श्री गुरुभ्यो नमः हरी: ॐ
दुग्धेन्दु कुन्दोज्ज्वलसुन्दराङ्गीं
मुक्ताफलाहारविभूषिताङ्गीम् ।
शुभ्राम्बरां स्तनभरालसाङ्गीं
वन्देऽहमाद्यां तुलजाभवानीम् ॥ १॥
बालार्कभासामतिचारुहासां
माणिक्यमुक्ताफलहारकण्ठीम् ।
रक्ताम्बरां रक्तविशालनेत्रीं
वन्देऽहमाद्यां तुलजाभवानीम् ॥ २॥
श्यामाङ्गवर्णां मृगशावनेत्रां
कौशेयवस्त्रां कुसुमेषु पूज्याम् ॥
कस्तूरिकाचन्दनचर्चिताङ्गीं
वन्देऽहमाद्यां तुलजाभवानीम् ॥ ३॥
पीताम्बरां चम्पककान्तिगौरीं
अलङ्कृतामुत्तममण्डनैश्च ।
नाशाय भूतां भुवि दानवानां
वन्देऽहमाद्यां तुलजाभवानीम् ॥ ४॥
चन्द्रार्कताटङ्कधरां त्रिनेत्रां
शूलं दधानामतिकालरूपाम् ।
विपक्षनाशाय धृतायुधां तां
वन्देऽहमाद्यां तुलजाभवानीम् ॥ ५॥
ब्रह्मेन्द्र नारायणरुद्रपूज्यां
देवाङ्गनाभिः परिगीयमानाम् ।
स्तुतां वचोभिर्मुनिनारदाद्यैः
वन्देऽहमाद्यां तुलजाभवानीम् ॥ ६॥
अष्टाङ्गयोगे सनकादिभिश्च
ध्यातां मुनीन्द्रैश्च समाधिगम्याम् ।
भक्तस्य नित्यं भुवि कामधेनुं
वन्देऽहमाद्यां तुलजाभवानीम् ॥ ७॥
सिंहासनस्थां परिवीज्यमानां
देवैः समस्तैश्च सुचामरैश्च ।
छत्रं दधानामतिशुभ्रवर्णां
वन्देऽहमाद्यां तुलजाभवानीम् ॥ ८॥
पूर्णः कटाक्षोऽखिललोकमातु-
र्गिरीन्द्रकन्यां भजतां सुधन्याम् ।
दारिद्र्यकं नैव कदा जनानां
चिन्ता कुतः स्याद्भवसागरस्य ॥ ९॥
तुळजाष्टकमिदं स्तोत्रं त्रिकालं यः पठेन्नरः ।
आयुः कीर्तिर्यशो लक्ष्मी धनपुत्रानवाप्नुयात् ॥ १०॥
॥ इति श्रीमच्छङ्कराचार्य विरचितं तुळजाष्टकं सम्पूर्णम् ॥ (तुरजाष्टकम्, तुळजाष्टकम्) श्री कृष्णार्पणमस्तु
ತುಳಜಾಷ್ಟಕಂ
ಶ್ರೀ ಗುರುಭ್ಯೋ ನಮಃ ಹರಿ ಓಂ
ದುಗ್ಧೇಂದು ಕುಂದೋಜ್ಜ್ವಲಸುಂದರಾಂಗೀಂ
ಮುಕ್ತಾಫಲಾಹಾರವಿಭೂಷಿತಾಂಗೀಂ .
ಶುಭ್ರಾಂಬರಾಂ ಸ್ತನಭರಾಲಸಾಂಗೀಂ
ವಂದೇಽಹಮಾದ್ಯಾಂ ತುಲಜಾಭವಾನೀಂ .. ೧..
ಬಾಲಾರ್ಕಭಾಸಾಮತಿಚಾರುಹಾಸಾಂ
ಮಾಣಿಕ್ಯಮುಕ್ತಾಫಲಹಾರಕಂಠೀಂ .
ರಕ್ತಾಂಬರಾಂ ರಕ್ತವಿಶಾಲನೇತ್ರೀಂ
ವಂದೇಽಹಮಾದ್ಯಾಂ ತುಲಜಾಭವಾನೀಂ .. ೨..
ಶ್ಯಾಮಾಂಗವರ್ಣಾಂ ಮೃಗಶಾವನೇತ್ರಾಂ
ಕೌಶೇಯವಸ್ತ್ರಾಂ ಕುಸುಮೇಷು ಪೂಜ್ಯಾಂ ..
ಕಸ್ತೂರಿಕಾಚಂದನಚರ್ಚಿತಾಂಗೀಂ
ವಂದೇಽಹಮಾದ್ಯಾಂ ತುಲಜಾಭವಾನೀಂ .. ೩..
ಪೀತಾಂಬರಾಂ ಚಂಪಕಕಾಂತಿಗೌರೀಂ
ಅಲಂಕೃತಾಮುತ್ತಮಮಂಡನೈಶ್ಚ .
ನಾಶಾಯ ಭೂತಾಂ ಭುವಿ ದಾನವಾನಾಂ
ವಂದೇಽಹಮಾದ್ಯಾಂ ತುಲಜಾಭವಾನೀಂ .. ೪..
ಚಂದ್ರಾರ್ಕತಾಟಂಕಧರಾಂ ತ್ರಿನೇತ್ರಾಂ
ಶೂಲಂ ದಧಾನಾಮತಿಕಾಲರೂಪಾಂ .
ವಿಪಕ್ಷನಾಶಾಯ ಧೃತಾಯುಧಾಂ ತಾಂ
ವಂದೇಽಹಮಾದ್ಯಾಂ ತುಲಜಾಭವಾನೀಂ .. ೫..
ಬ್ರಹ್ಮೇಂದ್ರ ನಾರಾಯಣರುದ್ರಪೂಜ್ಯಾಂ
ದೇವಾಂಗನಾಭಿಃ ಪರಿಗೀಯಮಾನಾಂ .
ಸ್ತುತಾಂ ವಚೋಭಿರ್ಮುನಿನಾರದಾದ್ಯೈಃ
ವಂದೇಽಹಮಾದ್ಯಾಂ ತುಲಜಾಭವಾನೀಂ .. ೬..
ಅಷ್ಟಾಂಗಯೋಗೇ ಸನಕಾದಿಭಿಶ್ಚ
ಧ್ಯಾತಾಂ ಮುನೀಂದ್ರೈಶ್ಚ ಸಮಾಧಿಗಮ್ಯಾಂ .
ಭಕ್ತಸ್ಯ ನಿತ್ಯಂ ಭುವಿ ಕಾಮಧೇನುಂ
ವಂದೇಽಹಮಾದ್ಯಾಂ ತುಲಜಾಭವಾನೀಂ .. ೭..
ಸಿಂಹಾಸನಸ್ಥಾಂ ಪರಿವೀಜ್ಯಮಾನಾಂ
ದೇವೈಃ ಸಮಸ್ತೈಶ್ಚ ಸುಚಾಮರೈಶ್ಚ .
ಛತ್ರಂ ದಧಾನಾಮತಿಶುಭ್ರವರ್ಣಾಂ
ವಂದೇಽಹಮಾದ್ಯಾಂ ತುಲಜಾಭವಾನೀಂ .. ೮..
ಪೂರ್ಣಃ ಕಟಾಕ್ಷೋಽಖಿಲಲೋಕಮಾತು- ರ್ಗಿರೀಂದ್ರಕನ್ಯಾಂ ಭಜತಾಂ ಸುಧನ್ಯಾಂ .
ದಾರಿದ್ರ್ಯಕಂ ನೈವ ಕದಾ ಜನಾನಾಂ
ಚಿಂತಾ ಕುತಃ ಸ್ಯಾದ್ಭವಸಾಗರಸ್ಯ .. ೯..
ತುಲಜಾಷ್ಟಕಮಿದಂ ಸ್ತೋತ್ರಂ ತ್ರಿಕಾಲಂ ಯಃ ಪಠೇನ್ನರಃ .ಆಯುಃ ಕೀರ್ತಿರ್ಯಶೋ ಲಕ್ಷ್ಮೀ ಧನಪುತ್ರಾನವಾಪ್ನುಯಾತ್ .. ೧೦..
.. ಇತಿ ಶ್ರೀಮಚ್ಛಂಕರಾಚಾರ್ಯ ವಿರಚಿತಂ ತುಲಜಾಷ್ಟಕಂ ಸಂಪೂರ್ಣಂ .. ಶ್ರೀ ಕೃಷ್ಣಾರ್ಪಣಮಸ್ತು
(ತುರಜಾಷ್ಟಕಂ, ತುಳಜಾಷ್ಟಕಂ)
No comments:
Post a Comment