GOSAVITRI STOTRA गोसावित्री स्तोत्रम्. ಗೋಸಾವಿತ್ರೀ ಸ್ತೋತ್ರಮ್

 ಶ್ರೀ ಮನ್ಮಹಾಭಾರತೇ ಭೀಷ್ಮಯುಧಿಷ್ಠಿರಸಂವಾದೇ 

GOSAVITRI STOTRA गोसावित्री स्तोत्रम्. ಗೋಸಾವಿತ್ರೀ ಸ್ತೋತ್ರಮ್

।। ಅಥ ಗೋಸಾವಿತ್ರೀ ಸ್ತೋತ್ರಮ್ ।।

ಶ್ರೀ ಗುರುಭ್ಯೋ ನಮಃ ಹರಿ: ಓಂ 
ನಾರಾಯಣಂ ನಮಸ್ಕೃತ್ಯ ದೇವೀಂ ತ್ರಿಭುವನೇಶ್ವರೀಮ್ । ಗೋಸಾವಿತ್ರೀಂ ಪ್ರವಕ್ಷ್ಯಾಮಿ ವ್ಯಾಸೇನೋಕ್ತಾಂ ಸನಾತನೀಮ್ ॥೧॥

ಯಸ್ಯ ಶ್ರವಣಮಾತ್ರೇಣ ಸರ್ವಪಾಪೈಃ ಪ್ರಮುಚ್ಯತೇ ।
ಗವಾಂ ನಿಶ್ವಸಿತಂ ವೇದಾಃ ಸಷಡಂಗ ಪದಕ್ರಮಾಃ ॥೨॥

ಶಿಕ್ಷಾ ವ್ಯಾಕರಣಂ ಛಂದೋ ನಿರುಕ್ತಂ ಜ್ಯೌತಿಷಂ ತಥಾ ।
ಏತಾಸಾಮಗ್ರ ಶೃಂಗೇಷು ಇಂದ್ರವಿಷ್ಣೂ ಸ್ವಯಂ ಸ್ಥಿತೌ ॥೩॥

ಶಿರೋ ಬ್ರಹ್ಮಾ ಗುರುಃ ಸ್ಕಂಧೇ ಲಲಾಟೇ ಗೋವೃಷಧ್ವಜಃ । ಕರ್ಣಯೋರಶ್ವಿನೌ ದೇವೌ ಚಕ್ಷುಷೋಃ ಶಶಿಭಾಸ್ಕರೌ ॥೪॥

ದಂತೇಷು ಮರುತೋ ದೇವಾ ಜಿಹ್ವಾಯಾಂ ಚ ಸರಸ್ವತೀ । ಕಂಠೇ ಚ ವರುಣೋ ದೇವೋ ಹೃದಯೇ ಹವ್ಯವಾಹನಃ ॥೫॥

ಉದರೇ ಪೃಥಿವೀ ದೇವೀ ಸಶೈಲವನಕಾನನಾ ।
ಕಕುದಿ ದ್ಯೌಃ ಸನಕ್ಷತ್ರಾ ಪೃಷ್ಠೇ ವೈವಸ್ವತೋ ಯಮಃ ॥೬॥

ಊರ್ವೋಸ್ತು ವಸವೋ ದೇವಾ ವಾಯುರ್ಜಂಘೇ ಸಮಾಶ್ರಿತಃ । ಆದಿತ್ಯಸ್ತ್ವಾಶ್ರಿತೋ ವಾಲೇ ಸಾಧ್ಯಾಃ ಸರ್ವಾಂಗಸಂಧಿಷು ॥೭॥

ಅಪಾನೇ ಸರ್ವತೀರ್ಥಾನಿ ಗೋಮೂತ್ರೇ ಜಾಹ್ನವೀ ಸ್ವಯಮ್ । ಧೃತಿಃಪುಷ್ಟಿರ್ಮಹಾಲಕ್ಷ್ಮೀರ್ಗೋಮಯೇ ಸಂಸ್ಥಿತಾ ಸದಾ ॥೮॥

ನಾಸಿಕಾಯಾಂ ಚ ಶ್ರೀದೇವೀ ಜ್ಯೇಷ್ಠಾ ವಸತಿ ಮಾನವೀ । ಚತ್ವಾರಃ ಸಾಗರಾಃ ಪೂರ್ಣಾ ಗವಾಂ ಹ್ಯೇವ ಪಯೋಧರೇ ॥೯॥

ಖುರಮಧ್ಯೇಷು ಗಂಧರ್ವಾಃ ಖುರಾಗ್ರೇ ಪನ್ನಗಾಃ ಶ್ರಿತಾಃ । ಖುರಾಣಾಂ ಪಶ್ಚಿಮೇ ಭಾಗೇ ಅಪ್ಸರಾಣಾಂ ಗಣಾಃ ಸ್ಮೃತಾಃ ॥೧೦॥

ಶ್ರೋಣೀತಟೇಷು ಪಿತರೋ ರೋಮಲಾಂಗೂಲ ಮಾಶ್ರಿತಾಃ । ಋಷಯೋ ರೋಮಕೂಪೇಷು ಚರ್ಮಣ್ಯೇವ ಪ್ರಜಾಪತಿಃ ॥೧೧॥

ಸರ್ವಾ ವಿಷ್ಣುಮಯಾ ಗಾವಃ ತಾಸಾಂ ಗೋಪ್ತಾ ಹಿ ಕೇಶವಃ । ಹುಂಕಾರೇ ಚತುರೋ ವೇದಾಃ ಹುಂಶಬ್ದೇ ಚ ಪ್ರಜಾಪತಿಃ ॥೧೨॥

ಗವಾಂ ದೃಷ್ಟ್ವಾ ನಮಸ್ಕೃತ್ಯ ಕೃತ್ವಾ ಚೈವ ಪ್ರದಕ್ಷಿಣಮ್ । ಪ್ರದಕ್ಷಿಣೀಕೃತಾ ತೇನ ಸಪ್ತದ್ವಿಪಾ ವಸುಂಧರಾ ॥೧೩॥

ಕಾಮದೋಗ್ಧ್ರೀ ಸ್ವಯಂ ಕಾಮದೋಗ್ಧಾ ಸನ್ನಿಹಿತಾ ಮತಾ । ಗೋಗ್ರಾಸಸ್ಯ ವಿಶೇಷೋಽಸ್ತಿ ಹಸ್ತ ಸಂಪೂರ್ಣಮಾತ್ರತಃ ॥೧೪॥

ಶತಬ್ರಾಹ್ಮಣಭುಕ್ತೇನ ಸಮಮಾಹುರ್ಯುಧಿಷ್ಠಿರ: ।
ಯ ಇದಂ ಪಠತೇ ನಿತ್ಯಂ ಶೃಣುಯಾದ್ವಾ ಸಮಾಹಿತಃ ॥೧೫॥

ಬ್ರಾಹ್ಮಣೋ ಲಭತೇ ವಿದ್ಯಾಂ ಕ್ಷತ್ರಿಯೋ ರಾಜ್ಯ ಮಾಪ್ನುಯಾತ್ । ವೈಶ್ಯಶ್ಚ ಪಶುಮಾನ್ ಸ ಸ್ಯಾತ್ ಶೂದ್ರಶ್ಚ ಸುಖಮಾಪ್ನುಯಾತ್ ॥೧೬॥

ಗರ್ಭಿಣೀ ಜನಯೇತ್ ಪುತ್ರಂ ಕನ್ಯಾ ಭರ್ತಾರಮಾಪ್ನುಯಾತ್ । ಸಾಯಂ ಪ್ರಾತಸ್ತು ಪಠತಾಂ ಶಾಂತಿಸ್ವಸ್ತ್ಯಯನಂ ಮಹತ್ ॥೧೭॥

ಅಹೋರಾತ್ರಕೃತೈಃ ಪಾಪೈಸ್ತತ್ಕ್ಷಣಾತ್ ಪರಿಮುಚ್ಯತೇ ।
ಫಲಂ ತು ಗೋಸಹಸ್ರಸ್ಯೇತ್ಯುಕ್ತಂ ಬ್ರಹ್ಮಣಾ ಪುರಾ ॥೧೮॥

॥ ಇತಿ ಶ್ರೀಮನ್ಮಹಾಭಾರತೇ ಭೀಷ್ಮಯುಧಿಷ್ಠಿರಸಂವಾದೇ ಗೋಸಾವಿತ್ರೀಸ್ತೋತ್ರಮ್ ಸಂಪೂರ್ಣಂ॥
ಶ್ರೀ ಕೃಷ್ಣಾರ್ಪಣಮಸ್ತು 

।। अथ गोसावित्री स्तोत्रम् ।।
श्री गुरुभ्यो नमः हरी: ॐ 
नारायणं नमस्कृत्य देवीं त्रिभुवनेश्वरीम् ।
गोसावित्रीं प्रवक्ष्यामि व्यासेनोक्तां सनातनीम् ॥१॥

यस्य श्रवणमात्रेण सर्वपापैः प्रमुच्यते ।
गवां निश्वसितं वेदाः सषडंगपदक्रमाः ॥२॥

शिक्षा व्याकरणं छंदो निरुक्तं ज्यौतिषं तथा ।
एतासामग्रशृंगेषु इंद्रविष्णू स्वयं स्थितौ ॥३॥

शिरो ब्रह्मा गुरुः स्कंधे ललाटे गोवृषध्वजः ।
कर्णयोरश्विनौ देवौ चक्षुषोः शशिभास्करौ ॥४॥

दंतेषु मरुतो देवा जिह्वायां च सरस्वती ।
कंठे च वरुणो देवो हृदये हव्यवाहनः ॥५॥

उदरे पृथिवी देवी सशैलवनकानना ।
ककुदि द्यौः सनक्षत्रा पृष्ठे वैवस्वतो यमः ॥६॥

ऊर्वोस्तु वसवो देवा वायुर्जंघे समाश्रितः ।
आदित्यस्त्वाश्रितो वाले साध्याः सर्वांगसंधिषु ॥७॥

अपाने सर्वतीर्थानि गोमूत्रे जाह्नवी स्वयम् ।
धृतिःपुष्टिर्महालक्ष्मीर्गोमये संस्थिता सदा ॥८॥

नासिकायां च श्रीदेवी ज्येष्ठा वसति मानवी ।
चत्वारः सागराः पूर्णा गवां ह्येव पयोधरे ॥९॥

खुरमध्येषु गंधर्वाः खुराग्रे पन्नगाः श्रिताः ।
खुराणां पश्चिमे भागे ह्यप्सराणां गणाः स्मृताः ॥१०॥

श्रोणीतटेषु पितरो रोमलांगूलमाश्रिताः ।
ऋषयो रोमकूपेषु चर्मण्येव प्रजापतिः ॥११॥

सर्वा विष्णुमया गावः तासां गोप्ता हि केशवः ।
हुंकारे चतुरो वेदाः हुंशब्दे च प्रजापतिः ॥१२॥

गवां दृष्ट्वा नमस्कृत्य कृत्वा चैव प्रदक्षिणम् ।
प्रदक्षिणीकृता तेन सप्तद्विपा वसुंधरा ॥१३॥

कामदोग्ध्री स्वयं कामदोग्धा सन्निहिता मता ।
गोग्रासस्य विशेषोऽस्ति हस्तसंपूर्णमात्रतः ॥१४॥

शतब्राह्मणभुक्तेन सममाहुर्युधिष्ठिर ।
य इदं पठते नित्यं शृणुयाद्वा समाहितः ॥१५॥

ब्राह्मणो लभते विद्यां क्षत्रियो राज्यमाप्नुयात् ।
वैश्यश्च पशुमान् स स्यात् शूद्रश्च सुखमाप्नुयात् ॥१६॥

गर्भिणी जनयेत् पुत्रं कन्या भर्तारमाप्नुयात् ।
सायं प्रातस्तु पठतां शांतिस्वस्त्ययनं महत् ॥१७॥

अहोरात्रकृतैः पापैस्तत्क्षणात् परिमुच्यते ।
फलं तु गोसहस्रस्येत्युक्तं ब्रह्मणा पुरा ॥१८॥

॥ इति श्रीमन्महाभारते भीष्मयुधिष्ठिरसंवादे गोसावित्रीस्तोत्रम् ॥
श्री कृष्णार्पणमस्तु