮ್ ।
ಹರತ್ಯಾಶು ತೇ ಪಾದಪದ್ಮಾನುರಕ್ತೋ
ನಮಸ್ತೇ ಕಪಿಶ್ರೇಷ್ಠ ರಾಮಪ್ರಿಯೋಯಃ ॥ 8॥

ಸುಧಾಸಿನ್ಧುಮುಲ್ಲಂಘ್ಯ ನಾಥೋಗ್ರ ದೀಪ್ತಃ
ಸುಧಾಚೌಷದೀಸ್ತಾಃ ಪ್ರಗುಪ್ತಪ್ರಭಾವಮ್ ।
ಕ್ಷಣದ್ರೋಣಶೈಲಸ್ಯ ಸಾರೇಣ ಸೇತುಂ
ವಿನಾ ಭೂಃಸ್ವಯಂ ಕಸ್ಸಮರ್ಥಃ ಕಪೀನ್ದ್ರಃ ॥ 9॥

ನಿರಾತಂಕಮಾವಿಶ್ಯ ಲಂಕಾಂ ವಿಶಂಕೋ
ಭವಾನೇನ ಸೀತಾತಿಶೋಕಾಪಹಾರೀ ।
ಸಮುದ್ರಾನ್ತರಂಗಾದಿ ರೌದ್ರಂ ವಿನಿದ್ರಂ
ವಿಲಂಘ್ಯೋರು ಜಂಘಸ್ತುತಾಽಮರ್ತ್ಯಸಂಘಃ ॥ 10॥

ರಮಾನಾಥ ರಾಮಃ ಕ್ಷಮಾನಾಥ ರಾಮಃ
ಅಶೋಕೇನ ಶೋಕಂ ವಿಹಾಯ ಪ್ರಹರ್ಷಮ್ ।
ವನಾನ್ತರ್ಘನಂ ಜೀವನಂ ದಾನವಾನಾಂ
ವಿಪಾಟ್ಯ ಪ್ರಹರ್ಷಾತ್ ಹನೂಮತ್ ತ್ವಮೇವ ॥ 11॥

ಜರಾಭಾರತೋ ಭೂರಿಪೀಡಾಂ ಶರೀರೇ
ನಿರಾಧಾರಣಾರೂಢ ಗಾಢ ಪ್ರತಾಪೇ ।
ಭವತ್ಪಾದಭಕ್ತಿಂ ಭವದ್ಭಕ್ತಿರಕ್ತಿಂ
ಕುರು ಶ್ರೀಹನೂಮತ್ಪ್ರಭೋ ಮೇ ದಯಾಲೋ ॥ 12॥

ಮಹಾಯೋಗಿನೋ ಬ್ರಹ್ಮರುದ್ರಾದಯೋ ವಾ
ನ ಜಾನನ್ತಿ ತತ್ತ್ವಂ ನಿಜಂ ರಾಘವಸ್ಯ ।
ಕಥಂ ಜ್ಞಾಯತೇ ಮಾದೃಶೇ ನಿತ್ಯಮೇವ
ಪ್ರಸೀದ ಪ್ರಭೋ ವಾನರೇನ್ದ್ರೋ ನಮಸ್ತೇ ॥ 13॥

ನಮಸ್ತೇ ಮಹಾಸತ್ತ್ವವಾಹಾಯ ತುಭ್ಯಂ
ನಮಸ್ತೇ ಮಹಾವಜ್ರ ದೇಹಾಯ ತುಭ್ಯಮ್ ।
ನಮಸ್ತೇ ಪರೀಭೂತ ಸೂರ್ಯಾಯ ತುಭ್ಯಂ
ನಮಸ್ತೇ ಕೃತಮರ್ತ್ಯ ಕಾರ್ಯಾಯ ತುಭ್ಯಮ್ ॥ 14॥

ನಮಸ್ತೇ ಸದಾ ಬ್ರಹ್ಮಚರ್ಯಾಯ ತುಭ್ಯಂ
ನಮಸ್ತೇ ಸದಾ ವಾಯುಪುತ್ರಾಯ ತುಭ್ಯಮ್ ।
ನಮಸ್ತೇ ಸದಾ ಪಿಂಗಲಾಕ್ಷಾಯ ತುಭ್ಯಂ
ನಮಸ್ತೇ ಸದಾ ರಾಮಭಕ್ತಾಯ ತುಭ್ಯಮ್ ॥ 15॥

॥ ಫಲಶ್ರುತಿಃ ॥
ಹನುಮದ್ಭುಜಂಗಪ್ರಯಾತಂ ಪ್ರಭಾತೇ
ಪ್ರದೋಷೇಽಪಿ ವಾ ಚಾರ್ಧರಾತ್ರೇಽಪ್ಯಮರ್ತ್ಯಃ ।
ಪಠನ್ನಶ್ನತೋಽಪಿ ಪ್ರಮುಕ್ತಾಘಜಾಲಂ
ಸದಾ ಸರ್ವದಾ ರಾಮಭಕ್ತಿಂ ಪ್ರಿಯಾತಿ ॥ 16॥

ಇತಿ ಶ್ರೀಮದಾಂಜನೇಯ ಭುಜಂಗ ಪ್ರಯಾತ ಸ್ತೋತ್ರಮ್  ಸಮ್ಪೂರ್ಣಂ 

ಶ್ರೀ ಕೃಷ್ಣಾರ್ಪಣಮಸ್ತು